«Саюри»-га гаас киирдэ
Ааспыт нэдиэлэҕэ Дьокуускайдааҕы «Саюри» тэпилииссэ комплексыгар федеральнай бүддьүөт суотугар 100 мөл. солк. сыаналаах гааһынан үлэлиир электростанция (ГПУ) үлэҕэ киирдэ.
Өрөспүүбүлүкэ былаастара бэлиэтииллэринэн, «Саюри» ХЭТ нэһилиэнньэ 25% сылы эргиччи сибиэһэй оҕуруот аһынан хааччыйар.
2 МВт кыамталаах саҥа установка хаһаайыстыба быыстала суох үлэлиирин хааччыйыыга, электричествонан туһаныыга ороскуотун намтатыыга туһулунар.
Федеральнай бүддьүөт үбэ Арассыыйа Илин өттүн сайыннарыыга министиэристибэ өрөспүүбүл8кэ тыатын хаһаайыстыбатын министиэристибэтигэр Уһук Илини уонна Арктиканы сайыннарыыга корпорация (КРДВ) үлэтин чэрчитинэн тыырыллыбыт.
Бырабыыталыстыба Бэрэссэдээтэлин солбуйааччы Сергей Местников бэлиэтээбитинэн, Ил Дархан Айсен Николаев көҕүлээһининэн эксперимент быһыытынан саҕаламмыт бырайыак бүгүн Дьокуускай куорат быстыспат сорҕото буола үүннэ.
«Саюри» ХЭТ салайааччыта Валерий Гарипов иһитиннэрбитинэн, бүгүҥҥү күҥҥэ агрокомплекс аныгы оборудованиенан хааччыллыылаах буолан, 3,3 гектар иэннээх сиртэн 2 400 туонна оҕурсуну, томаты уонна күөх култуураны оҥорон таһаарар, диэн иһитиннэрэр Ил Дархан уонна Бырабыыталыстыба пресс-сулууспата.
Хаартыскалар: Саргын Скрябин, СИА
Сонуннар
Ордук ааҕаллар
