11.07.2019 | 10:28

«Snow Voice» Арассыыйа эстрадатыгар

«Snow Voice» Арассыыйа эстрадатыгар
Ааптар: Киин Куорат

“Snow voice” (снежный голос – англ.) уолаттар бөлөхтөрө элбэх кыыс кутун туппут буолуохтаах.

Омук артыыстарын курдук, тэбис-тэҥҥэ хамсанан ыллыыллара ордук кэрэхсибиллээхтик көстөр. “Snow voice” аан бастаан «Саҥа ырыа» куонкуруска иһиллибитэ. Онно уолаттар “Сыл арыйыыта” анал аакка тиксибиттэрэ. Билигин номнуо улаатаннар, ситиһиилээх дьон буолбуттар. Уолаттар аҕыйах хонуктааҕыта «Ангел земной» диэн саҥа  ырыаларын сүрэхтээтилэр. Ырыаны Apple Music, Boom, Яндекс Music бырагыраамалар нөҥүө хачайдыахха сөп. Бу ырыа — бөлөх «Жара Music» лейблы кытта үлэлэһиитин бастакы дьоһун түмүгэ.

Ирина Нельсон уонна Москва

Уолаттар былырыын Москваҕа көспүттэрэ, онно айа-тута, ыллыы-туойа сылдьаллар. Ыам ыйыгар Ирина Нельсон «Давай танцуй» ырыатыгар килиипкэ уһуллубуттара ютуб-ханаалга тахсыбыта. Бу ырыа iTunes платформаттан хачайданар ырыалар ТОП-10 испииһэгэр киирэри ситистэ. Сотору килиип «Муз-ТВ» диэн Арассыыйа ханаалыгар сүрэхтэниэҕэ. ФОТО 2

«Snow Voice» уонна ВlackPink

Соҕуруу Корея биллэр BLackPink k-pop бөлөх ырыатыгар кавер уһулбуттара. Snow Voicе-тар ютуб-ханаалларыгар ый аайы саҥа видеолары уонна килииптэри уган, сүгүрүйээччилэрин үөрдэллэр. Манна устуудьуйаттан влогтары, челленджтэри, үҥкүүлэрин таһаараллар. Кэлиҥҥи кэмҥэ кавердара дьон биһирэбилин ылар буолла. Муус устар ыйга Соҕуруу Корея аатырбыт бөлөҕүн BLackPink «Kill This Love» диэн ырыаларын толордулар. Каверы (үтүктэн ыллааһын) биир чаас иһигэр 2,8 тыһ. киһи көрбүтэ. Бу түгэн уолаттары улахан ситиһиигэ кынаттаан турар.

«Snow Voice» уонна «Ангел земной»

Арассыыйа ырыаһыттарын кытта үлэлэһэр «Жара Music» лейблы кытта «Snow voice» бөлөх ыам ыйыттан үлэлээбитэ. Хампаанньа салайааччыларынан киэҥник биллэр артыыстар Эмин Агаларов уонна Бахтияр Алиев (рэпер Бахти) буолаллар. Кинилэр Джиганы, Rauf Faik, ЛСП, DJ SMASH, Влад Соколовскайы кытта үлэлииллэр. «Ангел земной» ырыаны уолаттар бастакыларын Дьокуускайга фан-көрсүһүүгэ ыллаабыттара. Манна «Санаам эйиэхэ» диэн киэҥник биллибит ырыаларын матыыбын туһаммыттар. Уолаттар билигин Арассыыйа таһымыгар тахсар тургутугу ааһа сылдьаллар. ФОТО 3

Талааннаах ыччаттарбытыгар Арассыыйа таһымыгар тахсарга ситиһиини баҕарабыт. Уопсайынан эттэххэ, «Snow Voice» бөлөҕү элбэх кэрэ аҥаар, ордук оскуола кыргыттара сэҥээрэн истэллэр. Бэйэбит ыччаттарбыт ситииһиилэринэн киэн туттабыт.

Сонуннар

Ордук ааҕаллар

Ыһыах оптуобустарын сырыылара
Сонуннар | 22.06.2022 | 19:00
Ыһыах оптуобустарын сырыылара
Автовокзалтан хоҥнор оптуобустар: Автовокзал — Цииркэ — Сельхозтехникум — Акварель —Кулаковскай аат. култуура дьиэтэ — Банковскай — Архыып — ЯКСМК — Якутская — Столичнай ырыынак — Кольцевой — Гараастар — Севастопольскай — Новопортовской — Гагарин скверэ — «Белое озеро» ырыынак — Полиция 3-с отдела — Пост ГАИ — Таһаҕас тиэйэр...
Ойуур кыыллара киһиэхэ тахсаллара элбээтэ
Сонуннар | 14.06.2022 | 11:44
Ойуур кыыллара киһиэхэ тахсаллара элбээтэ
Саһыллар, эһэлэр ас көрдөөн айан суолларыгар икки атахтаахха бэйэлэринэн тахсаллара үксээбитин айылҕа харыстабылын үлэһиттэрэ иһитиннэрэллэр. Киһи айылҕа кыылын уун утары көрсөр түгэнигэр тугу гыныахтааҕый?   СӨ Быыһыыр сулууспата иһитиннэрбитинэн, дьиикэй кыылы көрсүүгэ хас да быраабыланы тутуһуохтаахпыт. Ол курдук, бастатан туран балаһыанньаны, тирээн кэлбит түгэни сөпкө сыаналыахха наада. Ойуур кыыллара киһи элбэхтэ...
БКЭ-ни 100 баалга туттарбыт оҕо ахсаана эбилиннэ
Сонуннар | 15.06.2022 | 19:43
БКЭ-ни 100 баалга туттарбыт оҕо ахсаана эбилиннэ
Биир кэлим эксээмэни нуучча тылыгар 100 баалга суруйбут оҕолор ааттара билиннэ: - Красиков Виталий, Элдьикээн орто оскуолата, Уус Майа; - Василения Иван, 26 №-дээх оскуола, Мииринэй; - Жукова Екатерина, Политехническай лицей, Мииринэй; - Сулайманов Биймырза, 12 №-дээх оскуола, Мииринэй; - Новогодина Анжелика, 5 №-дээх оскуола, Дьокуускай; - Иванова Даяна, Өрөспүүбүлүкэтээҕи...