Социальнай биэнсийэ эбиллэр

Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ.

Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ.

Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай биэнсийэни ылар. Кинилэр кэккэлэригэр инбэлииттэр, төрөппүт көрүүтэ-истиитэ суох хаалбыт оҕолор, үлэлэрин ыстааһа тиийбэтэх дьон, Аҕа дойду Улуу сэриитин кыттыылаахтара киирэллэр.

Социальнай биэнсийэ байыаннай дьайыыга эчэйии ылан инбэлиит буолбуттарга уонна радиационнай эбэтэр тэхиньиичэскэй саахалга эмсэҕэлээбит гражданнарга бэриллэр. Туспа категорияларынан хааччыллар дьоҥҥо судаарыстыбаннай биэнсийэнэн хааччыйыы кээмэйэ эмиэ үрдээтэ.

Санатан эттэххэ, социальнай биэнсийэни индексациялааһын сылга биирдэ муус устар 1 күнүгэр эрэ ыытыллар.