05.10.2021 | 14:50

Убаастабыллаах учууталлар, педагогическай үлэ бэтэрээннэрэ!

Убаастабыллаах учууталлар, педагогическай үлэ бэтэрээннэрэ!
Ааптар: Киин Куорат

Дьокуускай куорат Уокуруктааҕы дьаһалтатын уонна тус бэйэм ааппыттан идэлээх бырааһынньыккытынан – учуутал Күнүнэн эҕэрдэлиибин!
Билиигэ таптал, саҥа ситиһиилэргэ дьулуһуу, доҕордоһуу уонна бэйэ-бэйэҕэ көмөлөһүү – маны барытын оҕоҕо хайа күн оскуола боруогун атыллыаҕыттан учуутал иҥэрэр. Педагогтар идэлэрин толору баһылаабыттарын уонна муударастарын түмүгэр хас биирдии үөрэнээччигэ тас эйгэ бары көрүҥүнэн күлүмүрдээн арыллар. Ити судургута суох, ис дууһа сүдү күүһүн, тулууру уонна үтүө быһыыны, таптыыр дьыалаҕа муҥура суох бэриниини ирдиир үлэ.
Бүгүн өрөспүүбүлүкэбит киин куората сайдар, нэһилиэнньэ ахсаана улаатар, куорат салалтатын иннигэр үөрэҕирии эйгэтин сайыннарарга дьоһун соруктар тураллар. СӨ баһылыга Айсен Николаев Дьокуускай куорат сайдыытын туһунан Ыйааҕы ылыммыта, онно чугастааҕы сылларга үлэ сүрүн хайысхатынан социальнай инфраструктураны бөҕөргөтүү буолар. Биһигини улахан хабааннаах оскуолалар уонна уһуйааннар тутуулара күүтэр, ити үөрэҕирии тэрилтэлэрэ аһара туолан турар кыһалҕаларын быһаарыаҕа. Чугаһынааҕы сылларга Дьокуускайга 17 тыһ. миэстэлээх 13 саҥа оскуола уонна 5 оскуолаҕа самалык тутуу баар буолуохтара, 19 уһуйааҥҥа 5 тыһ. миэстэ оҥоһулунна. 
Киин куорат педагогтара инникитин даҕаны үүнэр көлүөнэни аныгы, үөрэҕирии үрдүк халыыбыгар эппиэттиир үөрэтии уонна иитии бастыҥ методикаларын  киллэриигэ, оҕолорбутугар бастыҥ киһилии хаачыстыбалары иҥэриигэ уонна бөҕөргөтүүгэ инники күөҥҥэ буолуохтара диэн эрэнэбин. 
Олохпут тухары ураты ахтыыларбыт учууталларбытын уонна кылааспыт салайааччыларын кытта сибээстээхтэр. Бүгүн миэхэ улахан сабыдыалы оҥорбут педагогтарбар ураты эҕэрдэ тылларын этиэхпин баҕарабын: дириэктэр Иван Иванович Шамаевка, физика учууталыгар Виктор Филиппович Потаповка, кылааһым салайааччытыгар Ольга Петровна Егороваҕа.
Күндү учууталларбыт, эһиэхэ дьолу, доруобуйаны, ситиһиилэри уонна этэҥҥэ буолууна баҕарабын! Бырааһынньыгынан!

«Дьокуускай куорат» куораттааҕы уокурук Баһылыга Евгений Григорьев

Сонуннар

Ордук ааҕаллар

Ырыанан аата тилиннэ
Дьон | 05.05.2022 | 11:00
Ырыанан аата тилиннэ
Ааспыт үйэ 60-70 сыллара... Эдэркээн киһи бэйэтин хоһооҥҥо холонор... Тыа сирин муҥкук, сэмэй уола оччотооҕуга хантан билиэ, сэрэйиэ баарай, инники олоҕун оҥкулун...   Олох диэн дьикти. Өлбүт да кэннэ иккистээн тиллэр, олох олорор диэн баар буолар эбит. Кини орто дойду олоҕуттан арахсыбыта быданнаабытын кэннэ... ол хоһооннорун нөҥүө тилиннэ, бэйэтэ суруйан хаалларбытыныы,...
«Күөх Ньурба»: айылҕа эмтиир күүһүн туһанан
Дьон | 06.05.2022 | 15:00
«Күөх Ньурба»: айылҕа эмтиир күүһүн туһанан
Дьоҥҥо-сэргэҕэ үтүөнү оҥорор баҕа санааны олоххо киллэрэн, Ийэ айылҕабыт биэрэр сүдү күүһүн таба туһаныахха, онно эбии билиини-көрүүнү, сатабылы дьүөрэлээн, бизнес эйгэтигэр бэйэ суолун-ииһин булуохха сөп. Бүгүҥҥү дьоруойдарбыт тустарынан аҕыйах тылынан билиһиннэрдэххэ, итинник.      Дмитрий, Дайаана Саввиновтар 2013 сылтан дьиэ кэргэнинэн ыҥырыа иитиитинэн дьарыктаналлар. Бастаан ыал ийэтин дойдутугар – Сунтаарга үлэлээн саҕалаабыттар....
Бэртээхэй да идэ — бэтэринээр
Сонуннар | 04.05.2022 | 16:24
Бэртээхэй да идэ — бэтэринээр
Муус устар 30 күнүгэр Бэтэринээр күнэ буолан ааста.  Бу идэ биһиэхэ, сүөһүлээх-сылгылаах сахаларга, олус чугас. Биһиги Хатаспатыгар былыр-былыргыттан бэтэринээрдэр баар буоланнар, устуоруйаҕа киирбит аймалҕаннаах, элбэх сүтүктээх бруцеллез, сэллик курдук сыстыганнаах ыарыылар суох буолбуттара. Ама да ааспытын иһин, улахан хоромньуну таһаарбыт ыарыыны суох гынаары, саҥа атахха туран кэҥээн-тэнийэн эрэр хаһаайыстыбалары эһэн,...