Тиэргэн хомуйааччылар оптуобуһунан босхо айанныахтара
Куорат баһылыга Евгений Григорьев сорудаҕынан, муниципальнай тиэргэн хомуйааччылар куорат иһигэр уонна кытыытыгар уопсастыбаннай тырааныспарынан босхо айанныахтара диэн Олохтоох дьаһалта пресс-сулууспата иһитиннэрдэ.
«Пассажирдары тиэйиини тэрийээччи» МХТ салайааччыта Эдуард Садовников иһитиннэрбитинэн, бу миэрэни уокуруктар управаларыгар уонна куорат кытыытынааҕы дьаһалталарга үлэлиир оробуочайдары өйүүр сыалтан киллэрдилэр.
«Билиҥҥи туругунан испииһэккэ 106 үлэһити киллэрдибит. Кинилэр дааннайдарын «Алмазэргиэнбаан» АКБ биэриэхпит. Кинилэргэ куорат иһигэр уонна кытыытыгар оптуобуһунан босхо айанныыр «Саха сирин олохтооҕун каартатын» оҥорон биэриэхтэрэ», - диэтэ кини.
Манна даҕатан эттэххэ, тиэргэн хомуйааччылар дьиэ кэргэннэрин чилиэннэрэ босхо айаннаабаттар.
Тиэргэни хомуйууга аутсорсинг ньымата барсыбата көстүбүтэ. Ол иһин, 2021 сылга, куорат салалтата муниципальнай тиэргэн хомуйааччы хамнаһын уонна статуһун үрдэтэр сыалтан штаты сөргүппүтэ. Кинилэр үлэлэригэр ирдэбил эмиэ үрдээбитэ. Штакка киирбит оробуочай хамнаһа аутсорсинг киэниттэн үрдүк уонна социальнай бакыаттаах.
Сонуннар
Ордук ааҕаллар
