06.03.2020 | 08:41

Сайаҕас мичээр аргыстаах

Сайаҕас  мичээр аргыстаах
Ааптар: Киин Куорат

Тохсунньу ый тоһуттар тымныытыгар инбэлииттэри чөлүгэр түһэрии киинигэр эмтэнэ сылдьан 84 саастаах, Ньурбаттан төрүттээх, Дьокуускай куоракка олорор сиэстэрэ  идэлээх Анна Николаевна Балаевалыын билсистим.

Санныгар тайаммыт сааһырыытын киэр кыйдаан, таптал туһунан сылаас тыллардаах кэпсээнин үөрэ-көтө иһиттибит. Бэйэбит кыахпытынан кэнсиэр туруордубут. Онно намылхай, синньигэс, сааһырыныы билиммэтэх куолаһынан истиҥ ырыатын бэлэхтээтэ. СӨ доруобуйатын харыстабылын туйгуна, эмп сулууспатын бэтэрээнэ, Коммунистическай үлэ туйгуна Анна Николаевна оскуола кэнниттэн икки сыллаах  сиэстэрэ куурсун бүтэрэн, 54 сыл тохтоло суох үлэлээн, 72 сааһыгар үлэттэн тохтообут. 1953 сыллаахха сэттис кылааска үөрэнэ сырыттаҕына кулун тутар 5 күнүгэр дойдубут аҕа баһылыга И.В. Сталин өлбүтүгэр оскуола дириэктэрэ А.Н. Чусовской ыарахан сонуну иһитиннэрбитигэр, учууталлар, үөрэнээччилэр бары ытаспыппыт 67 сыл ааһа оҕуста диэн сонньуйа ахтар. Аҕа дойдуну көмүскүүр Улуу сэрии саҕаланыытыгар аҕыс саастаах эбит. Аҕатыгар Н.П. Дмитриевкэ бронь туттараннар, райкомҥа хаалан, аймалҕаннаах сылларга Кыайыы туһа диэн, өрөбүлэ суох дьаһалтаҕа үлэлээбит. Кэлин Красноярскай куоракка партийнай оскуолаҕа үөрэнэн, райсовет бэрэссэдээтэлигэр тиийэ үүммүт. Үлэни өрө туппут Николай Дмитриев үс төгүл Үрдүкү Сэбиэт дьокутаатынан быыбардаммыт. Сэрии кэннинээҕи сылларга холкуос бэрэссэдээтэлинэн, кыыл иитэр ферма дириэктэринэн үлэлии олорон бочуоттаах сынньалаҥҥа тахсыбыта үһү. Аҕам наһаа сымнаҕас, аһыныгас киһи этэ”, - диир кыыһа.

Уоттаах сэрии холоругун ортотугар сылдьыбыт ийэтин бииргэ төрөөбүт убайа, быраата тыыннаах эргиллэр дьолун билэннэр, үлэ үөһүгэр түһэн, олохторо уһаан, биирэ 99, иккиһэ 87 саастарыгар орто туруу дойду олоҕуттан арахсыбыттар. Кыайыы буолбутун уруйдуур үөрүүлээх миитин уонна Кыайыы ыһыаҕа 12-лээх оҕо өйүгэр умнуллубаттыы хатанан хаалбыт. “Оччотооҕу музыка алыптаах дорҕооно билигин да кулгаахпар  иһиллэр”, - диир Анна Балаева. Анна Николаевна суоппар идэлээх, урут суол-иис куһаҕаныгар хоту дойдуга тиийтэлээбит олоҕун аргыһынаан Р.В. Балаевтыын 58 сыл бииргэ аал уоту оттунан, иллээхтик олорбуттара эбитэ үһү. Горнай улууһугар олохсуйан олорор, СӨ доруобуйатын харыстабылын туйгуна, улуус бочуоттаах олохтооҕо, эмп сулууспатын бэтэрээнэ, биэлсэр идэлээх бииргэ төрөөбүт тапталлаах кыра балта М.Н. Кривошапкинаны иһирэх тылынан кэпсиирин сэргии иһиттим. “Үлэ Кыһыл Знамята” уордьаннаах, номоххо киирбит аҕатын сырдык сулус оҥостубут, үгүс кэпсээннээх ытык киһини биһирээтим, хайҕаатым.

                                                                                   Анна Козлова

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Окружной шоссеҕа саҥа светофордар
Сонуннар | 11.01.2022 | 14:00
Окружной шоссеҕа саҥа светофордар
Олохтоох дьаһалта тырааныспарга уонна суол инфраструктуратыгар Управлениетын информациятынан, Окружной шоссеҕа суолга куттал суох буолуутун хааччыйар сыаллаах икки светофор холбоммут. Кинилэр суол икки өттүнэн – Окружной шоссе быһа охсуһуутуттан уонна Космонавтар  уулуссаларыттан чугас тураллар. Бу туһунан Олохтоох дьаһалта пресс-сулууспата иһитиннэрдэ.  Светофордар суол икки өттүнэн барар тырааныспары тэҥҥэ тохтотор гына оҥоһуллубуттар. Оччоҕо...