VII-с «Аҕа күрэҕэ» ыҥырар!

«Аҕа күрэҕэ» куораттааҕы куонкурус быйыл VII-с төгүлүн Дьокуускайга бу субуотаҕа, кулун тутар 9 күнүгэр, ыытыллыаҕа.
Күрэххэ хас биирдии уокуруктан уонна куорат таһынааҕы нэһилиэктэн аҕа уонна уол саастааптаах хамаандалар кытталлар. Хамаандалар бэйэни билиһиннэрии, ойбон алларыыта, остуолбаҕа тахсыы курдук түһүмэхтэргэ, маны сэргэ маһы суоран, чууркалаан, хайытан, уот оттон, чэй өрөргө күрэхтэһэллэр.
Кыайыылаахтары сыаналаах бириистэр күүтэллэр. Оттон икки бастаабыт хамаанда куорат чиэһин өрөспүүбүлүкэ таһымыгар көмүскүүр үрдүк эппиэтинэскэ тиксэр. Бэлиэтээн эттэххэ, быйылгы «Аҕа күрэҕэ» өрөспүүбүлүкэ таһымнаах күрэх муус устар 6-7 күннэригэр Мэҥэ Хаҥалас улууһун Майа сэлиэнньэтигэр аатырар «Ураһалаах» култуура-этнография комплексыгар былааннанар. 
Күрэҕи үгэс курдук Олохтоох дьаһалта Уопсастыбаннай сибээскэ уонна ыччат политкатыгар, Физическэй култуураҕа уонна спорка, Култуураҕа уонна духуобунаска управлениелара, итиэннэ куораттааҕаы Аҕа сүбэтэ иилээн-саҕалаан ыыталлар.
Күрэх балаһыанньатын манна билсиҥ:

https://yakutskcity.ru/upload/%D0%9F%D0%BE%D0%BB%D0%BE%D0%B6%D0%B5%D0%BD%D0%B8%D0%B5%20%D0%905%D0%B0%20%D0%BA%D1%83%D1%80%D1%8D5%D1%8D%20(1).pdf