23.01.2023 | 23:51

Строительнай уокурук «Спортивнай» тутулларын күүтэр

Строительнай уокурук «Спортивнай» тутулларын күүтэр
Ааптар: Киин Куорат
Бөлөххө киир

Тохсунньу 21 күнүгэр баһылык Евгений Григорьев Строительнай уокурук олохтоохторун иннигэр отчуоттаата. 
2022 сылга Строительнай уокурукка 20, 23№№-дээх оскуолаларга хапытаалынай өрөмүөн, 182 №-дээх «Подснежник», 17 №-дээх  «Күнчээн», 86 №-дээх «Колокольчик» оҕо саадтарыгар өрөмүөн ыытыллыбыта. Быйыл бу хайысханан Улаатан эрэр оҕолор кииннэрэ уонна Өрөспүүбүлүкэтээҕи психолого-медико-социальнай киин өрөмүөннэниэхтэрэ, маны таһынан аһаҕас чэбдигирэр комплекс тутуллуоҕа. 
«Куттала суох суоллар» нацбырайыагынан Пирогов уулуссатыгар өрөмүөн ыытылынна, Поярков уулуссатын өрөмүөнэ саҕаланна. 2023 сылга итини сэргэ Дзержинскэй уулуссатын Ленин проспегыттан Кальвица уонна Рыдзинскай уулуссаларыгар диэри кэрчигэ оҥоһуллуоҕа.
«Лера» автоырыынак», «Свердлов», «2-ис дамба», «Жорницкай» сылаас тохтобуллар оҥоһулуннулар.
Өрөспүүбүлүкэтээҕи хаарбах дьиэттэн көһөрүү бырагырааматынан 152 киһи 61 кыбартыыраҕа көстө. С. Данилов, 2/1, 3, Халтурин, 67/1, Якутская, 31 уулуссаларга түөрт хаарбах дьиэ көтүрүлүннэ. Маннык муниципальнай бырагырааманан 16 гражданин 6 кыбартыыраҕа көстө, Рыдзинскай, 15, Якутская, 37/1 аадырыстарга икки дьиэ көтүрүлүннэ. Тутуу ыытыллыахтаах сирдэриттэн Свердлов, 3, 5, 7 аадырыстарга үс дьиэ көтүрүлүннэ. Быйыл өрөспүүбүлүкэ таһымнаах бырагырааманан 503 киһи 156 кыбартыыраҕа малааһынныыра күүтүллэр, муниципальнай бырагырааманан 143 киһи 50 кыбартыыра күлүүһүн тутуохтаах.
Ааспыт сылга итини сэргэ Жорницкай, 7/4, 7/5, 7/6, 7/6А, 7/9, 7/10, 7/11, 7/12, 7/18, 7/19, 7/20, 7/31, Рыдзинскай, 18/1, 18/3, 18/4, 18/6, 18/7, 18/8, 18/9, 18/10, 18/11, 18/12, Халтурин, 14/3 дьиэлэр тиэргэннэригэр тупсарыы үлэтэ түмүктэммитэ, 2023 сылга итинник үлэ Халтурин, 14, 4, Петр Алексеев, 12, 12/1, 10 аадырыстарга күүтүллэр.
Пионерская, 16, С. Данилов, 30/2, Дзержинскэй, 61 аадырыстарга оҕо оонньуур балаһааккалара өрөмүөннэммит, Чернышевскай, Набережнай уулуссаларыгар дьоҕус архитектурнай формалар турбуттар.
Космонавтар, Халтурин, 7, 11, 15, 15/1, 15/2 (олбуор иһигэр) уулусса лаампалара туруоруллубут.
Отчуот кэнниттэн олохтоохтор үгэс быһыытынан бэйэлэрин ыйытыыларын биэрдилэр. Толору хааччыллыыта суох дьиэлэр олохтоохторо итиинэн, уунан хааччыллыы кыһалҕаларын, инженернэй тиһиктэр эргэрбиттэрин этиннилэр, Салайар хампаанньалар, уопсастыбаннай тырааныспар үлэлэрэ мөлтөҕүн бэлиэтээтилэр. 16 №-дээх оскуолаҕа саҥа дьиэ тутуллара наадатын, 9 №-дээх оскуола хапытаалынай өрөмүөнү ирдиирин эттилэр. Уокурук биир олохтооҕо куоскаларга приют тэрийэргэ сир учаастагын көрдөөтө. 
Биллэн турар, «Спортивнай» дьоҕус оройуон тутуутун интэриэһиргээтилэр. 2022 сыл түмүгүнэн уокурук олохтоохторо киин куорат Олохтоох дьаһалтатын үлэтин үчүгэйинэн сыаналаатылар.

Сонуннар

Ордук ааҕаллар

Биир санаанан салайтаран
Дьон | 19.01.2023 | 13:00
Биир санаанан салайтаран
Норуот сомоҕолоһуута, биир санааланыыта – олохпут сарсыҥҥыга эрэллээх буолуутун олуга. Хаһыаппыт бүгүҥҥү нүөмэригэр Ытык Күөл бөһүөлэгэр түөлбэнэн үлэни салайар бастыҥ уопсастыбанньык, олоххо көхтөөх позициялаах Агафья Савватееваны кытта кэпсэтэбит.
Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
«Сатал» кыһалҕатын быһаарар былаан оҥоһулунна
Сытыы муннук | 20.01.2023 | 13:00
«Сатал» кыһалҕатын быһаарар былаан оҥоһулунна
«Киин куорат» хаһыат ааспыт нүөмэригэр «Сатал» түөлбэҕэ тахсыбыт саахал туһунан суруйан турабыт. Тохсунньу тоһуттар тымныыта саамай муҥутаан турар кэмигэр аны маннык быһылаан хатыламматын, дьон дьиэтэ, гарааһа хам тоҥмотун туһугар олохтоохтор сүрүннүүр бөлөх тэринэн, Ил Дархаҥҥа тиийэ сурук суруйдулар.   Дьокуускайга кытыы түөлбэлэри, тыа хаһаайыстыбатын, атыыны-эргиэни уонна урбааны сайыннарыыга куорат баһылыгын солбуйааччы...
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)