Нэдиэлэ иһигэр 115 лиитэрэ кэриҥэ арыгылаах утах тутулунна

ИДьМ үлэһиттэрэ ааспыт нэдиэлэ устата Дьокусукай куорат маҕаһыыннарыттан 115,4 лиитэрэ арыгылаах утаҕы тутта (сыл саҕаланыаҕыттан – 16645,3 лиитэрэ). 
Бэрэбиэркэ түмүгүнэн сэтинньи 23–29 күннэригэр 8 административнай боротокуол толорулунна (сыл саҕалныаҕаттан – 347).
Ол курдук, сэтинньи 23 күнүгэр «Гранат» маҕаһыын (Дзержинскэй уул., 15/2А) көҥүллэммэт бириэмэҕэ арыгынан эргинэ турара билиннэ. Миэстэтигэр 1,15 лиитэрэ арыгылаах утах тутулунна. Эмиэ бу күн Марха бөһүөлэгэр «Родник» маҕаһыын (Газовиктар уул., 26/1а) эмиэ арыгыны көҥүлэ суох атыылаабыта билиннэ. Бэрэбиэркэлээччилэр бу маҕаһыынтан 1,7 лиитэрэ пиибэни туттулар.
Сэтинньи 25 күнүгэр «Сулустар» маҕаһыын (Воинская уул., ¼) административнай буруйу оҥорууга тутулунна. Миэстэтигэр 108,9 лиитэрэ арыгылаах утах тутулунна.
Сэтинньи 27 күнүгэр «Пенная станция» бар-маҕаһыын (Халтурин уул., 63) 1,15 лиитэрэ арыгыны көҥүлэ суох атыылаабыта билиннэ. 
Сэтинньи 28 күнүгэр «Геолог» маҕаһыын (Билибин уул., 32А) эмиэ арыгыны биирдиилээн атыылыыры хаарчахтыыр сокуону кэһэн туран сарсыарда 11:30 чааска 2 бааҥка пиибэни атыылаабыта билиннэ. Эмиэ бу күн киэһэ 20:13 чааска «Заря» маҕаһыын (Семен Данилов уул.,1) 0,45 лиитэрэ кээмэйдээх пиибэни атыылаан тутулунна.
Сэтинньи 29 күнүгэр киэһэ 19:44 чааска «Уйгу-Быйаҥ» маҕаһыын (Октябрьскай уул., 27/2) 0,4 лиитэрэ иэннээх итирдэр утаҕы сааһын ситэ илик оҕоҕо атыылаабыта билиннэ. Оттон «Бонус» маҕаһыын (Хатыҥ Үрэх шоссетын 5 км, 18/1) 1,15 лиитэрэ арыгыны көҥүлэ суох бириэмэҕэ атыылаабыт, диэн Олохтоох дьаһалта пресс-сулууспата иһитиннэрэр. 
Ааттаммыт маҕаһыыннарга барыларыгар РФ Административнай кодексатын14.2, 14.16, 14.16 ыст.ыст. 2.1 чаастарынан буруйу оҥоруу иһин боротокуол толорулунна.