Тымныы Оҕонньор бирииһигэр саахымат күрэҕэ

Оҕолор бары олус күүтэр бырааһынньыкпыт – Саҥа дьылбыт салалынна. Биһиги Тымныы Оҕонньору элбэх ситиһиилээх көрсөөрү, үөрэхпитигэр өрүү кыһаллабыт, араас күрэхтэргэ кыттабыт.

Оскуолабытыгар сыл аайы Тымныы Оҕонньор бирииһигэр саахымат турнира буолар. Маннык сэргэх, умсугутуулаах күрэҕи куруһуок салайааччыта Олимпиада Андреевна Федорова сылын ахсын тэрийэрэ үгэскэ кубулуйда.

Ол курдук Саҥа дьыл иннинэ аҕай ыытыллыбыт турнирга икки бөлөҕүнэн (2-4 кылаастарга уонна 5-8 кылаастарга) барыта 22 оҕо кытынна.

Сүрдээх эрийсиилээх киирсиилэр кэннилэриттэн кыайыылаахтарынан буоллулар:

2-4 кылаастарга (уолаттарга):

I миэстэ – Ярослав Федотов, 2 кылаас.

II миэстэ – Андрей Фефелов, 4 кылаас.

III миэстэ – Эрсан Николаев, 4 кылаас.

Кыргыттарга:

I миэстэ – Сайаана Климова, 4 кылаас.

II миэстэ – Мичийээнэ Саввина, 4 кылаас.

III миэстэ – Элина Кузнецова, 4 кылаас.

5-8 кылаастарга (уолаттарга):

I миэстэ – Дьулустаан Сидоров, 7 кылаас.

II миэстэ – Ян Федотов, 6 кылаас.

III миэстэ – Алмаас Никифоров, 8 кылаас.

Кыргыттарга:

I миэстэ – Юлиана Федорова, 6 кылаас.

II миэстэ – Анжелина Александрова, 8 кылаас.

III миэстэ – Сабия Кириллина, 8 кылаас.

Миэстэлэспит оҕолор бириистэрин Тымныы Оҕонньортон хайҕал, алгыс тыллаах туттулар. Үөрүү үс бүк үрдээн, кэлбит сылы үөрэ-көтө көрүстүбүт.

«Кустук» пресс-киин, Күүкэй, Сунтаар.