19.04.2023 | 15:15

Өссө биир саҥа оскуола сыбаайата түстэ

Муус устар 12 күнүгэр, Космонавтика күнүгэр, Дьокуускайга 29-с нүөмэрдээх (биирдиилээн биридимиэттэри дириҥэтэн үөрэтэр) орто оскуола саҥа дьиэтин бастакы сыбаайатын сиргэ түһэрии үөрүүлээх түгэнэ буолан ааста.
Өссө биир саҥа оскуола сыбаайата түстэ
Ааптар: Киин Куорат
Бөлөххө киир

Оскуолаҕа эбии тутуу быһыытынан олоххо киирэр эбийиэк 350 миэстэлээх, биир симиэнэнэн үлэлиирэ былааннанар. Үс этээстээх эбийиэк 8 тыһ. квадратнай миэтэрэ иэннээх. Бу дьиэ үрдүгэр оҕо балаһааккатын уонна спортивнай балаһаакканы, ону тэҥэ хаамыынан дьарыктанар анал зона оҥоруохтаахтар.

Оскуолаҕа эбии тутуу “Үөрэхтээһин” национальнай бырайыак чэрчитинэн тутуллар. Сакаасчыт “Главстрой” Муниципальнай хааһына тэрилтэтэ, тутааччы – “Оптима-Строй” Хааччахтаммыт эппиэтинэстээх тэрилтэ.

Дьокуускай куорат баһылыга Евгений Григорьев үөрүүлээх быһыыга-майгыга буолбут тэрээһиҥҥэ “Үөрэхтээһин” национальнай бырайыак өҥөтүнэн билигин киин куораппытыгар 6 оскуола тутулла турарын эттэ – бу тустаахтарга рекорд буоларын санатта.

“Өрөспүүбүлүкэбит баһылыга Айсен Николаев дойду үрдүнэн оскуола үөрэхтээһинин көрдөрүүтүнэн  уонна материальнай-тэхиньиичэскэй хааччыллыытынан 15 бастыҥ регион иһигэр киирэр соругу туруорар. Дьокуускайга саҥа оскуолалары уонна номнуо үлэлии турар оскуолаларга эбии тутуулары олоххо киллэрии – биһиги оҕолорбут сайдыыларыгар, ол аата инники көлүөнэбитигэр, кэскилбитигэр тирэх буолуу”, - диэтэ Евгений Григорьев.

Дьокуускай куорат Дууматын бэрэссэдээтэлэ Альберт Семенов киин куорат уонна өрөспүүбүлүкэ салалталара туох баар сатамньыларын уонна толкуйдарын ууран туран бииргэ үлэлииллэрин түмүгэр киин куораппытыгар социальнай суолталаах эбийиэктэри тутуу тэтимирбитин бэлиэтээтэ.

29-с оскуола кэлэктиибин аатыттан дириэктэр Марфа Яковлева тыл эттэ: “Биһиги оскуолабыт тутуута үс бэлиэ түгэни кытта сөп түбэспитин бэлиэтиир тоҕоостоох: бастатан туран, Космонавтика күнүгэр тутуубут бастакы сыбаайата түстэ, күргүөмнээх үлэ саҕаланна; иккиһинэн, Арассыыйаҕа биллэриллибит Учуутал уонна уһуйааччы сылыгар сөп түбэстэ; үсүһүнэн, үлэ Саха сиригэр Үлэ сылыгар саҕаланна”.

Педагогическай кэлэктииби уонна оскуола үөрэнээччилэрин Ил Түмэн Дьиэ кэргэн кэмитиэтин бэрэссэдээтэлэ Алена Атласова, Дьокуускай куорат Уопсастыбаннай палаататын чилиэнэ Олег Шемякин эҕэрдэлээтилэр.

Сонуннар

Ордук ааҕаллар

Полина Победа:  «Дьоллоох буолуҥ олоххутугар, түүлгүтүгэр»
Дьон | 29.02.2024 | 10:00
Полина Победа: «Дьоллоох буолуҥ олоххутугар, түүлгүтүгэр»
Бүгүҥҥү ыалдьыппын улаханнык билиһиннэрэр да наадата суох буолуо. Кинини, өрөспүүбүлүкэ сахалыы тыллаах олохтоохторо ПОЛИНА ПОБЕДА диэн ааттаах хоһоонньуту, социальнай ситим устун билбиттэрэ ыраатта. Полина Пантелеймоновна Находкина хомоҕой тыллаах хоһоонноро элбэх киһи кутун туталлар, махталын ылаллар. Кини ону таһынан имигэс үҥкүүһүт, шпагат түһэр, араас эрчиллиилэри холкутук оҥорор, төбөтүн оройугар турар –...
Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...