22.04.2022 | 09:43

Үтүө саҕалааһын, үтүө дьыала, үтүө үөрүйэх

Үтүө саҕалааһын, үтүө дьыала, үтүө үөрүйэх
Ааптар: Айыына Ксенофонтова
Бөлөххө киир

Дьокуускайдааҕы медколледжка ааспыт нэдиэлэҕэ икки дьоһун аахсыйа түмүктэннэ. Олохторун медицина курдук уустук эйгэни кытта ситимниир санаалаах үрүҥ халааттаах устудьуоннар үтүө саҕалааһыннарын ааҕыҥ, сэргээҥ.

Устудьуоннар туохха барытыгар өрүү көхтөөхтөр. Ол курдук, колледжка биллэриллибит экологическай аахсыйаларга ким да туора турбата.

Бу туһунан библиотекарь Екатерина Егоровна Томская сэһэргээтэ:

– Былырыын алтынньы 20 күнүттэн 2022 сыл муус устар 14 күнүгэр диэри колледжпыт иһигэр «Собираем крышечки – спасаем жизни» уонна «Сдай батарейку – сохрани планету» диэн аахсыйалары биллэрбиппит. Ол курдук, кыттааччылар «Волонтеры в помощь детям-сиротам» пуонда «Добрые крышечки» диэн Бүтүн Арассыыйатааҕы экологическай аһымал бырайыакка кыттыстылар.

Аахсыйаҕа колледж Устудьуоннарын сэбиэтин уонна 10 үөрэнэр бөлөх устудьуоннара хабылыннылар. Барыта холбоон 32,60 кг хаппах уонна 15,15 кг батарыайка туттарылынна. Тэрээһин түмүгүнэн “Хаппаҕы хомуйууга бастыҥ бөлөх” уонна “Батарыайканы хомуйууга бастыҥ бөлөх”  диэн икки номинацияҕа СД21-5 бөлөх (куратор Александрова А.А.) эрэллээхтик кыайда. Кинилэр  19,1 кг хаппаҕы уонна 10,95 кг батарыайканы мунньубуттар. Кыайыылаах бөлөх дипломунан уонна 1000 солк. харчынан наҕараадаланна. Аахсыйаҕа кыттыбыт бөлөхтөргө Туоһу сурук туттарыллар.

Манна СД21-5 бөлөх көхтөөх устудьуоннарын Кристина Степанованы, Екатерина Васильеваны, Нюргуяна Софронованы ордук чорботон бэлиэтиэхпитин баҕарабыт. Кинилэр билэр дьонноруттан, ыалларыттан хомуйбуттар, подъезтарыгар аахсыйа биллэрбиттэр, онон үтүө холобуру саҕалаабыттар, дьону экологическай үөрүйэххэ үөрэппиттэр.

Хомуйбуппутун барытын Дьокуускайдааҕы экологическай хампаанньа иккис сырьену тутар пуунугар илдьэн биэрдибит. Бу тэрилтэ хаппаҕы переработкаҕа, оттон батарыайканы сөптөөх утилизацияҕа Арассыыйа куораттарыгар ыытар. 

Хас биирдии кыттааччыбытыгар махтанабыт! Ийэ айылҕабытын харыстыырга бэйэҕит кылааккытын киллэрдигит, маладьыастар!

 

Устудьуон уонна ийэ – бастыҥ холобур

Нюргуяна Николаевна Софронова, СД-21-5 бөлөх устудьуона:

– 8,5 кг хаппаҕы уонна 1,5 кг батарыайканы хомуйан туттардым. Барытын Дьокуускайдааҕы экологическай хампаанньаҕа тиэрдэбит. Иккис сырье хомуллубут уонна туттарыллыбыт харчыта аһымал пуондаҕа киирэр. Онон инбэлиит оҕолорго кэлээскэ уонна наадалаах тэрил атыылаһыллар.

Биһиги бөлөхпүт маннык тэрээһиннэргэ мэлдьи олус көхтөөх. Бэйэм элбэх оҕолоох ийэбин. Бу курдук аахсыйаларга төһө кыалларынан үөрэ-көтө кыттыаҕым. Үтүө дьыаланы оҥорор саныырга да үчүгэй.

Устудьуоннар – уопсастыба тутаах чилиэннэрэ. Мин санаабар, устудьуон бэйэтин холобурунан дьоҥҥо-сэргэҕэ иккис сырьену туттарыы туһалааҕын көрдөрөр. Оттон ийэлэр оҕолоругар холобур буолаллар. Оҕолор төрөппүттэрин көрөн үтүөҕэ үөрэнэллэр.

Холобур, мин кылгас кэм иһигэр бачча элбэҕи дьон көмөтүнэн хомуйдум.  Билэр дьоммор кыттыһыҥ диэн эппитим, оттон билбэт дьоммун социальнай ситим нөҥүө булбутум. Хаппах эбэтэр батарыайка мунньубут буоллаххытына, дьиэҕитигэр тиийэн ылыахпын сөп диэн биллэрии таһаарбытым.

***

Арай маннык тэрээһини хас биирдии тэрилтэҕэ, үөрэх кыһатыгар көҕүлээн ыытарбыт буоллар, киин куораппыт, тулалыыр эйгэбит төһөлөөх ырааһырыа этэй? Тиһигин быспакка, бу курдук күргүөмүнэн.

Ханнык баҕарар үтүө дьыала бэйэбит испититтэн, чугас дьоммутуттан саҕаланара ордук. Ону колледжка биллэриллибит аахсыйа өссө төгүл бигэргэттэ.

Пластиковай хаппахтар 100-500 сыл тухары тулалыыр эйгэбитин сыыһырда сытыахтарын сөп. Оттон биир батарыайка 400 лиитирэ ууну уонна 20 кв. миэтэрэ кырыс буору киртитэр. Туттуллубут батарыайка састаабыгар сибиниэс (организмҥа мунньуллар, бүөрү, ньиэрбэ систиэмэтин уо.д.а. сүһүрдэр), кадмий (тыҥаҕа, бүөргэ куһаҕаны оҥорор), ртуть (мэйиини уонна ньиэрбинэй систиэмэни кэбирэтэр), никель уонна цинк (дерматиты көбүтүөхтэрин сөп), солохтор (салыҥнаах бүрүөнү уонна тириини тэһэ сииллэр) уонна да атын киһиэхэ уонна тулалыыр эйгэҕэ кутталлаах бэссэстибэлэр бааллар.

СД-21-5 бөлөх устудьуона Кристина Степанова уола Марктыын бэйэлэрин подъезтарыгар батарыайка уонна хаппах хомуйбуттар.  

 

“Колледжпытыгар 2019 сылтан бөҕү арааран мунньар буолбуппут. Экология туһунан сырдатар уруоктары тиһигин быспакка ыытабыт”, – диир Екатерина Егоровна. 
Маннык ууруналары туруорбуппут. Биири – үөрэнэр куорпуска, биири – уопсайга. 60 волонтер суруйтарбыта, актыыпка 10 устудьуон баар.
Үлэ тиһиктээхтик ыытыллар. Мунньар хопполордоохпут. Анал хопполору ыла иликпит. 
Уулуссаҕа контейнербыт суох. Ол иһин уопсастыбанньыктарбытын кытта бэйэбит анал пууннарга илдьэбит. Мунньуллубут макулатураны уонна “Сохраним лес вместе” аахсыйаҕа хомуйбуппутун “Картон компани” туттарабыт. 

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Мария Мигалкина:   «Кэлии сиэмэлэринэн үлүһүйүмэҥ»
Дьон | 19.07.2024 | 10:00
Мария Мигалкина: «Кэлии сиэмэлэринэн үлүһүйүмэҥ»
Мин бүгүн ааҕааччыларбар, ордук хаһаайкаларга, 35 сыл үлэлээбит уопуттаах агроном, билигин биэнсийэлээх, дойдутугар сайылыы сылдьар Мария Семеновна Мигалкинаны кытта тэлгэһэтигэр тиийэн, үүнээйитин, сибэккитин көрө-көрө, дуоһуйа, астына кэпсэттим.   Сибэккигэ уоҕурдууну хото туттабын Бастатан туран ааҕааччыларга циния диэн сибэкки туһунан кэпсиэҕим. Урут биһиги “Циния обыкновенная” диэни олордор этибит, билигин “Циния кустовая” диэн...
Дьулустаан Ноговицын: ДЬУЛУС! ТУЛУС! КЫАЙ!
Дьон | 11.07.2024 | 10:00
Дьулустаан Ноговицын: ДЬУЛУС! ТУЛУС! КЫАЙ!
«Киин куорат» хаһыат бүгүҥҥү ыалдьыта – Туймаада туонатын Үрүҥ Тунах ыһыаҕын «Дыгын оонньуулара» күөн-күрэһин Таас Боотура, быйылгы күрэх муҥутуур кыайыылааҕа Дьулустаан Ноговицын.   Дьулустаан Ноговицын: – Дьокуускай куорат 1№-дээх баһаарынай чааһын байыаһа, төрөппүттэригэр соҕотох уол, эдьиийигэр быраат, тапталлаах кэргэн, үс оҕо амарах аҕата; – Мас тардыһыытыгар Саха Өрөспүүбүлүкэтин, Арассыыйа уонна аан...
Изабелла Попова: Сүрэхпэр сөҥөрбүт дьүөгэлэрим
Дьон | 19.07.2024 | 12:00
Изабелла Попова: Сүрэхпэр сөҥөрбүт дьүөгэлэрим
Арассыыйа үөрэҕириитин туйгуна, Саха сирин үөрэҕириитин бочуоттаах үлэһитэ, хас да кинигэ ааптара Изабелла Ильинична Попова бүгүн өрөгөйдөөх үбүлүөйүн көрсө өссө биир кинигэтин сүрэхтиир. Дьэ, кырдьык, сүрэхтиир... Сүрэҕин сылааһын иҥэрбит кинигэтин!   Ахтар-саныыр дьүөгэлэрим, Аламаҕай сэгэрдэрим, Саһарҕалаах сарсыардабын Сандаарытар куоларым!   Сүр... Сүрэх, сүрдээх, сүрэхтиир... Сахабыт тыла барахсан тугун бэрдэй! Биир тылтан силистэнэн-мутуктанан...