30.09.2022 | 16:00

Табаҕа сэлиэнньэтигэр Оҕо искусствотын оскуолата аһылынна

Бүгүн, балаҕан ыйын 30 күнүгэр, Табаҕа сэлиэнньэтигэр «Култуура» национальнай бырайыак чэрчитинэн хапытаалынай өрөмүөннэммит Оҕо искусствотын оскуолата аһылынна диэн иһитиннэрдэ Култуура уонна духуобунай сайдыы министиэристибэтин пресс-сулууспата.
Табаҕа сэлиэнньэтигэр Оҕо искусствотын оскуолата аһылынна
Ааптар: Киин Куорат

Оскуоланы үөрүүлээх быһыыга-майгыга арыйыыга СӨ Култуураҕа уонна духуобунай сайдыыга миниистирэ Юрий Куприянов, куорат баһылыгын солбуйааччы Владимир Аржаков, оскуола иитиллээччилэрэ, педагогтара, төрөппүттэрэ, өрөспүүбүлүкэтээҕи искусство оскуолаларын салайааччылара кытыннылар.

СӨ Култуураҕа уонна духуобунай сайдыыга миниистирэ Юрий Куприянов бэлиэтээбитинэн, «Култуура» национальнай бырайыак чэрчитинэн хапытаалынай өрөмүөҥҥэ федеральнай уонна өрөспүүбүлүкэ бүддьүөттэриттэн барыта 8,2 мөлүйүөн солкуобай көрүллүбүт.

«Быйыл, өрөспүүбүлүкэ сүүс сыллаах үбүлүөйүн бэлиэтиир сылга, Арассыыйа Култуураҕа министиэристибэтэ бырайыактыыр-сметалыыр докумуоннаах бары бырайыактарбытын өйөөтө. Ол курдук, 10 Оҕо искусствотын оскуолатын өрөмүөнүгэр 86 мөлүйүөн солкуобай кэриҥэ үп көрүлүннэ. Ити – биһиги уопсай ситиһиибит, өрөспүүбүлүкэ салалтатын уонна муниципальнай тэриллиилэри кытта бииргэ үлэлээһиммит түмүгэ. Бырайыактыыр-сметалыыр докумуону оҥорууга бары оскуолалар 2019 сылтан тиһиктээхтик үлэлээбиттэрэ, судаарыстыбаннай экспертизаны ааспыттара, бэдэрээтчиги сүүмэрдиир куонкуруһу ыыппыттара. Искусство оскуолаларын саҥардыы – оҕолорбут үөрүүлэрэ, үүнэр көлүөнэ инникигэ туһуланыыта. Табаҕа оскуолата Муусука күнүн көрсө арылынна, иитиллээччилэрэ – 70-ча оҕо, саҥа сезону өрөмүөннэммит, кэрэ көстүүлээх дьиэҕэ көрсөллөр. 2023 сылга бу хайысханан үлэбит салҕанар», - диэн бэлиэтээтэ миниистир.

Юрий Куприянов Ил Түмэн уонна Култуура министиэристибэтин Бочуоттаах грамоталарын оскуоланы өрөмүөннээбит «Капитал М» ХЭТ генеральнай дириэктэригэр Владислав Ильиҥҥэ туттарда.

Куорат баһылыгын солбуйааччы Владимир Аржаков Оҕо искусствотын оскуолата аһыллыытынан эҕэрдэлээн туран куорат баһылыгын аатыттан оргтиэхиньикэни атыылаһар сертификаты бэлэх уунна.

Сонуннар

Ордук ааҕаллар

Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Юрий Попов: «Барыта улахан үлэттэн тахсар»
Дьон | 25.11.2022 | 16:00
Юрий Попов: «Барыта улахан үлэттэн тахсар»
Дьокуускайга Тупсарыы үс сыла биллэриллэн, бу диэн эттэххэ, киин куоракка, чахчы, үтүмэн үлэ ыытылынна, ону олохтоохтор даҕаны бэйэҕит көрө-истэ сылдьаҕыт.  Быйыл сайын «Уһук Илиҥҥэ 1000 тиэргэн» федеральнай бырайыагынан Дьокуускай куоракка 75 тиэргэн тупсаран оҥоһулунна. Саамай элбэх эбийиэккэ бэдэрээтчитинэн «Основа» ХЭТ үлэлээтэ. Онон бүгүҥҥү нүөмэрбитигэр бу тэрилтэ эдэр салайааччыта Юрий Поповы...
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...