29.07.2023 | 14:00

Уһук Илин ипотекатынан дьиэ туттарга ханнык сир барсарый?

Уһук Илин ипотекатынан дьиэ туттарга ханнык сир барсарый?
Ааптар: Розалия Томская
Бөлөххө киир

Уһук Илин региоҥҥа бэриллэр чэпчэтиилээх ипотека олоххо киириэҕиттэн кирэдьиит ылан дьиэ туттуон баҕалаах киһи элбээтэ. Маныаха ханнык сир барсарын туһунан үгүс ыйытыы үөскүүр. Дьон мунаахсыйара элбэх.

 

Бэлиэтээн эттэххэ, бу бырагыраамаҕа ИЖС, ол аата чааһынай дьиэ тутуута көҥүллэммит сирэ эрэ барсар. ИЖС учаастагар дьиэни туттарга хайаан да көҥүл ылыллыахтаах.

 

Уһук Илин ипотекатынан дьиэ туттар сыаллаах-соруктаах сир атыылаһыахпыт иннинэ тугу бэрэбиэркэлиэхтээхпитий:

1. ЕГРН выпискатын сакаастыыбыт.Учаастагы бас билээччи туһунан информацияны таһынан, бу сир ханна да солуокка ууруллубатаҕын, арестамматаҕын, мөккүөрдээх түгэннэр үөскээбэттэрин бэрэбиэркэлиибит:

— Сир учаастагын судаарыстыбаннай уонна муниципальнай туһаҕа резервэҕэ ылбатах буолуохтаахтар. Резервэ болдьоҕун устата саҥа тутууну ыытар көҥүллэммэт.

— Ураты харыстанар эбэтэр санитарнай харыстанар сир буолуон сөп. Харыстанар уонна санитарнай зонаҕа олорор дьиэни тутар бобуулаах. Ол эрэн ЕГРН выпискатыгар бу барыта толору ыйыллымыан сөп.

2. Сиһилии информацияны хомуйар туһуттан ИСОГД (Информационная система обеспечения градостроительной деятельности) выпискатын сакаастыыбыт.

Сорох дааннайдары “Геопортал Якутск” сайтка булуохха сөп. Онно тугу көрөбүт:

— Территориятааҕы зонаны. Учаастакка дьиэни дьэндэтэн таһаарарга территориятааҕы зонаҕа туох ирдэнэринэн эрэ тутууну ыытыахтааххыт. Олорор дьиэни тутууга Ж-2А уонна Ж-1 зоналар барсаллар.

— Харыстанар уонна санитарнай зонаны. Сиргит оннукка хапсар буоллаҕына, дьиэ турар сир баарын-суоҕун эбэтэр учаастак барыта харыстанар зонаҕа киирэрин-суоҕун быһаараҕыт.

— Сир былаанын уонна межевание былааныгар дьиэ барсарын  быһаараҕыт. Административнай сир учаастага олорор дьиэни тутууга анамматах буолуон сөп. Оччоҕуна докумуоннарга уларытыылары киллэриэххэ наада.

— Учаастакка ойуур үүнээйилэрэ баар буоллахтарына, ИСОГД ойуур хаһаайыстыбатын регламенын көрөр тоҕоостоох. Куорат ойууругар сир бэриллибит буоллаҕына, дьиэни тутууга көҥүл бэриллэрэ саарбах. 2013 сыллаахха диэри бэриллибит учаастактартан ураты сирдэргэ аккаас кэлиэн сөп.

— Публичнай кадастр каартатыгар атын учаастактар кыраныыссаларын кытта харсыспатын бэрэбиэркэлиибит.

 

Дьиэ туттуоххут иннинэ олохтоох дьаһалтаҕа иһитиннэрии ыыттаххытына, дьаһалта тутуллуохтаах эбийиэк бары ирдэбилгэ эппиэттиирин булгуччу бэрэбиэркэлиир.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.