Тулаайах оҕолорго кыбартыыралары түҥэтиэхтэрэ

Сэтинньи ыйга, тутуу докумуона барыта ситэрилиннэҕинэ, Борисовка-1 микрооройуоҥҥа 123 кыбартыыралаах саҥа дьиэ үлэҕэ киириэҕэ. Манна тулаайах оҕолорго уонна хаарбах дьиэттэн көһөрүү бырагырааматыгар хапсыбыттарга дьиэлэри биэриэхтэрэ. Тутааччы -  «ЛенаТрансСервис» ХЭТ.

«Бу сотору үлэҕэ киирэр дьиэҕэ барыта биир хостоох кыбартыыралар бааллар.  40 кыбартыыраны тулаайах оҕолорго, 72 кыбартыыраны “Нэһилиэнньэни хаарбах дьиэттэн көһөрүү 2019-2025 сс.” өрөспүүбүлүкэтээҕи бырагыраама кыттыылаахтарыгар  ыллыбыт.  60 кыбартыыра 2019 сыллааҕы түһүмэҕинэн, быйыл 2020 сыллааҕынан 12 кыбартыыра түҥэтиллэр”, – диэн Дьиэ-уот демартаменын салайааччыта Александр Новолоков кэпсээтэ.

Хаарбах дьиэттэн көһөрүү бырагырааматынан 17-ис кыбаартал, Сайсары, Киин о.д.а. уокуруктар олохтоохторо дьиэ ылыахтара.