Тюльпан харчыны кытта солбуйбута

Былыр тюльпан олус күндү табаар этэ, бэл, алмааска, көмүскэ тэҥнээх буола сылдьыбыта. Сорох дойдуларга биир кэмҥэ харчыны кытта солбуйбута. Санаан көрүҥ, аҕыйах сибэкки умнаһынан оннооҕор бүтүн дьиэни атыылаһыахха сөбө! Бу кэрэ сибэкки туһугар дьон туохтарын да кэрэйбэттэрэ, тугу барытын ууран биэрэргэ бэлэмнэрэ.
Сэрии аас-туор кэмигэр аччыктаабыт дьон тюльпан умнаһын сииллэрэ.  Билигин даҕаны кулинарияҕа умнаһын, эминньэхтэрин киэҥник туһаналлар. Оттон сэбирдэхтэрин, үнүгэстэрин салаакка эбэллэр,  аан дойду ааттаах асчыттара минньигэс бүлүүдэлэри, соустары астыырга хото тутталлар. Ол эрээри сорох сортар дьааттаахтар. Ынахтар, сылгылар, куоскалар уонна ыттар улаханнык сүһүрүөхтэрин, бэл, өлүөхтэрин да сөп.  
Саамай элбэх тюльпан Голландияҕа үүнэр. Бу дойду сылга 3 миллиард кэриҥэ кэрэ сибэккини 120 араас дойдуга атыылаан харчы киллэринэр. Олохтоох урбаанньыттар анаан-минээн дьарыктанан, эҥин эгэлгэ сортары оҥорон таһаараллар.   
Тюльпан үгүс көрүҥэ сүтэр-симэлийэр кутталлаах буолан, Кыһыл кинигэҕэ киирбит. 
Оттон эн тюльпаны төһө сөбүлүүгүн? Үүннэрэн көрүөххүн баҕараҕын дуо?