02.02.2023 | 18:00

Судаарыстыбаттан босхо дьиэ

(Дьиэни социальнай наймылаһыы диэн тугуй?)
Судаарыстыбаттан босхо дьиэ
Ааптар: Розалия Томская
Бөлөххө киир

Судаарыстыбаттан босхо дьиэ көрүллэр биир ньымата –социальнай наймылаһыы.
Биллэн турар, уочарата уонунан сылларга тардыллыан сөп, ол эрээри чахчы дьиэлэнэр дьон бааллар. Судаарыстыбаттан босхо дьиэ ыларга дьиэҕэ-уокка наадыйаргытын, кыаммат ыал буоларгытын дакаастыахтааххыт. Социальнай наймылаһыы бу дьиэнэн туһанарга, дуогабарынан олорорго быраап биэрэр, ол эрэн атыылаабаккыт, нэһилиэстибэнэн биэрбэккит.

Дьиэни наймылаһыы диэн тугуй?

Социальнай наймылаһыы юридическэй быһаарыыта РФ Олох-дьаһах кодексатын 60 ыст. баар – кыбартыыранан болдьоҕо суох туһанаҕыт, дьиэ судаарыстыба эбэтэр муниципалитет пуондатыттан бэриллэр.

Ол эрээри аныгы үйэҕэ судаарыстыба бас билэр дьиэтэ быстар аҕыйах, суоҕун да кэриэтэ, ол иһин уочарата уһун. Дьокуускай куоракка бу хайысханы Дьиэ-уот сыһыаннаһыыларыгар департамент сүрүннүүр.

 

Дьиэ-уот сыһыаннаһыыларыгар департамент  аадырыһа:

677000, Дьокуускай к.,  Дзержинскэй уул.,21

 

Үлэ графига:
Бэнидиэнньик – бээтинсэ
8.30 - 17.30 чч.
Эбиэт: 13:00 — 14:00 чч.
Өрөбүл: субуота, баскыһыанньа

Судаарыстыбаттан босхо дьиэ ыларга туох ирдэнэрий?

– Дьиэ-уот усулуобуйатын тупсарыыга чахчы наадыйаргытын (ЕГРН), кыаммат ыал буоларгытын (Социальнай харалта уорганнара) дакаастыахтааххыт;

–  Сайаапканы биэрээччи учуокка туран баран, кыбартыыратын уочарата кэлэрин кэтэһиэхтээх (олох аҕыйах түгэҥҥэ быһалыы ылыахха сөп – ол эмиэ сиһилии үөһээ ыйыллыбыт сокуоҥҥа суруллар);

–  Социальнай дуогабары түһэрсибит кэннэ кыбартыыраны бас билэн туһаныы, олоруу эрэ көҥүллэнэр;

–  Социальнай наймылаһыынан ылыллыбыт дьиэҕэ атын дьону уһаабыта 6 ыйга пропискалыыр көҥүллэнэр;

–  Квартплата, ОДьКХ өҥөтө барыта төлөнүөхтээх. Нолуок уонна хапытаалынай өрөмүөн усунуоһа төлөммөт.

 

Социальнай наймылаһыы дуогабарынан бэриллибит кыбартыыра бас билии буолбат, болдьоҕо суох уһуннук туһаныахха сөп. Ол эрэн хаһан баҕарар бу дьиэни приватизациялыыр кыах баар. Приватизациялаат, баай-дуол нолуогун төлөөн бараҕыт, онтон дьиэни атыылыахха, бэлэхтиэххэ сөп буолар.

Социальнай дьиэҕэ тиксии уонунан сылларга субуллар уһун уочараттаах. Тоҕо диэтэххэ муниципалитет дьиэни атыылаһан ылар кыаҕа кыра. Оттон баар пуонда дьиэлэрэ босхолоноллоро ахсааннаах – наймылаһан олорбут киһи олохтон туораатаҕына, иэһэ элбээн холдьоҕулуннаҕына уонна да атын кэккэ биричиинэлэр баар буолаллар.

 

Уочаракка хайдах турабыт?

Босхо дьиэ уочаратыгар туруу быраабылата дойду үрдүнэн барытыгар биир:

–  2005 сыл кулун тутарын 1 күнүгэр диэри дьиэ-уот усулуобуйатын тупсарыы уочаратыгар турбуттар олорор сиргэ наадыйалларын дакаастыыллара наадата суох буолар;

–  Учуокка саҥа турааччылар социальнай наймылаһыынан уонна да  атын бас билэр кыбартыыралара суоҕун эбэтэр олорор дьиэлэрэ кыараҕаһын дакаастыыллар;

–  Кыаммат ыал статуһа социальнай харысхал уорганнарынан бигэргэнэр (босуобуйалары, чэпчэтиилэри анатар курдук бэрээдэгинэн).

 

Уочаракка турарга бастайааннай пропискалаах сиргитигэр сайаапка биэрэҕит. Норматив сир аайы араас.

Кыаммат, дьиэҕэ-уокка наадыйар ыал статуһун бигэргэтэргэ олох таһымын алын кээмэйиттэн кыра дохуоту таһынан, бу дьоҥҥо баар дьиэ уонна массыына сыаната учуоттанар (ол суума дьиэ-уот 1 кв.м. орто сыанатын 10-ҥа төгүллээбиттээҕэр кыра буолуохтаах).

Сайаапка биэрээччи уонна кини дьиэ кэргэнэ ирдэбиллэргэ сөп түбэһэр буоллахтарына, уочаракка туруорар туһунан быһаарыы ылыллар. Уочараттан дьон бэйэтин баҕатынан эбэтэр кыаммат ыал буолан бүттэҕинэ тахсар.

 

Уочараттара кэлбит дьоҥҥо кыбартыыра бэриллэр:

–  Дьиэ кэргэн састааба кыбартыыра ылар кэмҥэ хайдаҕа булгуччу учуоттанар (кэргэнниилэр, бииргэ олорор оҕолоро уонна да атын иитиллэр дьон);

–  Регион аайы кыбартыыра иэнин нуормата тус-туһунан, Саха сиригэр биир киһиэхэ – 18 кв.м.

–  Дьиэ бэриллэр кэмигэр бу киһи эбэтэр дьиэ кэргэн дьиэҕэ-уокка чахчы наадыйара, ыал кыаммат араҥаҕа киирсэрэ учуоттанар;

–  Кыбартыыраҕа киирэргэ социальнай наймылаһыы дуогабара түһэрсиллэр.

Бэриллэр кыбартыыра нуорматтан улахан буоллаҕына, эбии төлөбүр ирдэммэт. Сорох түгэннэргэ (холобур, дьиэ кэргэҥҥэ инбэлиит, сытар ыарыһах баар буоллаҕына) эбии хос көрүллүөн сөп. Дуогабар түһэрсэн баран бастайааннай прописка оҥорторуохха сөп.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...