01.05.2023 | 16:49

«Туймаада талааннара» бэстибээл кыайыылаахтара билиннэ

«Туймаада талааннара» бэстибээл кыайыылаахтара билиннэ
Ааптар: Киин Куорат
Бөлөххө киир

Дьокуускай куорат олохтоох дьаһалтатын, Култуура управлениетын уонна куорат уокуруктарын уонна нэһилиэктэрин дьаһалталарын тэрийиилэринэн ыытыллыбыт «Туймаада талааннара» бэстибээлгэ 18-тан 65-гэр диэри саастаах нэһилиэнньэ кыттыыны ылбыта.
Үлэ, саас уонна эйэ бырааһынньыгын иннинэ бэстибээл кыайыылаахтарын быһаардылар. Ол курдук, күрэх Гран-при бириэмийэтин хаһаайынынан Строительнай уоукурук «Грация» үҥкүү ансаамбыла ааттанна. Ансаамбыл 86 №-дээх «Колокольчик» оҕо саадын иһинэн үлэлиир. Кыайыылаахтар сценаҕа кэтэр көстүүм тиктэрэр сертификатынан бэлиэтэннилэр. 
1 истиэпэннээх лауреат үрдүк аатын Губинскай уокурук 33 №-дээх Л.А. Колосова аатынан  оскуолатын «Нюанс» ырыа кэлэктиибэ ылла, 2 истиэпэннээх лауреат - Маҕан бөһүөлэгиттэн «Ритм» Култуура дьиэтин иһинэн «Грация» ансаамбыл, 3 истиэпэннээх лауреат - Гагарин уокуругуттан Өрөспүүбүлүкэтээҕи анал коррекционнай оскуола-интэринээт «Молодежнай» ансаамбыла.
Маны сэргэ дипломаннарынан Гагарин уокуругуттан 38 №-дээх оскуола учууталларын «Симэх» үҥкүү бөлөҕө, Октябрьскай уокурук Дьахталларын сэбиэтин «Кэрэ» ырыа ансаамбыла, Губинский уокурук 23 №-дээх «Цветик-семицветик» уһуйаанын «Ситим» үҥкүү ансаамбыла ааттаннылар. 
Бэстибээл кыттыылаахтарын уонна кыайыылаахтарын куорат баһылыгын социальнай боппуруостарга солбуйааччы Наталья Степанова эҕэрдэлээтэ.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!