18.12.2019 | 13:07

ТӨРӨӨБҮТ ТЫЛЫ МУЛЬТИГЫНАН ҮӨРЭТИЭХХЭ СӨП

ТӨРӨӨБҮТ ТЫЛЫ МУЛЬТИГЫНАН ҮӨРЭТИЭХХЭ СӨП
Ааптар: Киин Куорат

Т

Саҥа саҥаран эрэр кырачаан оҕолору саха тылыгар мультфильмнар, комикстар көмөлөрүнэн умсугурдар ньымалары Самаана уонна Аина Максимовалар төрөппүттэрэ тобулбуттар. Кыргыттар иккиэн чинчийэр үлэ суруйан, араас конференцияларга көмүскээн, дьон интэриэһин тардыбыттара.

Дьокуускай куорат 39 нүөмэрдээх «Ромашка» оҕо саадын иитиллээччитэ Аина Максимова кэпсиир:

– Мин эдьиийим 3 саастааҕар, 2013 сылга “Лунтик” диэн, ол саҕана оҕо барыта сөбүлээн көрөр мультигын, күҥҥэ хаста даҕаны төхтүрүйэн көрөр эбит. Ол иhин төрөппүттэрим оҕобут тэлэбииһэри сахалыы көрдүн диэн, Лунтик хас да серия тиэкистэрин чинчийэн, сахалыы тылбаастаан, эдэр артыыстары – саха салаатыгар ХИФУ-га үөрэнэ сылдьар устудьуоннары көрдөһөн, устар студияҕа ыҥырталаан, “Ыйчаан” диэн киниэхэ анаан 5 серияны устубуттар. Бу маннык үлэни оҥорорго Санкт-Петербургтан “Лунтик” мультигы айааччыларттан көҥүл суругу ООО «Итэра» диэн аҕам үлэлиир тэрилтэтин аатыттан ылбыттар.

Ол кэннэ бириэмэ-кэм ырааппыт, эдьиийим улаатан хаалан “Лунтигар” улаханнык наадыйбат буолбут, ол иhин, толору 35 серияны барытын тылбаастаабатахтар. Ол да буоллар, маннык оҥоруу оҕону төрөөбүт тылыгар тардарга күүстээх ньыма буолбут.

Мин чинчийэр үлэбэр эдьиийим көмөлөһөр. Кини сахалыы суруллубут остуоруйалары, кэпсээннэри оҕолорго анаан комикс уруhуйдаан, саҥалаах (озвучкалаах) роликтары оноруунан дьарыгырар. Холобур, Семен Руфов «Албынчыктар» диэн айамньытын онорон, уруhуйдаан көрбүтэ. Кыра оҕолорго маннык гынан бэйэбит суруйааччыларбытын, айымньыларын билиһиннэриэххэ сөп эбит. Бу ньыма туспа соруга – оҕо дьолоҕойун тардарга чаҕылхай өҥнөрдөөх, персонажтара билиҥҥи муоданан уруһуйданаллара  ордук.   

Биhиги, оҕолор, олох сайдыытын сиэринэн гаджеттарга ылларыахпытын сөп, төрөппүттэр ону сөпкө туттарга дьулуhуохтаахтар. 

“Мультик” диэн тылы саха тылын пропагандалааччылар “Ойуулук” диэххэ дииллэр эбит. Бу термини биһиги, төрөппүттэр, төһө ылыныахпытый?

Хотуобай популярнай буолбут мультиктар сахалыы саҥараллара эһиги санааҕытыгар  хайдаҕый? Эбэтэр бэйэбит мультипликатордарбытын сөптөөхтүк өйөөн, ыччаты үөрэттэрэн, сахаларга киинэ индустрията өрө тахсыбытын курдук, ойуулуктары оҥоруу индустриятын сатаан сайыннарыахпыт этэ дуо?

Санаа атастаһыытыгар ыҥырабыт. “Киин куорат” бассаап нүөмэрэ: +7- 914- 270-64-04

Сонуннар

Ордук ааҕаллар

Хоһоон ааҕыытыгар аһаҕас күрэс
Сонуннар | 24.11.2021 | 16:00
Хоһоон ааҕыытыгар аһаҕас күрэс
Саха АССР төрүттэммитэ 100 сылын кѳрсѳ, Ньурба оройуонун Малдьаҕар нэhилиэгин В.И. Максимов аатынан орто оскуолата 100 сылынан, Малдьаҕар  нэhилиэгин бастакы учуутала,  Дьокуускайдааҕы учительскай семинария бастакы выпускнига (1914-1917с.с)., Ньурба улууһун исполнительнай комитетын бэрэссэдээтэлэ, бэрэссэдээтэл солбуйааччыта (1924-1927 с.с)., Бүлүү уеһын общественнай куттала суох буолуутун комитетын чилиэнэ, продовольственнай уонна сир управаларын бэрэссэдээтэлэ (1923...
«Кыһын Саха сириттэн саҕаланар» бэстибээл саҕаланна
Сонуннар | 26.11.2021 | 11:00
«Кыһын Саха сириттэн саҕаланар» бэстибээл саҕаланна
«Кыһын Саха сириттэн саҕаланар» куорат таһымнаах бырааһынньыктан саҕалаан киэҥ далааһыннаах тэрээһиҥҥэ кубулуйбут бэстибээл быйыл онус төгүлүн ыытыллар үбүлүөйдээх сыла. Сарсыҥҥыттан, сэтинньи 26 күнүттэн, киин куорат олохтоохторун уонна ыалдьыттарын кыһыны көрсүү бырааһынньыгар ыҥырабыт. Быйылгы тэрээһиннэр, биллэн турар, онлайн уонна оффлайн ыытыллаллар.   «Бэстибээл аан бастаан 2011 сыллаахха Айсен Николаев көҕүлээһининэн, кини Дьокуускай...
Саҥа 2022 сылы көрсөргө бэлэмҥин дуо?
Тускар туһан | 04.12.2021 | 12:07
Саҥа 2022 сылы көрсөргө бэлэмҥин дуо?
Күүтүүлээх-кэтэһиилээх 2022 сылбыт үүнэрэ ыйы кыайбат эрэ кэм хаалла. Дьиэни хайдах киэргэтэбит, тугу таҥнабыт, астыыбыт диэн ыйытыылар элбэх киһини долгутар буолуохтаахтар. Онон биһиги эрдэттэн бэлэмнэнэ, толкуйдуу сылдьыҥ диэн күндү ааҕааччыларбытыгар сүбэ-ама бэчээттииргэ быһаарынныбыт.   Кэлэр сыл бэлиэтэ – Халлаан күөх өҥнөөх Баабыр. Кинини манньытар, киниэхэ ис буолар инниттэн, сылбыт ситиһиилээх ааһарын...
COVID-19 Реабилитация элбэҕи быһаарар
Сонуннар | 27.11.2021 | 12:00
COVID-19 Реабилитация элбэҕи быһаарар
СӨ Национальнай библиотеката уонна Дьокуускайдааҕы медицинскэй колледж куйаар ситиминэн ыытыллар туһалаах лекциялары ыытан саҕалаатылар. “Коронавирус кэннэ чөлгө түһүү” лекцияны Медколледж 1-кы категориялаах преподавателэ Марианна Ивановна Атласова зум-платформаҕа ыытта. Бэлиэтээн эттэххэ, СӨ Национальнай библиотеката пандемия саҕаланыаҕыттан онлайн тэрээһиннэри көхтөөхтүк ыытар, араас эйгэ экспертэрин ыҥыраллар, интэриэһинэй тиэмэлэри таарыйаллар, ким баҕалаах кыттыан, ыйытыыларга...