20.04.2023 | 09:00

Суол хапытаалынай өрөмүөнэ: Үлэ хаамыыта

Суол хапытаалынай өрөмүөнэ: Үлэ хаамыыта
Ааптар: Киин Куорат
Бөлөххө киир

Муус устар 18 күнүгэр Ленин проспегын тутууга эппиэттээх «Главстрой» МКУ сонуну киэҥник көрдөрөр-иһитиннэрэр тиһиктэргэ Ленин проспегын хапытаалынай өрөмүөнүн хаамыытын туһунан иһитиннэрдэ.

«Главстрой» Муниципальнай хааһына тэрилтэтин суол тутуутугар салаатын сүрүн исписэлииһэ Денис Стецюк иһитиннэрбитинэн, бу күннэргэ үлэ Строд уулуссатыттан Дежнев уулуссатыгар диэри кэрчиккэ бара турар. Бу учаастакка котлован угуллубутун эрэ кэннэ суол таҥаһа тэлгэнэр. Билиҥҥинэн үлэ графиктан урутаан баран иһэр эбит. Онтон кэлэр учаастак – Ленин проспегын уонна Дежнев уулуссатын быһа охсуһуулара. Манна уу сүүрэр уонна гаас турбалара ууруллаллар. Маны сэргэ Дежнев уулуссатыттан Краснояров уулуссатыгар диэри эмиэ котлован ууруллубутун кэннэ биирдэ суол таҥаһа тэлгэнэр. Бу үлэлэр ыам ыйын 31 күнүгэр диэри былааннаммыттар. Ол бүттэҕинэ суол кытыытын оҥоруу, лаампалары туруоруу, тупсарыы үлэтин ыытыы саҕаланар.

Онон Ленин проспегын хапытаалынай өрөмүөнүн сүрүн үлэтэ, ол иһигэр Дзержинскэй уулуссатыттан Хабаров уулуссатыгар диэри кэрчиккэ үлэ аны күһүн алтынньы ыйга диэри түмүктэниэхтээх дииллэр.

«Бэлиэтээн эттэххэ, былырыыҥҥыттан ыытыллар Дзержинскэй уулуссатыттан Кулаковскай уулуссатыгар диэри кэрчик ситэ оҥоһулла илик. Былаан быһыытынан салгыы тупсарыы үлэтэ ыытыллыаҕа, оптуобус тохтобуллара туруохтара, массыына туруорар бэлиэлэр оҥоһуллуохтара. Маны таһынан тыыннаах күрүө оруолун толорор мастар олордуллуохтара. Тротуар үлэтэ ситиэхтээх. Ленин  проспегын хапытаалынай өрөмүөнүн бастакы түһүмэҕин суолу барытын саппакка эрэ түмүктүүр кыахтаахпыт», - диир Денис Стецюк.

Оттон Ленин проспегынан Краснояров уулуссатыттан Хабаров уулуссатыгар диэри сырыы 2023 сыл алтынньы ыйыгар диэри аһыллыаҕа.

Бэлиэтээн эттэххэ, «Куттала суох уонна хаачыстыбалаах суоллар» национальнай бырайыагынан 2023 сылга өрөмүөннэнэр суоллар испииһэктэрэ чопчуламмыта.

Ол курдук, «Куттала суох уонна хаачыстыбалаах суоллар» национальнай бырайыагынан Дьокуускай куоракка быйыл уопсайа 22 км 626 м усталаах 17 суолга өрөмүөн ыытыллар.

Хаһыаппыт ааспыт нүөмэригэр суруйбуппут курдук, олортон 2023 сылга 10 объект оҥоһуллан бүтэр, 7 объект эһиил салгыы оҥоһуллар.

Ол курдук, Ленин проспегын Хабаров уулуссатыттан Краснояров уулуссатыгар диэри кэрчигэр хапытаалынай өрөмүөн түмүктэнэр. Проспект Крупская аатынан уулуссаны кытта быһа охсуһар учаастага уустугунан, үлэ муус устар ортотугар былааннаммыт. Манна ириэрииттэн харыстыыр араҥа ууруллуохтаах.

Поярков уулуссатын Дзержинскэйтэн Октябрьскай уулуссатыгар диэри кэрчигин өрөмүөнэ эмиэ түмүктэнэр.

Хапытаалынай өрөмүөн Бабушкин уулуссатын Сэбиэскэй Аармыйа 50 сыла уулуссаттан Очиченко уулуссатыгар диэри кэрчигэр, Бүлүүлүүр суол Лермонтов уулуссатыттан Объездной шоссеҕа (1-кы пусковой комплекс) диэри кэрчигэр, Челюскин уулуссатын Сэбиэскэй Аармыйа 50 сыла уулуссаттын Беринг уулуссатыгар диэри учаастагар, Кузьмин (1 учаастак) уонна Островскай уулуссаларыгар, Севернай кыбаарталга уонна Табаҕа бөһүөлэгэр Центральнай уулуссаҕа ыытыллар.

2023 сылга маны сэргэ Винокуров уулуссата Ильменскэйтэн Чайковскайга диэри учаастага уларытан оҥоһуллар.

Быйыл бүппэт, кэлэр сылга көһөр 7 объект:

– Можайскай уулуссатын Пилоттар уулуссаларыттан Строд уулуссатыгар диэри учаастагын уларыта тутуу;

– Табаҕа бөһүөлэгэр Строительная уулуссаҕа хапытаалынай өрөмүөн;

– Табаҕа бөһүөлэгэр  Комсомольская уулуссаҕа хапытаалынай өрөмүөн;

– Крафт аатынан уулусса Кульбертинов уулуссатыттан Эргэ Покровскай тракка диэри кэрчигин хапытаалынай өрөмүөнэ;

– Птицефабрика оройуонугар киирэр суоллар, Хомустахская уулуссаҕа элбэх оҕолоохтор кыбаарталлара;

– Тулагы бөһүөлэгин Первомайская, Совхозная, Строительная уулуссаларын өрөмүөнэ;

– Сыырдаах бөһүөлэгин Кымньыылаах уулуссата.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Истиҥник санаан
Дьон | 05.07.2024 | 20:38
Истиҥник санаан
(Учууталбар Раиса Реасовна Кулаковскаяҕа ананар)
Светлана Дьяконова: «Саҥаттан ыал буолан эрэр курдукпут...»
Дьон | 04.07.2024 | 16:00
Светлана Дьяконова: «Саҥаттан ыал буолан эрэр курдукпут...»
Быйылгы халаан Хатырык нэһилиэнньэлээх пуунун олох үөйбэтэх өттүттэн ылан, олохтоохтору ууга-уокка түһэрбитин ааһан, уйулҕаларыгар да охсуу ыллылар, күн бүгүн ол содулун туоратыыга күүскэ үлэлииллэр, кэлэн ааспыт иэдээни оһоруналлар.   Светлана Васильевна Дьяконова, Хатырык олохтооҕо, биэнсийэлээх, култуура эйгэтигэр 35 сыл үлэлээн, “Култуура туйгуна” бэлиэлээх үлэ бэтэрээнэ, бүгүн ааҕааччыларга халаан иэдээнин туһунан кэпсиир:...
Туймаада ыһыаҕын туһунан дьон санаата
Сонуннар | 04.07.2024 | 14:00
Туймаада ыһыаҕын туһунан дьон санаата
Туймаада ыһыаҕа ыһыллар Үс Хатыҥ сирэ-уота куорат кииниттэн төһө да ыраах турдар, норуот уустук айаны, араас мэһэйдэри аахсыбакка, бииргэ мустар үөрүүтүн билээри, алгыс баһын сыалаары, кэлэр сылга күүс эбинээри, быйыл номнуо үйэ чиэппэриттэн ордук саараабакка дьулуһар. Быйылгы ыһыах тэрээһинин туһунан норуот санаатын билсээри, ыйынньыктарынан сирдэтэн, түһүлгэлэринэн хаамтыбыт.   Бастатан туран, оптуобус....