15.12.2023 | 18:00

Суоппардар үлэлии тахсыбаттар...

Куоракка тимир көлөтө суох буоллаххына, оптуобуһунан эрэ сылдьаргар тиийэҕин. Уопсастыбаннай тырааныспар урут да, билигин да нэһилиэнньэ олоҕор тыын суолталаах. Ордук биһиги курдук тымныы кыһыннаах дьоҥҥо...
Суоппардар үлэлии тахсыбаттар...
Ааптар: Айыына КСЕНОФОНТОВА
Бөлөххө киир

Ааспыт нэдиэлэ түмүгүнэн графигы “ЯПАК” МУТ – 98%, чааһынай тиэйээччилэр 66% толордулар.

Суоппардар тоҕо үлэлии тахсыбаттарый? “Союз Авто” НКО бэрэстэбиитэлэ иһитиннэрбитинэн, сорох оптуобустар ититиилэрэ мөлтөх, тиэхиньикэ алдьанар уонна суоппар тиийбэт кыһалҕата уҕараабат...

Куорат уопсастыбаннай тырааныспара уустук оҥоһуулаах механизмҥа тэҥнээх. Биир эмэ оптуобус линияҕа тахсыбатаҕына, үлэ хаамыыта тута ыһыллар, график кэһиллэр. Холобур, бэнидиэнньиккэ 8-с №-дээх маршрут аҥаара эрэ үлэлии тахсыбыт. Бу күн онто да суох аҕыйах, баара-суоҕа аҕыс оптуобустан түөрдэ эрэ сүүрбүт. Ол иннинэ ахсынньы 1 күнүгэр 18-с №-дээх маршрут уонча оптуобуһа үлэлии тахсыбатаҕа биллибитэ. Кэлин «Пассажирдары тиэйиини тэрийээччи» МХТ салайааччыта Эдуард Садовников иһитиннэрбитинэн, сорох суоппардар ыалдьан, сорох оптуобустар алдьанан тахсыбатахтар диэн буолбута. Ол күн Ленин проспегынан уопсастыбаннай тырааныспар сырыыта сөргүтүллүбүтэ, өрөмүөн кэмигэр курдук, маршрут Поярков уулуссатынан быһа, көнө сылдьара тохтообута. Баҕар, ону сөбүлээминэ дуу диэн санаалар кытта иһиллибиттэрэ.

Манна даҕатан эттэххэ, ханнык баҕарар маршрут сөбүлэҥи ааһар – пааспарыгар ханан сылдьара эрдэттэн бигэргэтиллэр. Онон “манан айанныахпытын баҕарабыт”, “итинэн барбаппыт” диэн боппуруос туруо суохтаах. Дьон томороон тымныыга сылдьар дуу, сылдьыбат дуу оптуобустары халтай кэтэһэн, тоҥо туруо суохтаах. 

Уопсастыбаннай тырааныспарга суоппар тиийбэт кыһалҕата сытыырхайбыта син ыраатта. Саҥа тиэхиньикэ кэлэр да,  онно үлэлиэн баҕалаах аҕыйаҕа кистэл буолбатах. Үрдүк хамнас, босхо үөрэх кими да угуйбат. Онон араас чэпчэтиилэри, социальнай өйөбүл эбии миэрэлэрин киллэрэр бырагыраама оҥоһуллуон наада.

Эһиилгиттэн киин куоракка уопсастыбаннай тырааныспар ситимэ уларыйар. Маршруттар эрэ буолбакка, пассажирдары тиэйиини тэрийии кытта уларыйыаҕа. Саҥа тиэхиньикэ элбиэҕэ, оптуобустар сырыыларын схемата саҥаттан оҥоһуллан бигэргэтиллиэҕэ. 90-с сыллартан үлэлээн кэлбит систиэмэ эргэрбитэ, куорат билиҥҥи ноҕуруускатын кыайбата чуолкай. Ол эрээри уларыйыы-тэлэрийии үөһэ этиллибит механизмы ыспакка, төттөрүтүн, сааһылыыра, бэрээдэктиирэ, үлэтин тупсарара буоллар диэн баҕа санаалаахпыт.    

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Хомунаалынай төлөбүр төһө үрдүүрүй?
Сонуннар | 11.07.2024 | 12:00
Хомунаалынай төлөбүр төһө үрдүүрүй?
Ый саҕаланыытыгар үгэспитинэн саҥа сокуоннары билиһиннэрэбит. От ыйыттан туох уларыйыыта киирдэ?