07.06.2022 | 18:00

Туймаада ыһыаҕар 125 уһулуччу тэрээһин ыытыллыаҕа

Туймаада ыһыаҕар 125 уһулуччу тэрээһин ыытыллыаҕа
Ааптар: Киин Куорат
Бөлөххө киир

Саха АССР төрүттэммитэ 100 уонна Үс Хатыҥҥа ыһыах тэриллибитэ  25 сылларыгар анаммыт  «Туймаада ыһыаҕа - 2022» национальнай бырааһынньыкпытыгар 125 дэҥҥэ көстөр, уһулуччу тэрээһин ыытыллыаҕа. Быйылгы ыһыах, итини таһынан, Дьокуускай куорат 390, Куораттааҕы Дуума 200 сылларыгар, Саха сиригэр бэлиэтэнэр Ийэ сылыгар уонна Арассыыйа Федерациятын норуоттарын култуурунай нэһилиэстибэтин сылыгар ананар диэн иһитиннэрдэ Олохтоох дьаһалта пресс-сулууспата. 
Култуура уонна духуобунай сайдыы управлениетын начаалынньыга Анна Каженкина иһитиннэрбитинэн, быйылгы ыһыахха тас омук дойдуларыттан уонна Арассыыйа регионнарыттан ыалдьыттар кэлэллэрэ күүтүллэр. 
«Быйыл тэрийэр кэмитиэт дизайн-коды бигэргэттэ, онно олоҕуран киин куорат уонна Үс Хатыҥ биир истиилинэн симэниэҕэ. Бырайыак ааптара – биллиилээх дизайнер Кыыдана Игнатьева. Бырааһынньык брендбуга хас даҕаны сыл туттуллуоҕа», - диэн бэлиэтээтэ Анна Каженкина.
Билиҥҥи туругунан Үс Хатыҥҥа өрөмүөннүүр, чөлүгэр түһэрэр үлэ ыытыллар. Быйыл сиэр-туом ыытыллар түһүлгэлэрэ саҥардыллыахтара. Ыһыах биир сонун тэрээһинэ – 1000 миэстэлээх тупсаран оҥоһуллубут «палаточнай городок».  Үс Хатыҥ тохтобулуттан итиннэ тиийии босхо буолуоҕа. Бэлиэтиир буоллахха, Үс Хатыҥ күөллэригэр сөтүөлүүр бобуулаах. 
Ыһыах 25 куонкурус бырагыраамалаах. Ким кыттыан баҕалаах күрэхтэр балаһыанньаларын кытта https://www.cultura14.ru/ култуура уонна духуобунай сайдыы управлениетын сайтыгар билсиэхтэрин сөп.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...