10.04.2024 | 15:19

Сайсары күөл «Триумф» таһынааҕы кытылын «Азия оҕолоро» Оонньууларга диэри оҥоруохтара

Сайсары күөл «Триумф» таһынааҕы кытылын «Азия оҕолоро» Оонньууларга диэри оҥоруохтара
Ааптар: Киин Куорат
Бөлөххө киир

Бу күннэргэ Ил Дархан Айсен Николаев Дьокуускай куорат баһылыга Евгений Григорьевы уонна Өрөспүүбүлүкэ Баһылыгын иһинэн Архитектураҕа уонна куораты тутууга управление салайааччыта Любовь Папогу кытта көрсөн, аны сайыҥҥы «Азия оҕолоро» Оонньууларга диэри бэлэм буолуохтаах эбийиэктэр тула кэпсэттэ.

Евгений Григорьев Сайсары күөл кытылын тупсарыы хаамыытын туһунан иһитиннэрдэ. Тупсарыы үлэтэ дойду баһылыга Владимир Путин өйөбүлүн ылбыт маастар-былааны олоххо киллэрии чэрчитинэн ыытыллар.

Айсен Николаев ыытыллар үлэ былаанын сиһилии билсэн баран, «Азия оҕолоро» Оонньууларга диэри төһө иэннээх үлэ оҥоһуллуохтааҕын чопчулаата.

Ол курдук, Сайсары кытылын тупсарыы бырайыагар күөлү кыйа тротуар уонна бэлисипиэт зонатын оҥоруу киирсэллэр. Айсен Николаев куорат дьаһалтата Сайсары күөл кытыла Оонньууларга туттуллар биир сүрүн балаһаакка буолуохтаах «Триумф» аннынааҕы өттүн оҥорон бүтэрэргэ былаанын кытта сөпсөстө. «Оонньуулар быыстарыгар спортсменнар уонна ыалдьыттар Сайсары кытылыгар сынньаныахтарын баҕарабыт, онон «Триумф» таһынааҕы учаастагы тупсарыыны тутан бүтэрэри былаанныыбыт, – диэтэ Евгений Григорьев. Хаалбыт учаастак өрөмүөнэ «Азия оҕолорун» кэнниттэн ситэриллэр.

Роман Дмитриев аатынан кытыл өрөмүөнүн сүрүн үлэлэрин эмиэ «Азия оҕолорун» иннинэ түмүктүүр сорук турда, чуолаан, 202-с дьоҕус оройуоҥҥа баар куорат олохтоохторо сөтүөлүүр сирдэрэ үлэлиирин хааччыйар учаастакка. Оттон поликлиника иннинээҕи кэрчиги уонна тыы ыстаансыйатын сыл бүтүөр диэри оҥороллор.

Ленин проспегын өрөмүөнүн Ил Дархан тиэтэйбэккэ оҥорорго эттэ. Хантараак быһыытынан, үлэ алтынньы ыйга, эбэтэр Куорат күнүнэн балаҕан ыйыгар түмүктэниэхтээх.

«Ленин болуоссатыгар демонтаж үлэтэ түмүктэнэн, бөх барыта тиэйиллэн турар. Бүгүҥҥү күҥҥэ фонтан котлованын ууруу ыытыллар. Хантараак алтынньы 15 күнүнэн түмүктэниэхтээх. Халлаан сылаас кэмигэр үлэни түмүктүүр былаан баар», – диэтэ СӨ кылаабынай архитектора Любовь Папок.

Бэлиэтээн эттэххэ, бу икки бырайыак Дьокуускай куорат маастар-былаанын олоххо киллэрии чэрчитинэн Владимир Путин өйөбүлүнэн тыырыллыбыт 1.5 млрд солк. иэннээх анал хааһына кирэдьиитин суотугар тутуллар.

«Олорор дьиэ уонна куорат эйгэтэ» национальнай бырайыак «Куорат сиригэр нэһилиэнньэҕэ табыгастаах эйгэни тэрийии» федеральнай бырагырааматынан быйыл итини сэргэ Дьокуускай куоракка Федор Попов аатынан сквер оҥоһуллар. Ол туһунан Ил Дархан уонна Бырабыыталыстыба пресс-сулууспата иһитиннэрэр.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...