Судаарыстыбаннас күнүгэр үс игирэ дьиэлэригэр таҕыстылар
![Судаарыстыбаннас күнүгэр үс игирэ дьиэлэригэр таҕыстылар](https://kiinkuorat.ru/wp-content/uploads/2022/09/SXPQdV3owj.jpg)
Анна уонна Денис – Үөһээ Бүлүү улууһун олохтоохторо. Ыал ийэтэ атырдьах ыйын 24 күнүгэр үс игирэни – икки кыыһы, биир уолу төрөттө. Кырачааннар болдьохторун иннинэ күн сирин көрбүттэр, онон төрүүллэригэр ыйааһыннара киилэттэн эрэ ордук эбит.
«Ый иһигэр кырачааннар исписэлиистэр кэтэбиллэригэр сылдьан ыйааһыннара эбилиннэ, балыыһаттан тахсар кыахтаннылар», - диэн иһитиннэриигэ этиллэр.
Төрөппүттэр оҕолорун Денна, Аркадий уонна Эльмира диэн ааттаатылар. Денис Боескоров ХИФУ алтыс кууруһун устудьуона, Анна Петрова – олохтоох оскуола дириэктэрин солбуйааччы.
Санатар буоллахха, 2022 сыллаахха төрөөбүт оҕолор төрөппүттэрэ «Үйэ оҕолоро» целевой хапытаалы ылаллар. Саха АССР төрүттэммитэ сүүс сылынан кинилэргэ 100-түү тыһыынча солкуобай бэриллэр. Ити сириэстибэни дьиэни-уоту саҥардыыга, тырааныспары атыылаһыыга, оҕолору үөрэхтээһиҥҥэ, медицинаҕа, сынньалаҥҥа уо.д.а. сыалга тутталлар.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)