30.03.2023 | 14:00

ВЭБ.РФ балаһааккатыгар Евгений Григорьев Саха сиригэр ыччаты айти эйгэтигэр уһуйуу бастыҥ бырайыактарын билиһиннэрдэ

Кулун тутар 28 күнүгэр Дьокуускай куорат баһылыга Евгений Григорьев ВЭБ.РФ балаһааккатыгар «Дьокуускай куорат тоҕо Арассыыйа ИТ-киинэ буолла?» диэн тиэмэҕэ киэҥ хабааннаах иһитиннэриини оҥордо. Ол туһунан биһиэхэ Дьокуускай куорат олохтоох дьаһалтатын пресс-сулууспата иһитиннэрдэ.  
ВЭБ.РФ балаһааккатыгар Евгений Григорьев Саха сиригэр ыччаты айти эйгэтигэр уһуйуу бастыҥ бырайыактарын билиһиннэрдэ
Ааптар: Киин Куорат
Бөлөххө киир

Ол курдук, «Войти в ИТ» тэрээһин онлайн-биэриитигэр «СКОЛКОВО» бизнес-оскуолаҕа үөрэммит Арассыыйа 100 бөдөҥ куората кыттыыны ылла.
Дьокуускай куорат баһылыга Евгений Григорьев ИТ-бородууксуйа экспордугар Саха сирэ Уһук Илин регионугар бастакы бочуоттаах миэстэҕэ турарын, оттон Саха сирин разработчиктара сүрүннээн Дьокуускай куоракка олороллорун, Саха сирин икки бөдөҥ хампаанньата аан дойду таһымыгар үлэлииллэрин бэлиэтээтэ. 
Евгений Григорьев маныаха сүрүн болҕомто үүнэр көлүөнэҕэ уурулларыгар тохтоото. Ол эбэтэр Дьокуускай куорат оҕолоро номнуо 6 саастарыттан «Кванториумҥа», оскуола үөрэнээччилэрэ «Точка роста» сайдыы кыһатыгар уһуйуллар усулуобуйалара тэриллибитин, салгыы «ИТ-Куб» базатыгар билиилэрин чиҥэтэр кыахтаахтарын, бүгүҥҥү күҥҥэ манна 850 тахса оҕо дьарыктанарын, эбии 3 тыһыынча кэриҥэ оҕо чааһынай ИТ-оскуолаҕа дьарыктанарын иһитиннэрдэ.
Оскуола кэнниттэн Дьокуускай куорат оҕолоро ИT-хайысханан икки үрдүк уонна биир орто анал үөрэх кыһатыгар идэҕэ үөрэнэр кыахтаахтар. Идэлээх исписэлиистэри 2018 сылга Уһук Илин регионугар бастакынан тэриллибит ИT-паарка күүтэр. 

Быйылгыттан Уһук Илини уонна Арктиканы сайыннарыыга Арассыыйа министиэристибэтин уонна СӨ Бырабыыталыстыбатын өйөбүллэринэн Уһук Илин регионугар эмиэ бастакы «Үлэ кыбаартала» креативнай кластер үлэҕэ киирбитэ Саха сирин креативнай экономикатыгар төһүү күүс буолара саарбахтаммат. 
ИТ-эйгэни үүнэр көлүөнэ сэҥээрэрин туһугар 2016 сылтан Дьокуускай куорат оскуолаларын үөрэнээччилэригэр ыытыллар «Мин идэм – IT» күрэх сыллата далааһына кэҥээн иһэр. Ол курдук, өскөтүн бастакы күрэххэ 42 үөрэнээччи кыттыбыт буоллаҕына, быйыл бу күрэх федеральнай таһымҥа тахсан, Арассыыйа 10-ча субъегыттан 7,5 тыһыынча кэриҥэ оскуола оҕото уонна устудьуон кыттыыны ылбыта элбэҕи этэр. 
Дьокуускай куорат презентациятын кэнниттэн Казань куорат толоруулаах кэмитиэтин салайааччытын солбуйааччы Радик Шафигуллин, Дьокуускай куорат уопутун бэлиэтээн туран, Казань куорат тупсарыы үлэтигэр эппиэттээх бэдэрээттээх тэрилтэлэр үлэлэрин хонтуруоллуур искусственнай интеллект өҥөтүн туһанан саҕалаабыттарын кэпсээбитин болҕомтоҕо ылыахха сөп.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!