16.11.2023 | 18:00

Ускуустуба — олох

Сэтинньи 8 күнүгэр Саха Өрөспүүбүлүкэтин уус-уран ойууга-дьүһүҥҥэ түмэлэ тэриллибитэ 95 сылынан элбэх тэрээһин ааста. Ол иһигэр түмэл үлэһиттэрин күүһүнэн «Ускуустуба – олох» («В искусстве – жизнь») айар быыстапка үлэлиир.
Ускуустуба — олох
Ааптар: Вера КАНАЕВА
Бөлөххө киир

Кэрэни айар киһи олоҕу анаарыыта, тулалыыр эйгэни ылыныыта олох туспа буолар. Ол да иһин буолуо, олус уйан дууһа, күүстээх ньэгир кинилэр иэйиилэрин  эргитэр. Онуоха эбии ускуустуба түмэлигэр үлэлиир буоллахха, олоҕуҥ барыта ускуустубаҕа ананар. Бу ускуустуба храмыгар үлэлэригэр бэриниилээх, үлэни сүрэҕинэн ылынар, дууһалара сытар, тартарар эрэ дьон үлэлиирэ чуолкай. Маныаха кинилэр айылҕаттан кэрэни айар дьоҕурдара уонна айыллыыларыгар чугас талан ылбыт идэлэрэ олук буолар. Кинилэр айан таһаарбыт үлэлэрэ хас биирдиилэрэ иэйии аргыстанан сырдаан,  көрүөхтэн кэрэ оҥоһуллан тахсаллара сөхтөрөр, сылаанньытар. 

Хас биирдии уруһуй, хаартыска, иис, мастан оҥоһук ааптар ис туругун, кини көрүүтүн кэпсиир. Манна күннээҕи санаалартан саҕалаан улаҕалаах, дириҥ өйдөбүллээх олох эргиирин, киһи сатабылын көрүөххэ сөп. Кэм кэрдии уларыйыыта, өбүгэ ииһин суоллара, өҥ дьүөрэлэһиитэ исписэлиис Варвара Заровняева, худуоһунньук-реставратордар Евдокия Слепцова уонна Айталина Васильева көмүс сииктэр тиһиликтэринэн дьахтар таҥаһын тикпиттэригэр көстөр. Оттон Намнааҕы филиал сэбиэдиссэйэ Екатерина Ширяева дьэрэкээн саптан оһуордаах суумкалара, быыстапканы тэрийэр салаа исписэлииһэ Надежда Матвеева күн өҥнөөх мөһүүрэ оҕуруоларынан айбыт киэргэллэрэ, менеджер Саргылана Прибылых акварель, акрил кыраасканан уруһуйдара, кассир Алена Федотова макрамета уонна быысапката көрүөхтэн эриэккэс. Түмэл хранителэ Клавдия Козлова кириэстии ньыманан быысапката, үтүлүгэ, пуонда үлэһитэ Екатерина Рожкова алмазнай мозаиката, администратор Маргарита Саввина өбүгэ ньыматынан сыыйан аспыт быысапката дьахтар мындырын, кэрэҕэ тардыһыытын бигэргэтэллэр. Реставратор-худуоһунньук  Андрей Никифоров илиитин сылааһынан кыһан, оһуор түһэрэн оҥорбут чорооно, матаарчаҕа улахан сэҥээриини, сөҕүүнү ылаллар. Муоска реставратор Айсен Павлов сэлии муоһуттан оҥорбут харысхала, дуоскаҕа мозаиканан түһэрбит оһуора, эпоксиднай сымаланан чаһы оҥорбута саҥа кэм ньымалара күннээҕи олоххо киирбитин көрдөрөллөр. Экскурсовод Екатерина Иванова икки тылынан хоһуйбут хоһооно, тимиргэ реставратор Акулина Шелковникова этюдтара уонна финифть ньыманан оҥоһуллубут кулона иэйии уонна айар тыл холбоһуутун көрөөччүгэ тиэрдэллэр.

Түмэл салайааччыта Влада Тимофеева, КГАО сэбиэдиссэйэ Наталья Христофорова, ГЗИ сэбиэдиссэйэ Мария Мищенко, графика реставратора Туяра Захарова үрүҥ кумааҕыга ойуу түһэрбит графикалара, исписэлиис Семен Нучеканов, администратор Александра Тихонова үлэлэрин, документовед Оксана Осипова тааска уруһуйун хараҕы араарбакка иэйиигэ куустаран өр көрө туруохха сөп. Чыпчылҕан түгэни таба көрөн хаартыскаҕа хаалларар кыраҕы харахтаах исписэлиис Василий Петров, методист Наталья Федорова, фотограф Алексей Васильев, худуоһунньук-реставратор Айталина Васильева үйэтиппит түгэннэрэ олох тыынын көрдөрөллөр, кэми кэрэһилииллэр, элбэҕи кэпсииллэр.

Бу быыстапка сүрүн чааһын үйэ араас кэмнэригэр түмэлгэ үлэлээбит, түмэл устуоруйатын суон сурахтаппыт ойуулуур-дьүһүннүүр ускуустуба муҥутуур чыпчаалын маастардара Лев Габышев, Виктор Петров, Вячеслав Кандинскай, Тимофей Степанов уонна худуоһунньук-оформитель Константин Данилов үлэлэрэ ылаллар.

Ханнык баҕарар быыстапканы көрөөччү сыаналыыр. Сыана быһыыта айар дьоҕур анал буочарыттан, таһымыттан, идэтийииттэн тутулуктаах. Бу маннык түмэл идэлээх үлэһиттэрин айбыт-туппут, оҥорбут үлэлэрэ хайҕалы ылыан ылар.

Оттон быыстапка ускуустубаны сэҥээрээччилэри, айар куттаах биир дойдулаахтарбытын, ыччаттары, баҕалаахтары күннэтэ күүтэр.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.