27.09.2021 | 18:25

Тэттик сүбэлэр

Тэттик сүбэлэр
Ааптар: Наталья Кычкина
Бөлөххө киир

Дьиэҕэ моль үөскээтэҕинэ 
Моль үөскээтэҕинэ ыскаабы сылаас мыылалаах уунан сууйаллар, быыһын-хайаҕаһын уксуустаах киистэнэн сотуллар уонна куурдуллар. Уопсайынан, ыскаабы кэмиттэн кэмигэр ааннарын арыйан салгылатыллыахтаах. Таҥаһы таһырдьа таһааран салгылат, моль 8 кыраадыс тымныыга тоҥор. Халлаан сылаас буоллаҕына, таҥаһы морозильникка уган тоҥоруохха сөп. Маннык хаста да гыныахха наада. Ыскаапка лаванда эбэтэр пихта арыылаах бааталары уур. Ону тэҥэ моль табах, биэрэс сыттарын, дьэдьэн сыттаах мыыланы, саҥа быһыллыбыт герань сэбирдэҕин сытын сөбүлээбэт. Таҥас сиэптэригэр апельсин хахтарын уурдахха, моль чугаһыа суоҕа. Ыскаапка таҥас сууйар массыына бороһуогун хаһаанан уурдахха, моль буулаабат.

Тиэстэ үчүгэйдик көтөҕүллэрин наадатыгар разрыхлитель оннугар  аҕыйах ньуоска рому, ханньааҕы кутуллар. Итиниэхэ тиэстэ ордук түргэнник көтөҕүллэр уонна сымнаҕас буолар. 
Холодильникка сыыр олус түргэнник хатар. Ол иһин быспыт сири чараас гына ынах арыытынан сотуллар, оччоҕо хаппат. 
Минньигэс баахыла тиэстэтин үүккэ буолбакка, ууга оҥордоххо, өссө минеральнайга, ордук хачыгырас уонна калорийа кыра буолар. 
Духуопкаҕа үтүллүбүт эт хайдах эрэ куура буспут буоллаҕына, соуста, подливта оҥорон кутуҥ. Улахан бүлүүдэҕэ брокколины эбэтэр цветной хаппыыстаны ууруҥ, бөдөҥ гына кырбаммыт моркуобу, порей луугу тэлгэтиҥ. Үрдүгэр эккитин тарҕатан баран соуһунан эбэтэр подливынан кутуҥ. 
Лимон сыта киһи санаатын көтөҕөр, ыарыыга утарылаһар дьоҕурун күүһүрдэр. Эфирнэй арыыны лимон хаҕыттан оҥороллор. 
Аптекаҕа атыыланар ромашканы сыттаатахха, киһи уоскуйар. Ромашканы, шалфейы уонна лаванда арыытын кытта холбоон сыты таһаарыахха сөп. 
Ыарахан сыттаах лаванда киһи санаатын көнньүөрдэр. Ууҥ кэлбэт буоллаҕына кыракый мөһөөччүккэ лаванда хаппыт сэбирдэхтэрин уган баран сыттыгыҥ анныгар уктан сыттаххына, хайаан да үчүгэйдик утуйаргар көмөлөһөр.

Ханнык мүөт үчүгэйий?
Мүөт өҥө, сыта ханнык сибэккиттэн хомуллубутуттан тутулуктаах. Холобур, липовай мүөт өҥө саһархайдыҥы, ыраас өҥнөөх, кристаллизацияланарыгар сырдыктыҥы янтарнай, сыттаах буолар. 
Гречишнэй – бороҥ хараҥата, минньигэс хос амтаннаах. Подсолнечнай – көмүстүҥү сырдык, кыра сыттаах. 
Кипрейнэй – от күөхтүҥү, сымнаҕас сыттаах. 
Вересковай мүөт – кыһыллыҥы буурай, кытаанах, ойуурдуҥу сыттаах. 
Клевернэй мүөт - кыһыллыҥы саһархай, минньигэс сыттаах. 
Мүөт сииги тардар, ол иһин түргэнник аһыйар. Мүөтү тууһаммыт хаппыыста, оҕурсу, селедка уонна да атын аһыы сыттаах ас аттыгар туруоруллуо суохтаах. Өстүөкүлэ, эмалированнай иһиккэ харайыллар. Мастан оҥоһуллубут иһиккэ ууруллуо суохтаах, мас амтаннанар, дууптан оҥоһуллубут иһиккэ хараарар.

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...