Тутуу тэтимэ балысхан

Сыл биэс ыйыгар Саха сиригэр 222 тыһ. кв. м иэннээх дьиэ тутулунна, ол эбэтэр ааспыт 2022 сыл бу кэминээҕи көрдөрүүтүттэн 36,6 тыһ.кв. м эбэтэр 19,7 % элбэх, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата. Онон тутуу былаана 34,1 % туолан иһэр.

Тутуллубут дьиэлэртэн 115,5 тыһ. кв. м – олорор дьиэ, бу көрдөрүү ааспыт сыл биэс ыйынааҕы таһымын 210,4 % куоһарар. Ол эбэтэр 2022 сыл тохсунньу-ыам ыйдарыгар 37,2 тыһ. кв. м иэннээх элбэх кыбартыыралаах олорор дьиэ тутуллубут. Маны сэргэ, статистика чахчытынан, 106, 5 тыһ. кв.м иэннээх чааһынай дьиэ тутуллубут.

Ил Дархан Айсен Николаев Саха Өрөспүүбүлүкэтэ Уһук Илин регионугар дьиэ тутуутугар инники күөҥҥэ сылдьарын бэлиэтээн турар. Ол курдук, хаарбах уонна саахалланар туруктаах дьиэттэн  көһөрүү бырагырааматынан былырыын 25,69 тыһ. киһи, 1350 чэпчэтиинэн туһанар категорияларга киирсэр ыал саҥа дьиэлэммит. Уопсайа 583,9 тыһ. кв. м дьиэ тутуллан, былаан 6% аһара туолбут.