Уопсастыбаннай палаата «Бииргэбит!» аһымал дьаарбаҥканы тэрийдэ

Тэрээһиҥҥэ “Боевые шелкопряды Якутии”, “Дьахталлар лигалара” хамсааһыннар, Медицинэ колледжын устудьуоннара, оскуола үөрэнээччилэрэ, төрөппүттэр кыттыыны ыллылар. 
Куорат дууматын бэрэссэдээтэлин бастакы солбуйааччы Евдокия Евсикова сэп-сэбиргэл тутан эйэлээх халлааны туруулаһа сылдьар буойуннары өйүү кэлбит дьоҥҥо махтал тылларын эттэ.
Уопсастыбаннай палаата бэрэссэдээтэлэ Матвей Лыткин Дьокуускай куорат олохтоохторо куруук түмсүүлээхтэрин, аһымал дьаарбаҥкаларга көхтөөх кыттыыны ылалларын бэлиэтээтэ. 
«Күүстээх аармыйа күүстээх өйөбүллээх буолар. Оттон биһиги, тыыл үлэһиттэрэ, буойуннарбытыгар төһөнөн көмөлөһөбүт даҕаны, биһиги аармыйабыт соччонон күүстээх. Бүгүҥҥү тэрээһиҥҥэ элбэх киһи мустубута үөрдэр ”, - диэтэ кини.
Саха сирин дьиэ кэргэттэрин уонна анал байыаннай дьайыы кыттыылаахтарын өйүүр сойуус бэрэссэдээтэлэ Жанна Грекова эмиэ буойуннарга тыын суолталаах маллары оҥоро мустубут дьоҥҥо махталын биллэрдэ. 
Оттон дьаарбаҥкаттан киирбит үп байыаннай дьайыы кыттыылаахтарыгар туһаҕа тахсар, диэн иһитиннэрэр Олохтоох дьаһалта пресс-сулууспата.