Суһал штаб бааннары уонна атыы-эргиэн кииннэрин бэрэбиэркэлээтэ
![Суһал штаб бааннары уонна атыы-эргиэн кииннэрин бэрэбиэркэлээтэ](https://kiinkuorat.ru/wp-content/uploads/2021/03/SHtab.jpg)
Дьокуускай куорат суһал штаба атыы-эргиэн, ас-үөл, сынньалаҥ, үөрэх, онтон да атын тэрилтэлэргэ санитарнай ирдэбил төһө тутуһулларын салгыы бэрэбиэркэлиир.
Кулун тутар 1-5 күннэригэр 13 атыы-эргиэн эбийиэгэр уонна офиска рейдэ ыытылынна. Онтон иккитигэр кэһии баара бэлиэтэннэ, 1 боротокуол толорулунна, 4 сэрэтэр кэпсэтии ыытылынна.
“Азиатскай-Тихоокеанскай баан” офиһыгар дезинфекция сурунаала суох, онон аакта оҥоһулунна. «Газпромбанк» (Аммосов уул.), «Открытие», «Сбербанк» уонна «Алмаасэргиэнбаан» (Ленин пр.) офистарыгар санитарнай ирдэбил тутуһуллар.
Маны сэргэ, суһал штаб атыы-эргиэн уонна сынньалаҥ тэрилтэлэригэр сырытта. «Туймаада», «Азия», «Вектор» кииннэрин, «Best» супермаркеты, «Подкова» баары, «Хижина» лаундж-руму көрдө-иһиттэ. Кэһии баара бэлиэтэммэтэ.
Сонуннар
Ордук ааҕаллар
![Мария Мигалкина: «Кэлии сиэмэлэринэн үлүһүйүмэҥ»](/thumbnails/600/300/wp-content/uploads/2024/07/zgV1bKwtkp.jpg)
![Изабелла Попова: Сүрэхпэр сөҥөрбүт дьүөгэлэрим](/thumbnails/600/300/wp-content/uploads/2024/07/08bzwt1DHL.jpg)
![Баһаар буруйдааҕын тыллыаҥ — наҕараада ылыаҥ](/thumbnails/600/300/wp-content/uploads/2024/07/FtpkFiKGrd.jpg)
![Саха сиригэр мелиорация үлэтэ саҕаламмыта 75 сылын туолла](/thumbnails/600/300/wp-content/uploads/2024/07/6LP5o124wA.jpg)