«Сырдык киин куорат» муниципальнай бырагыраама ситиһиилээхтик үлэлиир 

Бэҕэһээ, от ыйын 31 күнүгэр, «ВКонтакте» социальнай ситим нөҥүө быһа эпииригэр баһылык Евгений Григорьев уулуссалары сырдатыы боппуруоһун эмиэ таарыйда. Ол курдук, бүгүҥҥү күҥҥэ киин куоракка үлэлиир «Сырдык киин куорат» муниципальнай тосхол иитинэн 15 тыһыынча уот остуолбата туруоруллубутун иһитиннэрдэ. 
Икки сыл иһигэр бу бырагырааманан уулусса уотун тардыы бырыһыана 64-тэн 68-ка диэри үрдээтэ. Быйыл «Горсвет» муниципальнай тэрилтэ 152 остуолбаны туруорда, 164 лаампаны ыйаата, эбэтэр 5 км усталаах ситим тардылынна, бэдэрээтчиттэр 259 остуолбаны, 268 лаампаны туруордулар, ол эбэтэр 8,5 км усталаах ситими оҥордулар, диэтэ Евгений Григорьев. 
«Онон уулуссаны сырдатыыга 70 мөл. солк. кэриҥэ кээмэйдээх үп туһаҕа тахсыаҕа»,– диэтэ Евгений Григорьев.