Спартакиадаҕа бастыҥнар кыттыахтара

Дьокуускай куоракка “Боотур” добровольческай этэрээт аатынан Ыччат спартакиадатыгар сүүмэрдээһин бастакы түһүмэҕэ ыытылынна.

Күрэхтэһиигэ Строительнай уокурук, Марха, Тулагы Киллэм, Хатас нэһилиэктэрин хамаандалара кытыннылар.

Манна кыттааччылар буулдьанан ытыыга, военизированнай эстафетаҕа, остуол оонньууларыгар, баскетболга уонна канааты тардыһыыга күөн күрэстэстилэр, илин-кэлин түһүстүлэр.

Күрэхтэһии түмүгүнэн бириистээх миэстэлэргэ тигистилэр:

1 миэстэ – Строительнай уокурук хамаандата;

2 миэстэ – Тулагы Киллэм нэһилиэгин хамаандата;

3 миэстэ – Хатас нэһилиэгин хамаандата.

Кыайбыт хамаанда “Боотур” добровольческай этэрээт аатынан өрөспүүбүлүкэтээҕи Ыччат спартакиадатыгар куорат уокуругун чиэһин көмүскүөҕэ. Күрэхтэһии ахсынньы 8-11 күннэригэр Дьокуускайга ыытыллыаҕа.