24.11.2022 | 13:00

Сайсары уонна Киин уокурук саҥардыллыбыт тиэргэннэрэ

Сэтинньи 19 күнүгэр Лермонтов уул., 138/2, 138/3, 138/4 уонна 58/2 дьиэлэрин тиэргэннэрин өрөмүөн кэннэ хамыыһыйаҕа туттарыы буолан ааста.
Сайсары уонна Киин уокурук саҥардыллыбыт тиэргэннэрэ
Ааптар: Уокуруктааҕы дьаһалта пресс-сулууспата

Оробуочай бөлөҕү тырааныспар өҥөтүн тэрийии, сайыннарыы боппуруостарыгар куорат баһылыгын солбуйааччы Антон Алексеенко салайан илдьэ сырытта. Маны таһынан “Главстрой” МХТ салалтатыттан Василий Румянцев уонна бэдэрээтчиттэр кыттыыны ыллылар.

 «Манна оҕо балаһааккаларын тупсарыы, сырдатыы, суолтан киириилэри уонна тротуардары өрөмүөннээһин, кытаанах бөҕү харайыы сирин уларытыы ыытылынна. Итэҕэһи-быһаҕаһы барытын гарантияҕа олоҕуран, сакаасчыт “Главстрой” ХЭТ ирдэһиэҕэ. Үлэлээбит тэрилтэлэргэ махтанабыт уонна олохтоохтортон тиэргэннэригэр харыстабыллаах сыһыаны эрэйэбит”,  –  диэтэ Антон Алексеенко.

“Туох эмэ ситэриллибэтэҕи оҥорторорго олохтоохтор Управаларыгар этиэхтэрин наада. Оччоҕо биһиэхэ сурук кэлэр, онно олоҕуран биһиги гарантиянан итэҕэстэри туоратарга модьуйабыт. Оҕо балаһаакката, ыскаамыйалар, хачыаллар алдьанар түгэннэригэр, бэдэрээтчит 3 сыл устата эппиэттиир, араас кээһэниини туоратар эбээһинэстээх”, –  диэтэ Василий Румянцев.

Лермонтов уул., 138/3 дьиэтин ыстаарыһата Оксана Андреева:

– Биһиги “Уһук Илиҥҥэ 1000 тиэргэн” тупсарыы бырагырааматын куонкуруһугар кыайыылаах буолбуппутуттан наһаа үөрбүппүт. Бэдэрээтчити кытта дуогабар түһэрсибиппит. Барыта болдьоҕор оҥоһулунна. Аны бэйэбит харыстабыллаах буоларбыт эрэ наада. “Кристалл” салайар хампаанньабытыгар, Сайсары уокуругун управатыгар, Дьокуускай куорат дьаһалтатыгар махтанабыт.

Лермонтов уул., 58/2 олохтооҕо Ирина Позднякова, көҕүлээччи бөлөх бэрэссэдээтэлэ:

Тиэргэннэри тупсарар бырагыраама кыттыылаахтара буолбуппут быһыытынан, баҕа санааҕытын олоххо киллэрэртэн толлубат буолуҥ диэн сүбэлиэм этэ. Бэйэбит этиилэрбитин, көҕүлээһиннэрбитин салалтаҕа тиэрдэн иһиэххэ, маннык туһалаах бырагыраамаларга хапсар гына үлэлиэххэ. Биһиги тиэргэммит тупсубутуттан, барыта саҥардыллыбытыттан олус үөрэн турабыт. Кыра итэҕэс-быһаҕас кэмигэр туоратыллан истэ. Оҕо балаһаакката, аспаал, сырдатар лаампалар – чахчы элбэх үлэ барда. Кыттыгастаахтарга барыларыгар махтанабыт!

Сонуннар

Ордук ааҕаллар

Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...
Юрий Попов: «Барыта улахан үлэттэн тахсар»
Дьон | 25.11.2022 | 16:00
Юрий Попов: «Барыта улахан үлэттэн тахсар»
Дьокуускайга Тупсарыы үс сыла биллэриллэн, бу диэн эттэххэ, киин куоракка, чахчы, үтүмэн үлэ ыытылынна, ону олохтоохтор даҕаны бэйэҕит көрө-истэ сылдьаҕыт.  Быйыл сайын «Уһук Илиҥҥэ 1000 тиэргэн» федеральнай бырайыагынан Дьокуускай куоракка 75 тиэргэн тупсаран оҥоһулунна. Саамай элбэх эбийиэккэ бэдэрээтчитинэн «Основа» ХЭТ үлэлээтэ. Онон бүгүҥҥү нүөмэрбитигэр бу тэрилтэ эдэр салайааччыта Юрий Поповы...