09.06.2021 | 09:56

“Сырдык киин куорат”: үлэ үгүс, былаан киэҥ

Быйыл киин куоракка уулуссалары сырдатыы үлэтэ киэҥ далааһыннаахтык ыытыллыаҕа. Маныаха өрөспүүбүлүкэ уонна куорат бүддьүөтүттэн эбии үп көрүллүбүт.
“Сырдык киин куорат”: үлэ үгүс, былаан киэҥ
Ааптар: Киин Куорат

Тирээбиллэри тутууга уонна светильниктэри туруорууга 78, 6 мөлүйүөн кэриҥэ солкуобай туттуллара былааннанар. Онтон 8, 6 мөлүйүөн солкуобай куорат бүддьүөтүттэн, СӨ Ил Дарханын Ыйааҕынан эбии 70 мөлүйүөн солкуобай өрөспүүбүлүкэ бүддьүөтүттэн тыырыллыбыт.

Быйыл киин куоракка уонна кытыы нэһилиэктэргэ барыта 551 тирээбил уонна 592 светильник туруоруллуоҕа.

Куорат хаһаайыстыбатын үлэлэтэр сулууспа иһитиннэрбитинэн, 23 тирээбил уонна 48 светильник бу аадырыстарга туруорулунна: Короленко уул., 19, Стадухин уул., 63, Лонгинов уул., 38, Кеша Алексеев уул., 13/3, Семен Данилов уул., 4/1, Кузьмин уул., 29, Заимка уул., 4а, Три Сосны уул., ону таһынан Кангалаас микрооройуонугар Молодежнай уонна Комсомольскай уулуссаларга.

«Бу күннэргэ Севернай микрооройуоҥҥа сырдатыы үлэтин ыытабыт», – диэтэ  «Горсвет» МУТ дириэктэрэ Максим Машков. Манна 4, 5 мөлүйүөн солкуобайга 33 тирээбил уонна 33 светильник туруоруллуоҕа.

Өрөспүүбүлүкэ бүддьүөтүттэн эбии көрүллүбүт үп 19 бөдөҥ эбийиэги сырдатыыга, 495 тирээбили уонна 511 светильниги туруорууга туттуллуоҕа.

Куорат дьаһалтатын пресс-сулууспата иһитиннэрбитинэн, маны сэргэ Өктөөп 50 сыла Автострада, Чайковскай, Пушкин, 8 марта, Сэргэлээх суолун 8-10 км, Кульбертинов, Кольцевой, Речевой оскуолаҕа диэри Покровскайдыыр суол сорох өттө сырдатыллыахтара. Өрөспүүбүлүкэтээҕи 2 нүөмэрдээх балыыһа таһыгар уот линията саҥардыллыаҕа.

Кытыы нэһилиэктэргэ үлэ күөстүү оргуйуоҕа. Ол курдук, Капитоновкаҕа Подгорнай уул., Тулагыга оптуобус тохтобулуттан Молодежнай уулуссаҕа диэри, Пригороднайга Шестаковскай проезд, Марха микрооройуонугар Интернациональнай уонна Набережнай уулуссалар, Владимировкаҕа Березовай Роща уонна Сиэллээх уул., Маҕаҥҥа Брусничнай уулусса сырдатыллыахтара. Мархаҕа 32 №-дээх оскуола таһыгар уот линията саҥардыллыаҕа.

Бэлиэтээн эттэххэ, “Куттала суох, хаачыстыбалаах суоллар” национальнай бырайыак эбийиэктэригэр  суол ситимин сырдатыы үлэтэ эбии ыытыллар.

«Уулуссалары сырдатыы – куорат биир сытыы кыһалҕата. Маны быһаарарга өрөспүүбүлүкэ бүддьүөтүттэн эбии үбүлээһин көрүллүбүтэ», – диэн иһитиннэрбитэ бу иннинэ куорат баһылыга Евгений Григорьев.

Бүгүҥҥү күҥҥэ куорат уокуруга 64 % сырдатыллан турар, силигэ ситэригэр эбии 7 тыһыынча тирээбил наада. Дьаһалта киин куорат уонна кытыы нэһилиэктэр 100 % сырдыылларын туһугар үтүмэн үлэни ыытар.  

Санатан аастахха, 2020 сылга Дьокуускай куоракка уонна кытыы нэһилиэктэргэ 189 тирээбил уонна 261 светильник туруоруллубута. Бу сыалга куорат бүддьүөтүттэн 20 мөлүйүөн солкуобай көрүллүбүтэ. Былырыын барыта 9 км суол сырдатыллыбыта.

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
Люба Готовцева:  «Киһи биир сиргэ тэпсэҥнии туруо суохтаах»
Дьон | 14.01.2022 | 20:54
Люба Готовцева: «Киһи биир сиргэ тэпсэҥнии туруо суохтаах»
Киһи олорорун тухары төһөлөөх элбэх киһини кытта билсэрэ, алтыһан ааһара буолуой?! Оттон суруналыыс буоллаххына, өссө элбэх киһини кытта көрсөҕүн, кэпсэтэҕин. Олоххор алтыспыт дьоҥҥун аны туран барыларын кытта сибээс туппаккын, ол эрэн искэр киллэрэн, олус үчүгэйдик саныы сылдьаҕын. Мин Любалыын, таптаан ааттыырбынан Любушкалыын, 2000 сыллар саҥаларыгар билсибитим. Онтон ыла хайдах эрэ...
Муус устар 10 күнүгэр диэри 100 саҥа оптуобус кэлиэҕэ
Сонуннар | 13.01.2022 | 16:00
Муус устар 10 күнүгэр диэри 100 саҥа оптуобус кэлиэҕэ
100 саҥа оптуобустан 65-һэ ЯПАК МУТ маршруттарынан, 10 – муниципальнай тэриллиилэр икки ардыларыгар сылдьыахтара, оттон 35 оптуобуһу «Союз Авто» кэмиэрсийэтэ суох тэрилтэ чааһынай таһааччылара ылаллар. Бу туһунан Олохтоох дьаһалта пресс-сулууспата иһитиннэрдэ.  «Организатор пассажирских перевозок» МХТ информациятынан, 100 саҥа тиэхиньикэ икки түһүмэҕинэн кэлэр. Бастакы баартыйа кулун тутар 27 күнүгэр диэри, иккис...
Евгений Григорьев Арассыыйа бэчээтин Күнүнэн эҕэрдэлиир
Сонуннар | 13.01.2022 | 11:58
Евгений Григорьев Арассыыйа бэчээтин Күнүнэн эҕэрдэлиир
Убаастабыллаах суруналыыстар, сонуннары киэҥник тарҕатар сириэстибэлэр үлэһиттэрэ! Олохтоох дьаһалта салалтатын уонна тус бэйэм ааппыттан эһигини Арассыыйа бэчээтин Күнүнэн эҕэрдэлиибин! Аныгы уопсастыбаҕа эһиги үлэҕит суолтатын сыаналыыр уустук: бары олох оргуйар үөһүгэр сылдьабыт – биһигини күн аайы үчүгэй уонна оччото суох сонуннар арыаллыыллар. Дьон үксэ сарсыардатын интэриниэт сонуннарыттан саҕалыыр, сүрүн суолталаах сонуннары...