24.03.2023 | 16:52

«Спортивнай» микрооройуону тутар миэстэни таһаараары, нэһилиэнньэни көһөрүү саҕаланна

«Спортивнай» микрооройуону тутар миэстэни таһаараары, нэһилиэнньэни көһөрүү саҕаланна
Ааптар: Киин Куорат
Бөлөххө киир

Өрөспүүбүлүкэ бырабыыталыстыбата бу дьыл олунньу ыйыгар Дьокуускай куорат 17-с кыбаарталыгар киирэр 2а, 2б, 2г, 4а, 4б, 4в уонна 17 кыбаарталлары комплекснай сайыннарыы туһунан быһаарыыны ылыммыта.

Кулун тутар 23 күнүгэр буолан ааспыт Строительнай уокурук көхтөөх олохтоохторун кытта көрсүһүүгэ «Өрөспүүбүлүкэтээҕи ипотека агентствота» АУо чугастааҕы кэмҥэ көһөрүллүөхтээх бастакы 25 дьиэ испииһэгин иһитиннэрбитэ.

Испииһэккэ социальнай эбийиэктэр – 550-нии миэстэлээх икки оскуола, 240 миэстэлээх оҕо саада – уонна саҥа тутуллуохтаах элбэх кыбартыыралаах олорор дьиэлэр тутуллуохтаах миэстэлэригэр турар дьиэлэр киирсэллэр. 

Ол курдук, социальнай эбийиэктэр туруохтаах сирдэригэр киирсэр дьиэлэр:

•        Жорницкай уул., 23, 25, 27, 27/1;

•        Пионерскай уул., 10, 12, 12/1, 14, 16, 16/1, 18, 18/1, 20, 20/1, 22;

•        Якутская уул., 35/2;

•        Пионерскай уул., 8, 8/1, 8/2.

Элбэх кыбартыыралаах дьиэлэр миэстэлэригэр киирсэр аадырыстар:

•        Якутская уул., 61/1, 63, 63/1;

•        Пионерская уул., 38/1, 40, 40/1.

Социальнай эбийиэктэр тутуллуохтаах миэстэлэриттэн дьиэлэри көһөрүүнэн Дьокуускай куораттааҕы Олох-дьаһах сыһыаннаһыыларыгар департамент дьарыктанар; элбэх кыбартыыралаах олорор дьиэлэр тутуллар миэстэлэригэр сөп түбэһэр дьиэлэри көһөрүүнэн тутааччы бэйэтэ – Өрөспүүбүлүкэтээҕи ипотека агентствота (РИА).

«Спортивный» дьоҕус оройуоҥҥа маны сэргэ спорт комплексын тутуу былааннанар, онон тутуу балаһаакккатыгар турар дьиэлэр эмиэ быйыл көһөрүллүөхтэрэ. Бу эбийиэк тутааччытынан «Главстрой» МКУ буолар.
 

Лия ШАЙНУРОВА, «Өрөспүүбүлүкэтээҕи ипотека агентствота» АУо генеральнай дириэктэрин бастакы солбуйааччы:

– Ааттаммыт аадырыстар олохтоохторо төһө кыалларынан түргэнник докумуоннарын хомунуохтарын уонна көһөрүү хайа көрүҥүн талалларын быһаарыныахтарын наада: харчынан компенсация эбэтэр олорор дьиэ.

Биһиги «Звёзднай» саҥа дьоҕус оройуоҥҥа көһөргө ыҥырабыт. Бүгүҥҥү күҥҥэ тутуллан бүппүт, бэлэм дьиэлэр бааллар, эбии 10 элбэх кыбартыыралаах дьиэ тутуллуохтаах С секторга эмиэ үлэ күөстүү оргуйар. Бары кыбартыыралар «под ключ» оҥоһуллаллар, ол эбэтэр хаһаайын киирэр да олорбутунан барар гына.

Вадим СЕМЁНОВ, Дьокуускай куораттааҕы Дьиэ-уот сыһыаннаһыыларыгар департамент салайааччытын солбуйааччы:

–    Хас биирдии ыалы кытта тус-туһунан, баҕа санааларын учуоттаан үлэлиибит. Уокурук управатын, дьиэлэр ыстаарысталарын кытта быһааччы ситимнээхпит. Саамай сүрүнэ – олохтоохтор докумуоннарын хомуйууну тиэтэтиэхтэрин наада. Бастакы кыбаарталы тутуу төһөнөн эрдэ саҕаланар даҕаны, соччонон түргэнник атыттары тутуу саҕаланыаҕа. 

Бэлиэтээн эттэххэ, 2а, 2б, 2г, 4а, 4б, 4в, 17-с кыбаарталларга уопсайа 154 тутуу көһөрүллүөхтээх. Оттон бырайыак олоххо киллэриллэр муҥутуур болдьоҕо – 10 сыл, диэн иһитиннэрэр «Өрөспүүбүлүкэтээҕи ипотека агентствота» АУо пресс-сулууспата.

Сонуннар

Ордук ааҕаллар

Саллаат таҥарата — ийэтэ, кэргэнэ
Сонуннар | 08.03.2024 | 09:30
Саллаат таҥарата — ийэтэ, кэргэнэ
Наталья Андреевна Охлопкованы анал байыаннай дьайыыга сылдьар уолаттар олус убаастыыллар, ытыктыыллар, олох дьоруой курдук саныыллар диэни истэн баран, булан кэпсэтэргэ санаммытым уонна, чахчы да, дьоруойдар тыылга эмиэ бааллар эбит диэн санааҕа кэллим.
Хатаска саҥа спорт комплекса арылынна
Сонуннар | 13.03.2024 | 14:09
Хатаска саҥа спорт комплекса арылынна
Хатас урут даҕаны, билигин даҕаны чөл-чэгиэн дьонунан тутахсыйбатаҕа. Ол гынан баран ол туһугар усулуобуйа наадатын бары да өйдүүбүт. Иллэрээ күн, кулун тутар 12 күнүгэр, баҕа санаа туолара маннык эбит диэххэ диэри сабыс-саҥа “Дьулуур” спорт комплексын киэҥ уораҕайа аанын тэлэччи арыйда. Этиллибит кэмҥэ дьон устар сүүрүктүү хотоҕостуу субуллан, 400 миэстэлээх саала...
Норуот эмтиэкэтэ
Тускар туһан | 08.03.2024 | 12:00
Норуот эмтиэкэтэ
Аныгы үйэ буолан үгүспүт социальнай ситимнэри ааҕар, туттар, кэтиир-маныыр. Манна наадалаах, туһалаах сүбэлэр хото суруллаллар. Ону биһиги бүгүн ааҕааччыларбытыгар дьиҥнээхтии көмөлөспүт дьон суруйбуттарын, айылҕалаахтар да эппиттэрин көрөн бэчээттиэхпит. Ол эрээри, барытын туттан, туһанан испэккитигэр сүбэлиибит, бэйэҕит эккит-сииҥҥит тугу ирдиирин, быраас сүбэтин тутуһаргыт ордук.   Куртах бааһын (язва) оһордор ас туһунан Устудьуоннуу...
Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.