21.03.2021 | 16:31

ТЕХНИЧЕСКЭЙ ИДЭЛЭРГЭ БЭЛЭМНИИБИТ

ТЕХНИЧЕСКЭЙ ИДЭЛЭРГЭ БЭЛЭМНИИБИТ
Ааптар: Киин Куорат

Елена Егоровна АЛЕКСЕЕВА, Техническэй айымньы киинин үөрэтэр-иитэр үлэҕэ дириэктэри солбуйааччы:

Биһиги тэрилтэбит 49-с сылын таһаарыылаахтык үлэлиир, куорат үөрэнээччилэрэ үүнэр-сайдар кииннэрэ диэн киэн тутта кэпсиибит.  Манна 7-тэн 18-гар диэри  саастаах икки тыһыынчаттан тахса оҕо дьарыктанар. Онтон 80 %-на киин куорат оскуолаларыгар үөрэнэллэр, Ол курдук, биһиги педагогтарбыт барыта 20 оскуоланы хабан айымньылаахтык үлэлииллэр. Оҕо 20 %-на биһиэхэ бэйэбитигэр кэлэн, алта кабинекка дьарыктанар.

Оҕолор бэйэлэрин баҕаларынан техническэй куруһуоктарга суруйтараллар. «Судомоделирование, «Авиамоделирование», «Ракетомоделирование» уонна «Автомоделирование» курдук куруһуоктар үгэскэ кубулуйдулар диэххэ сөп. Ол курдук сыл аайы элбэх оҕону түмэ тардаллар.

Ону тэҥэ, аныгы кэм ирдэбиллэригэр эппиэттиир сонун куруһуоктарга үөрэнээччилэр үөрэ-көтө дьарыктаналлар: «Программирование Scratch с элементами робототехники», «Основы программирования Python», «Создание компьютерных приложений на языке программирования Python», «Инжененерное 3D моделирование и прототипирование», «Программирование JavaScript», «Робототехника на основе Лего Mindstorms EV3», «Пост продакшн в кино», «Визуальные эффекты в кино», о.д.а.

Биһиги кииммит биир биллэр бырайыагынан «Космическай идэлэр» диэн муниципальнай үөрэх бырагыраамата буолар. Бу 2015 сыллаахтан үлэлиир, манна 2-тэн үөһэ кылаас оҕолоро модульнай бырагыраамаларынан техническэй көрүҥнэргэ үөрэнэллэр. Кылгастык эттэххэ, оҕолор инникитин техническэй идэлэри баһылыылларыгар бэлэмниир, тирэх буолар. Үлэ үтүө түмүктээҕин бастакы  выпускниктарбыт  оскуоланы бүтэрэн баран техническэй хайысхалаах үөрэххэ ситиһиилээхтик туттарсан киирбиттэрэ туоһулуур. Бу бырайыакка үөрэнэр, Маҕан оскуолатыттан сылдьан дьарыктанар иитиллээччибит Настя Татаринова былырыын сайын регионнар икки ардыларынааҕы  бөлөххө киирэн  Вилькицкий диэн арыыны арыйдыбыт. 

Быйыл олунньу 3 күнүгэр Ил Дархан Айсен Сергеевич Николаев «IT-куб»  тэриллэрин туһунан уурааҕа тахсыбыта. Онон балаҕан ыйыгар биһиги кииммит иһинэн Горькай уул.,  98/1,  туспа турар  4-этээстээх дьиэҕэ «IT-куб» арыллыахтаах. Онно оҕолор «Программирование на Python», «Мобильная разработка», «Разработка VR/AR - приложений», «Системное администрирование», «Основы алгоритмики и логики», «Программирование роботов», о.д.а. бырагыраамаларынан  үөрэниэхтэрэ. Ону таһынан үөрэтэр, научнай-познавательнай зоналар, коворкинг-киин, лекториум, медиатека, интерактивнай саала, саахымат хоһо баар буолуохтара.

Наука уонна технология сылыгар «IT-Куб» аныгы олох ирдэбиллэригэр эппиэттиир эбии үөрэхтээһин киинэ буолуоҕа.

Хаартыскалар http://ctt.yaguo.ru/ сайтан ылылыннылар

Сонуннар

Ордук ааҕаллар

Гаврил Менкяров:  «Артыыс режиссер ирдиирин толоруохтаах»
Дьон | 23.10.2021 | 11:54
Гаврил Менкяров: «Артыыс режиссер ирдиирин толоруохтаах»
Бу талааннаах эдэр артыыһы Олоҥхо театрыгар, сахалыы киинэлэргэ үгүстүк көрдөххүт. Устар ууну сомоҕолуур уус-уран тыллаах, эмиэ даҕаны дьээбэлээх-хооболоох, бэтиэхэлээх уол кэнсиэртэри, уруу киэһэлэрин, быыстапкалары, музыкальнай бириэмийэлэри, о.д.а. улахан тэрээһиннэри иилээн-саҕалаан ыытарын сэргээбит буолуохтааххыт. Гаврил Менкяров олоҕо олоҥхо курдук сиэдэрэй, баай ис хоһоонноох.  Ходуһаҕа, бааһынаҕа ааспыт оҕо саас – Мин сүрдээх...
Иитиэх оҕо
Сынньалаңңа | 24.10.2021 | 12:00
Иитиэх оҕо
(Түөрт көстүүлээх оҕолорго сыаҥка)
«DAMS» бренд ааптара:  «Туохтан даҕаны куттанымаҥ!»
Дьон | 19.10.2021 | 17:00
«DAMS» бренд ааптара: «Туохтан даҕаны куттанымаҥ!»
«DAMS» бренд историята сыл анараа өттүгэр саҕаламмыта. 2020 сыллаахха Александра Павлова соҕотоҕун эскизтэри толкуйдаан, табаарын социальнай ситим нөҥүө атыылаан саҕалаабыта. Саха төрүт истиилинэн тигиллибит аныгылыы таҥастар ураты, намчы буоланнар, дьон-сэргэ сэҥээриитин ылбыта.   — Александра, дорообо! Бренд олус интэриэһинэй ааттаах. Хайдах толкуйдаммытай?     — «DAMS» – бу мин таптыыр дьиэ кэргэним чилиэннэрин...
Нолуок сокуонугар уларыйыылар киирдилэр
Сонуннар | 22.10.2021 | 11:30
Нолуок сокуонугар уларыйыылар киирдилэр
Ахсынньы 1 күнүгэр физическэй сирэйдэргэ 2020 сыллааҕы баай-дуол нолуогун болдьоҕо бүтэр.  Итинэн сибээстээн, өрөспүүбүлүкэҕэ сылын аайы буоларын курдук тырааныспар, сир учаастактарын уонна хапытаалынай тутуу эбийиэктэрин бас билээччилэригэр сэрэтии сурук ыытааһына саҕаланна. Бу туһунан алтынньы 21 күнүнээҕи физическэй сирэйдэр төлүүр нолуоктарыгар уларыйыылар тустарынан брифиҥҥэ Арассыыйа ФНС СӨ 5 №-дээх Оройуоннар икки...