18.07.2023 | 17:14

VIII-с «Азия оҕолоро» Норуоттар икки ардыларынааҕы спортивнай оонньуулары тэрийэр кэмитиэт бастакы мунньаҕа буолан ааста

VIII-с «Азия оҕолоро» Норуоттар икки ардыларынааҕы спортивнай оонньуулары тэрийэр кэмитиэт бастакы мунньаҕа буолан ааста
Ааптар: Киин Куорат
Бөлөххө киир

От ыйын 17 күнүгэр Олохтоох дьаһалтаҕа баһылык Евгений Григорьев 2024 сыл бэс ыйын 26  - от ыйын 6 күннэригэр ыытыллыахтаах VIII-с «Азия оҕолоро» Норуоттар икки ардыларынааҕы спортивнай оонньуулары тэрийэр кэмитиэт бастакы мунньаҕын ыытта. 
Мунньахха VIII-с «Азия оҕолоро» Норуоттар икки ардыларынааҕы спортивнай оонньуулар дириэксийэлэрин генеральнай дириэктэрин э.т. Михаил Сивцев уонна Куорат дууматын бэрэссэдээтэлэ Альберт Семенов кыттыыны ыллылар.
Михаил Сивцев иһитиннэрбитинэн, Оонньуулар спорт 24 көрүҥэр Дьокуускай куорат 16 спортивнай эбийиэгэр ыытыллыахтаахтар. Оттон Оонньууларга 20 араас дойду спортсменнара кэлэллэрэ күүтүллэр. Ыалдьыттары ХИФУ уопсай дьиэлэригэр олордуохтара уонна куорат 45 уопсастыбыннай аһылык сиригэр аһатыахтара. Оонньуулар кэмнэригэр 2000 кэриҥэ олохтоох уонна кэлии волонтер үлэлиэҕэ.
Сүрүн судьуйанан «Азия оҕолоруттан» кынаттанан Пекин Ооимпиадатыгар кыттыбыт аан дойду, Азия чемпиона, Казахстан спордун үтүөлээх маастара, Казахстан үтүөлээх тренерэ боксер Мерей Акшалов үлэлиэҕэ. Оонньуулар талисманнарынан мамонт оҕото бигэргэтиллибит. 
Оонньуулары тэрийэр кэмитиэт бэрэссэдээтэлэ, Дьокуускай куорат баһылыга Евгений Григорьев тутуллуохтаах эбийиэктэр бырайыактарын, сметаларын ситэрэргэ, куораты тупсарыы былаанын чэрчитинэн суол өрөмүөнүн, куораты көҕөрдүүнү хааччыйарга  сорудахтаата. 
Бэлиэтээн эттэххэ, «Азия оҕолоро» оонньууларынан хаарбах туруктаах дьиэлэри көтүрүү, элбэх кыбартыыралаах дьиэлэр эркиннэрин, 30 уопсастыбаннай туонаны тупсарыы ыытыллара, 33 тыһ. кв.м иэннээх 56 уулуссаны, спорт эбийиэктэригэр киирэр суоллары өрөмүөннээһин кытта былааннанар. 
Спорт управлениетын начаалынньыга Эдуард Ефимов иһитиннэрбитинэн, быйыл 6 №-дээх оҕо спортивнай оскуолатыгар сарайа саҥардыллар, 4 №-дээх спорт оскуолатыгар санузел өрөмүөннэниэхтээх, бу икки эбийиэккэ эһиил спортивнай паркет тэлгэнэр. 
Евгений Григорьев VIII-с «Азия оҕолоро» Норуоттар икки ардыларынааҕы спортивнай оонньууларга бэлэмнэнии аан дойду стандартыгар сөп түбэһэр гына ыытыллыахтааҕын тоһоҕолоото.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...