01.11.2020 | 09:18

Төлөпүөҥҥэр туһалаах сыһыарыылары киллэр

Төлөпүөҥҥэр туһалаах сыһыарыылары киллэр
Ааптар: Киин Куорат
Бөлөххө киир

Биһиги смартфона суох сатаммат буоллубут. Олох-дьаһах уонна цифровизация сайдан, биир төлөпүөнүнэн туох-баар кыһалҕаны барытын быһаарар кыахтанныбыт.

Бүгүн хас биирдии киһиэхэ саамай наадалаах, туһалаах сыһыарыылары билиһиннэриэхпит. Ону AppStore уонна PlayMarket  нөҥүө хачайдыаххытын сөп.

Госуслуги

Сыһыарыы үлэтэ олорор сиргиттэн тутулуктаах. Судаарыстыбаннай уорганнар түмүллн киирбит порталлара. Холобура: бырааска суруйтарыаххын сөп, Арассыыйа эбэтэр тас дойдуга тахсар пааспар сайабылыанньатын толороҕун, пенсионнай пуондаттан тустаах ыспыраапка ылаҕын, суоппар быраабын эбэтэр массыынаҕын регистрациялыаххын сөп  уонна үлэҕэ киирэргэр суут ыспыраапкатын туох-даҕаны уочарата суох ылаҕын. Бу сыһыарыы баар буоллаҕына, уһун унньуктаах уочарат диэн тугун умнуоххут.

Сахалыы клавиатура

Смартфоҥҥа эбэтэр планшетка сахалыы үгүстүк бэчээттиир, суруйар дьоҥҥо аналлаах. Биллэрин курдук, нууччалыы “раскладкаҕа” сахалыы буукубалар суохтар, онон нууччалыы суруйдахпытына букатын да атын суолталаах тыл тахсан кэлиэн сөп. Сыһыарыы билиҥҥитэ буор босхо.

Умный транспорт

Куоракка оптуобуһунан айанныыр дьоҥҥо олус туһалаах сыһыарыы. Урут томороон тымныыларга  тоҥо-тоҥо кэтэһэр буоллахпытына, билигин бу сыһыарыы көмөтүнэн оптуобус төһө түргэнник кэлэрин кэтээн көрө олорор кыахтаахпыт. Төлөпүөнүн  GPS-навигатора үлэлиир буоллаҕына, ханнык тохтобул эйигиттэн чугаһын кытта ыйан биэрэр.

2 ГИС

2 ГИС, арааһа, дьоҥҥо барытыгар баара буолуо да, син биир сырдатабыт. Норуокка биллэринии, “тугис” сыһыарыыга куоракка баар тэрилтэлэр, маҕаһыыннар, рестораннар,  уулуссалар, тустаах уорганнар бары киирэ сылдьаллар. Үлэлиир графиктара, төлөпүөннэрэ, ханнык оптуобуһунан тиийэриҥ, таксинан айанныыргар төһө харчыны төлүүрүҥ кытта ыйыллар. Чопчулаатахха, Арассыыйа бары куораттара бу сыһыарыыга киирэ сылдьаллар. Ол иһин атын куоракка айанныыр түгэҥҥитигэр саамай наадалаах сирдьиккит буолуоҕа.

DoskaYkt

Саха сиригэр биллэр интэриниэт-ресурс. Ый аайы манна 80 тыһ. тахса биллэрии ыйанар. Бу көмөтүнэн киһи хамсаабат баайын-дуолун, массыынатын, малын-салын атыылыыр уонна атыылаһар кыахтаах. Ону таһынан, ханнык баҕарар өҥөнү оҥорон, барыстаах кэпсэтиилэри ыытыаххын сөп.

Юла

Бу эмиэ атыы-тутуу сыһыарыыта буолар. Кэппэт таҥастаргын, массыынаҕын, оҕо оонньуурун уо.д.а. малы-салы атыылыахха сөп.  Наадалаах кэмҥэ олус туһалаах сыһыарыы уонна сыаната даҕаны куруук Арассыыйа ырыынагын кытта тэҥэнэһэр.

InDriver

Биллэр айтишник Арсен Томскай айбыт сыһыарыыта. Бу сыһыарыы көмөтүнэн куоракка, улууска удамыр сыанаҕа айанныахха сөп. Ол эбэтэр айанньыт сыанатын бэйэтэ олохтуур кыахтаах. Массыына эн аадырыскар чугаһаабытын, сөпкө илдьэн эрэрин барытын көрө олороҕун. Маны таһынан хас биирдии суоппар бу сулууспаҕа үлэҕэ киириэн инниттэн тустаах докумуоннарын, массыынатын докумуонун салалтаҕа тиэрдэр, онон айанныырга куттала суох. Арай, малгын-салгын хааллардаххына сыһыарыы нөҥүө менеджердэргэ суруйаҕын. Суоппар бары рейтиннээх буолаллар, ол иһин үтүө суобастаахтык үлэлииллэр.

Мой налог

Арасыыйа нолуогабай сулууспатын сыһыарыыта. Сүнньүнэн, бэйэлэрэ дьарыктаах дьоҥҥо туһаайыллыбыт. Тустаах испекцияҕа тиийбэккэ эрэ, бу сыһыарыы көмөтүнэн нолуоккутун төлүөххүтүн, ыспыраапкаҕытын ылыаххытын сөп. Ыйдааҕы дохуоту, каассаны, отчуоту барытын бу биир сыһыарыы көмөтүнэн быһаарыахха сөп.

ЛитРес

Кинигэни таптыыр, ааҕар дьон, бу сыһыарыыны хачайдаан абыраныаххыт. Кинигэни атыылаһан ылаҕыт, ол кинигэ эһиги төлөпүөҥҥүтүгэр үйэ-саас тухары хаалар. Уопсайа 1 мөл. тахса аудио уонна электроннай кинигэ баар. Ол эрээри, кумааҕыга бэчээттэммит кинигэ барахсан ааҕарга быдан умсугутуулааҕын умнумаҥ.

Облачная поликлиника

Маны туһанан дьиэттэн олорон эрэ араас сүбэлэри ылыаххытын сөп. Билиҥҥитэ исписэлиистэр бары бааллар. Сыһыарыллыбыт поликлиникаҕыттан ыспыраапка, быраастан сүбэ, о.д.а. атын өҥөлөрүнэн туһанаҕыт.

Медсеть

Тоҕоостоох кэмҥэ саамай туһалаах сыһыарыы. Өскөтүн эһиги коронавирус инфекциятыгар хаптарбыт буоллаххытына, араас хабааннаах сүбэлэри ылыаххытын сөп. Сыһыарыы бары маркеттарга босхо.

Шагомер уонна Google Fit

Дьон доруобуйатын уонна күҥҥэ хас хардыыны оҥорбутун билэригэр аналлаах сыһыарыы. Хас калорийы бараабыккын көрдөрөр. Туттарга судургу, сыаната босхо.

Google-тылбаасчыт

Билиҥҥитэ саамай түргэн тылбаас сыһыарыыта. Уопсайа 103 тылынан үлэлиир. Ордук омук тылын холкутук тылбаастыыр.

AirDroid

Андроид төлөпүөннээхтэр көмпүүтэргэ быһа холбонор сыһыарыылара. Бу сыһыарыы үлэлииригэр көмпүүтэргит арыый саҥа соҕус бырагыраамалаах буолара ирдэнэр.

GetContact

Билбэт нүөмэрдэргит эрийбит буоллахтарына, GetContact сыһыарыы көмөтүнэн ким эрийбитин, аатын билиэххитин сөп. Сорох дьоҥҥо баантан коллектордар эбэтэр букатын даҕаны түөкүн дьон эрийэн соһутааччылар. Бу эрийбит нүөмэрдэргитин “блокировкаҕа” туруоруоххутун сөп. Кэлин эһигини буулаабат буолуохтара. Маҥнай утаа туттарга босхо, кэлин харчыга туһанар буолаҕыт.

Социальнай ситимнэр араастара

WhatsApp – аан дойду үрдүнэн саамай биллэр мессенджер. Кэлиҥҥи кэмҥэ эбии видео-сибээс үлэлээн, көдьүүһэ өссө элбээтэ. Бүгүҥҥү күн туругунан бассаабынан 1 млрд тахса киһи күннэтэ туттар. Арааһа, бассаап баар буолан олох күөстүү оргуйар быһыылаах. Ол эрээри ханнык баҕарар ситим үтүө уонна мөкү өрүттээҕин умнумаҥ.  

Telegram – бу эмиэ бассаап курдук ситим. Кэнники кэмҥэ элбэх киһиэхэ баар буолла. Сыһыарыыга араас ханааллар үлэлииллэр, ким баҕалаах киирэн сонуннары ааҕыан сөп. “Киин куорат” хаһыат эмиэ телеграм-ханааллаах. Эһиги онно киирдэххитинэ, күн ахсын сойботох сонуннары ааҕыаххыт.

 Instagram – хаартысканы хаһаанарга табыгастаах ситим. Дьон олоҕун-дьаһаҕын, ханна сылдьыбытын, тугу аһаабытын кытта хаартыска, ведео нөҥүө билэ-көрө олоруоххун сөп.

  СБЕРБААН -ТӨЛӨБҮР ТҮРГЭН  СИСТИЭМЭТЭ Система быстрых платежей (СБП) — төлөпүөн нүөмэринэн харчыны түргэнник ыытыы. Биир суукка иһигэр муҥутаабыта 50 тыһ. суумаҕа тиийэ бырыһыана суох харчы ыытахха сөп. Биир ый иһигэр уопсайа 100 тыһ. ыытыахха сөп, онтон 100-тэн таһаардыҥ да,  0,5% -н хамыыһыйа тутан ылар. Түргэнник төлүүр систиэмэҕэ хайдах холбонобут? Сбербанк Онлайн мобильнай сыһыарыыга киирэбит уонна → «Профиль» → «Настройки» → «Система быстрых платежей (подключение к системе)» → тус дааннайдарга сөбүлэһэргин бэлиэтиигин уонна «Подключить» диэни баттыыгыт. Харчыны кирэдьиит каартаттан ыытыахха сөп дуо? Хомуойуох иһин, суох. Харчыны түргэнник ыытыы систиэмэтэ кирэдьиит каартатыттан ыыппат. Харчыны ханнык баҕарар дебетовай каартаҕа ыытыахха сөп.  СПБ көмөтүнэн төһө харчыны ыытыахпын сөбүй? 10 солк. саҕалаан, 100 тыһ. тиийэ ыытыаххытын сөп. Сууккаҕа лимит уопсай кээмэйэ — 50 000 солк.

Сонуннар

Ордук ааҕаллар

Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.
Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...