22.09.2022 | 11:22

Үтүө үөрүйэх уонна практикаҕа таба туһаныы

Дьокуускай куорат спортивнай үҥкүүгэ тренердэрэ анал үөрэхтээһини көхтөөхтүк ааһаллар уонна бэйэлэрин сатабылларын үрдэтэллэр. Балаҕан ыйыгар ыытыллыбыт үөрэх бу сылга номнуо иккиһин буолла. Тустаах тосхол 2021 сыллаахха бигэргэниэҕиттэн 5 маастар- кылаас ыытылынна.
Үтүө үөрүйэх уонна практикаҕа таба туһаныы
Ааптар: Киин Куорат
Бөлөххө киир

Людмила Николаева салалтатынан спортивнай үҥкүү холбоһуга сыл устата тустаах бырагыраама кыттааччыларын элбэттэ. Манна өрөспүүбүлүкэтээҕи үҥкүү кулууптарын бүтэрбиттэри кыттыһыннарда. Ону сэргэ, бу холбоһуктуун өссө элбэх уопуттаах лектор ситимнэстэ. Преподавателлэр бары – үрдүк таһымнаах үҥкүү маастардара. Кинилэр сүрүн састааптарыгар киирэллэр:

- Виктория Рудковская, Европа чемпиона, аан дойду вице-чемпиона, спортивнай үҥкүүгэ Арассыыйа спордун маастара, норуоттар икки ардыларынааҕы WDC категориялаах судьуйа, бэйэтэ үҥкүү оскуолалаах (Москва к.);

- Роман Манжосов, Новосибирскайтан сылдьар профессиональнай үҥкүүһүт, «Expression coaching» диэн сыанаҕа тахсарга бэлэмнэнии уонна бэйэни хамсаныы нөҥүө көрдөрөр систиэмэ ааптара;

- Ольга Басенкова, Новосибирскайдааҕы «Эдельвейс» диэн спортивнай үҥкүү кулуубун тренерэ, норуоттар икки ардыларынааҕы категориялаах судьуйа. Кини элбэх көлүөнэ аан дойду чемпионнарын бэлэмнээбит үтүөлээх, үҥкүү спордугар Чехия сүүмэрдэммит хамаандатын Европаҕа уонна аан дойдуга инники күөҥҥэ таһаарбыт тренердэр састааптарыгар үлэлээбит.

Балаҕан ыйдааҕы сессия биир сүрүн уратытынан оҕолор бөлөхтөрүн кытта үлэ буолла. Эрчиллии маннык көрүҥэр тренердэри кытта оҕолор эмиэ сайдаллар, эбии туһалаах уонна саҥа информацияны ылыналлар. Маастар-кылаас кыттааччылара чопчу холобурга көрөн, үҥкүүһүттэр тургэнник уонна таһаарыылаахтык сайдалларыгар иитиллээччилэри кытта хайдах үлэлиири, туохха сүрүн болҕомтону уурары, хайдах гынан биир тэҥ хамсаныыны таһаарары үөрэтэллэр. Лектордар эдэр тренердэргэ оҕолору кытта үлэ сүрүн уратытын практикаҕа көрдөрөллөр, ыйытыктарга хоруйдууллар, ону сэргэ араас ньымалары быһааран биэрэллэр.

Маны таһынан Саха сирин спортивнай үҥкүүгэ холбоһугун толорооччу дириэктэрэ Вячеслав Ефимов эппитинэн, эдэр тренердэр үрдүк таһымнаах идэтийбит үлэһиттэр холобурдарыгар биир үҥкүү пааратын кытта көдьүүстээхтик дьарыктанарга үөрэнэллэр: «Тренер чопчу биир үҥкүү пааратын кытта дьарыктанар түгэнигэр, спортсменнары кытта эт-сиин үлэтин сиһилии ырытар, спортивнай үҥкүү музыкальнай уонна атын уһулуччуларын сиһилии тиэрдэр кыахтанар», - диэн Вячеслав Ефимов бэлиэтиир.

Спортивнай үҥкүү, бастатан туран, үҥкүү паараларыттан турар. Уопсастыбаннай холбоһук кинилэр ахсааннарын элбэтэн, профессиональнай таһымҥа таһаарарга дьулуһар. Тоҕо диэтэххэ өр кэмҥэ бииргэ үҥкүүлээбит, бэйэ-бэйэлэрин үөрэтэн тапсыбыт эрэ пааралар Арассыыйа таһымнаах күрэхтэһиилэргэ дойду киин куораттарыттан сылдьар күрэстэһээччилэри кытта тэҥҥэ киирсэр кыахтаналлар.

Бэлиэтээн эттэххэ, «Эдэр тренердэр» тосхол Саха Өрөспүүбүлүкэтин спортивнай үҥкүү холбоһугун бэрэсидьиэнэ Людмила Николаева көҕүлээһининэн тэриллибитэ. Бырагыраама өрөспүүбүлүкэҕэ үлэлиир үрдүк бэлэмнээх тренердэр ахсааннарын элбэтэр сүрүн соруктаах.

 

Үҥкүү спордун холбоһугун пресс-киинэ.

Сонуннар

Ордук ааҕаллар

Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....