Дьиэ кэргэн хапытаалын суумата 316 тыһ. солк. диэри улаатыаҕа

Кэлэр сылтан өрөспүүбүлүкэтээҕи «Дьиэ кэргэн» тус сыаллаах харчынан өйөбүл кээмэйэ 316 тыһыынча 200 солкуобайга диэри улаатыаҕа, диэн үлэ уонна социальнай сайдыы миниистирэ Елена Волкова Ил Түмэн ылыммыт бүддьүөт тутуһан сокуонугар сигэнэн иһитиннэрэр. 

Санатар буоллахха, 2024 сылга биллэриллибит дойдуга Дьиэ кэргэн уонна Саха сиригэр Оҕо саас сылларынан Ил Дархан Айсен Николаев быһаарыытынан «Дьиэ кэргэн» хапытаал суумата икки бүк үрдэтиллэн, 300 тыһыынча солкуобайга тиэрдиллэн турар. 2025 сылга бу төлөбүр индексация суотугар 16 тыһыынчанан эбиллиэҕэ. 
«Маны сэргэ «Үйэ оҕолоро» өрөспүүбүлкэ таһымнаах төлөбүр кээмэйэ эмиэ 110 тыһ. солкуобайтан 116 тыһ. 756 солкуобайга диэри улаатыаҕа», – диэн бэлиэтиир Елена Волкова. Ол туһунан Ил Дархан уонна Бырабыыталыстыба пресс-сулууспата иһитиннэрэр.