09.05.2023 | 17:01

Сарсын тахсар күн иһин...

Сарсын тахсар күн иһин...
Ааптар: «Кустук» пресс-киин, Күүкэй, Сунтаар.
Бөлөххө киир

Аҕа дойду Улуу сэриитигэр Ийэ дойдутун көмүскээн норуот бүттүүнэ туруммута, үгүс буойун тыынын толук уурбута. Ол ынырык сэрииттэн эргиллибиттэртэн билигин бэрт аҕыйах бэтэрээн хаалла...

Быйыл Арассыыйаҕа Учуутал уонна уһуйааччы сылынан Күүкэй оскуолатын биир бастыҥ бастакы үөрэнээччитэ, учуутал, поэт, тылбаасчыт, буойун Василий Наумович Иванов күлүм гыммыт олоҕун сырдатар, кэриэстиир уонна үйэтитэр соруктаах, дириҥ ис хоһоонноох “Сарсын тахсар күн иһин” диэн тэрээһин ыытылынна. Маныаха бүтүн Күүкэй нэһилиэгэ, оскуолата өрө көтөҕүллэн туран кытыннылар. Тахсан испит талааннаах суруйааччы Василий Иванов чугас аймахтара кэлбиттэрэ тэрээһин суолтатын үрдэттэ.

Үөрүүлээх чааһы кырдьаҕас учуутал М.В. Николаева киирии тылынан аста, нэһилиэк баһылыга Ю.С. Прокопьев, дириэктэр Е.И. Алексеев мустубут дьону эҕэрдэлээтилэр. Бу кэнниттэн Василий Иванов сиэн балтылара СӨ култууратын туйгуна З.Г. Попова-Иванова уонна Н.Н. Большакова-Алексеева сценарийдарыгар олоҕуран, Күүкэй орто оскуолатын үөрэнээччилэрин күүһүнэн «Кэнэҕэс кэриэһим ааттаныа…» литературнай дьүһүйүү туруорулунна (салайааччы И.М. Герасимова). Вася Иванов кылгас олоҕун олус уйадытыылаахтык, сэрии уодаһыннаах тыынын итэҕэтиилээхтик көрдөрдүлэр. Манна бэлиэтээн этэр буоллахха, Вася Иванов Күүкэй алын сүһүөх оскуолатыгар үөрэнэр сылларын көрдөрүүгэ 4 кылаас үөрэнээччилэрэ кылааһынан, салайааччы М.А. Алексеева олус эппиэтинэстээхтик кытыннылар. Сүрүн оруолу – Вася Иванов оҕо эрдэҕинээҕитин Артем Колесов, устудьуон кэмнэрин Дьулус Сидоров, доҕоро Михаил Спиридоновы Дьулусхан Спиридонов, 7 кылаас уолаттара толороннор көрөөччү сэҥээриитин ыллылар.

Салгыы композицияны библиотекарь Н.П. Львова слайдаларынан чиҥэтэн биэрдэ.

Тахсан испит талааннаах поэт хоһооннорун хомуурунньугуттан ааҕыынан тэрээһин түмүктэннэ. Кэрэхсэбиллээҕэ диэн биир дойдулаахпыт артыыс, аймахтара Зоя Гаврильевна “Ийэбэр” диэн хоһоонун айымньылаах видеоааҕыытын истэн бэлэх курдук ылынныбыт.

Маны сэргэ Василий Наумович уруһуйдьутун бэлиэтээн, уруһуй күрэҕэ түмүктэннэ, бастыҥнар ааттаннылар. Киирбит үлэлэр альбомҥа тиһиллэн, музейга хараллыахтара.

Ыалдьыт С.М. Герасимова тэрээһиҥҥэ истиҥник махтанан туран бэйэтэ оҥорбут альбомнарын, Василий Наумович кинигэтин бэлэх уунна.

Инникитин да кэнчээри ыччат Василий Иванов сырдык аатын үйэтитиэ диэн эрэнэбит.     

Сонуннар

Ордук ааҕаллар

Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...
Рулет арааһын астыахха
Тускар туһан | 23.03.2024 | 10:00
Рулет арааһын астыахха
Бүгүн ааҕааччыларбытыгар астыырга чэпчэки уонна судургу, ол эрээри олус минньигэс уонна тотоойу сокуускалар ырысыаптарын бэчээттиибит. Бырааһынньыктааҕы сандалыгытын киэргэтиэхтэрэ, өрөбүллэргэ сонун бүлүүдэ буолуохтара.