Сайсары управата түүҥҥү чуумпурууну тутуһуннарыаҕа

Лермонтов уул., 152 олохтоохторо Управаларыгар тутааччылар киэһэ хойукка диэри үлэлээн түүҥҥү чуумпуну уйгуурдалларын туһунан үҥсүбүттэр. 
Туһааннаах дьиэ тиэргэнигэр оҕо балаһааккатын тутар «Альтернатива» бэдэрээттээх тэрилтэ маастара Матвей Максимов Владимир Слепцовка былырыын бу аадырыска балаһаакка турар сирин бэлэмнээбит буоллахтарына, быйыл дьоҕус архитектурнай формалары туруора сылдьалларын уонна киирбит үҥсүүнү кытта сөпсөһөллөрүн иһитиннэрбит:
-- Бетон хатарын күүтэн хойутуубут, уонна күнүскү өттүгэр балаһааккаҕа оҕо элбэх буолар. Олохтоохтор этиилэрин барытын ылынабыт, түүҥҥү чуумпурууну тутуһуохпут.
Владимир Слепцов мантан сиэттэрэн уокурук төрриториятыгар оҕо балаһааккаларын оҥоро сылдьар бэдэрээтчиттэри барыларын кытта киэһэ 21:00 чаас кэнниттэн тыаһыыр-ууһуур сатамматын быһаарыах буолла. Уокурукка быйыл уопсайа 10 тиэргэҥҥэ маннык хабааннаах үлэ бара турар.