10.07.2021 | 20:30

Ситим быстыбат...

Ситим быстыбат...
Ааптар: Киин Куорат
Бөлөххө киир

Баҕар, сорохтор бу тиэмэни сөбүлүөхтэрэ суоҕа да буоллар, үйэлэр тухары олох уонна өлүү арахсыспат аргыстар. Хас биирдии киһи биирдэ эбит ол туһунан сэмээр толкуйдуур, кистэлэҥ быыһы сэгэтэн көрүөн, олох кэнниттэн туох күүтэрин билиэн баҕарар. Бу олохтон барбыт чугас дьоммут сүтэн-симэлийэн хаалбакка биһигини арчылыы, араҥаччылыы сылдьалларын саныахха да үчүгэй. Түүлбүтүгэр киирэн көстөн, кэпсэтэн ааһаллара күндү. Биир аймах кыыспыт аҕата балыыһаҕа киирэн эмискэ суох буолбута. Салгыы бэйэтин кэпсээниттэн суруйабын.
Татьяна: Биһиги суох кэммитигэр аҕам балыыһаҕа киирэн соһуччу суох буолбута. Кэлээппитин кытта балыыһаҕа пааспара наада диэн эппиттэрэ. Биһиги дьиэбитигэр тиийэн көрдүү сатаабыппыт да пааспара ханна да суох. Ханна сүппүтүн толкуйдуу сатаатым да төбөбөр туох да киирбэт. Айаннаан кэлэн сылайан, ытаан-соҥоон баран утуйан хаалбыппын. Арай утуйа сыттахпына аҕам түүлбэр киирдэ уонна пааспара дьаабылакалаах суумкаҕа баарын эттэ. Уһуктаат эмиэ толкуйга түстүм, тугу этэрий, дьаабылака ойуулаах суумка баарын өйдөөбөппүн. Инньэ гынан айманан, ыйыталаһан, ирдэһэн ол суумкабытын буллубут. Аҕам суох буолаатын кытта балыыһаттан муорга таһаарбыттар. Аймахтара балыыһаҕа аһылык аҕалалларыгар дьаабылака кэһиилэммиттэр. Онтун сиэхтээбэккэ суумкатыгар уктубут. Ол суумкатын муорга илдьэ тахсан ууран баран быһыыта умнан кэбиспиттэр. Пааспара онно сылдьыбыт эбит. Ол иһин аҕам барахсан миигин эрэйдээмээри түүлбэр киирэн этэ сатаабыт.

Сонуннар

Ордук ааҕаллар

Оҕуруо абылаҥар ылларбыт Роза Спиридонова
Дьон | 31.05.2024 | 14:00
Оҕуруо абылаҥар ылларбыт Роза Спиридонова
Роза Яковлевна Спиридонова Дьокуускай куорат 39 №-дээх «Ромашка» уһуйааныгар музыкальнай салайааччынан үлэлиир. Бүгүҥҥү сэһэргэһээччим, чахчы, талба талааннаах киһи. Кини оҕуруонан үлэлэрэ ханнык да көмүс оҥоһуктан хаалсыбаттар. Роза Яковлевна Ньурба Маалыкайыттан төрүттээх. Эбэтэ уонна ийэтэ суохтан баар оҥорор, кыраттан да элбэҕи айан таһаарар, эргэни саҥа тыынныыр сатабыллаах хаһаайкалар, көмүс тарбахтаах иистэнньэҥнэр...
Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...