02.11.2022 | 16:00

Суол үлэтигэр графиктан хаалыы суох

Дьокуускай куорат уулуссаларыгар суол бүрүөһүнүн оҥоруу уонна чөлүгэр түһэрии түмүктэннэ диэн Олохтоох дьаһалта пресс-сулууспата иһитиннэрдэ.
Суол үлэтигэр графиктан хаалыы суох
Ааптар: Киин Куорат

Сэтинньи 1 күнүнээҕи туругунан, суол бүрүөһүнүн өрөмүөнүн, тутуутун уонна хапытаалынай өрөмүөнүн индикатора 100%-ҥа тиийдэ. Суол таҥаһын дьапталҕаларын ууруу уһуна – 34,6 км, иэнэ – 265,9 тыһыынча кв. м.

27 эбийиэккэ барытыгар аспаал-бетон ууруутун уопсайа 29,3 км уһуннаах сүрүн үлэтэ түмүктэннэ, Хатас сэлиэнньэтигэр  5,3 км уһуннаах элбэх оҕолоох ыаллар кыбаарталларыгар тиийэр булкаас тииптээх суол тутулунна.

Муниципальнай хантыраактар болдьохторугар олоҕуран, сэтинньи ыйга хапытаалынай өрөмүөн эбийиэктэригэр – Глухой переулок, Ильменскай, Птицевод уонна Щорс күөлүн кытыытынааҕы уулуссаларга тупсаран оҥоруу үлэтэ түмүктэниэҕэ. Ити этиллибит уулуссаларга ууну сүүрдэр лотуоктары, носуос ыстаансыйаларын, сатыы сылдьар дьон суолун күрүөтүн, таһынааҕы сырдатыы ситимин уо.д.а. оҥороллор.

Алтынньы ыйга Тимирязев, Маяковскай, Яков Потапов, Труд, Нагорнай уонна Очиченко уулуссаларын тупсарыы оҥоһулунна.

Сонуннар

Ордук ааҕаллар

Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Юрий Попов: «Барыта улахан үлэттэн тахсар»
Дьон | 25.11.2022 | 16:00
Юрий Попов: «Барыта улахан үлэттэн тахсар»
Дьокуускайга Тупсарыы үс сыла биллэриллэн, бу диэн эттэххэ, киин куоракка, чахчы, үтүмэн үлэ ыытылынна, ону олохтоохтор даҕаны бэйэҕит көрө-истэ сылдьаҕыт.  Быйыл сайын «Уһук Илиҥҥэ 1000 тиэргэн» федеральнай бырайыагынан Дьокуускай куоракка 75 тиэргэн тупсаран оҥоһулунна. Саамай элбэх эбийиэккэ бэдэрээтчитинэн «Основа» ХЭТ үлэлээтэ. Онон бүгүҥҥү нүөмэрбитигэр бу тэрилтэ эдэр салайааччыта Юрий Поповы...
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...