Сардана Авксентьева бырааһынньыгынан эҕэрдэлиир
Ытык-мааны куорат олохтоохторо!
Дьокуускай куорат дьаһалтатын уонна тус бэйэм ааппыттан эһигини Арассыыйа судаарыстыбаннай былааҕын күнүнэн эҕэрдэлиибин!
Судаарыстыбаннай былаах – гиэрбэни уонна өрөгөй ырыатын кытта дьон иллээх-эйэлээх олоххо тардыһыытын көрдөрөр, модун санааны, албан ааттаах историяны, биир дойдулаахтарбыт кыайыыларын-хотууларын, хорсун быһыыларын көрдөрөр дойдубут сүрүн бэлиэтэ. Арассыыйа үс өҥнөөх былааҕа дойдубут улуу уруккутун, саҥа историятын, биһиги Аҕа дойдубут кэскилин кэрэһилиир.
Биһиги былаахпытынан, дойдубут историятынан, үтүө үгэстэринэн, өбүгэлэрбит мындыр өйдөрүнэн киэн туттабыт. Хас биирдиибит күннээҕи үлэтиттэн дьон-сэргэ уйгулаах олоҕо, куораппыт, өрөспүүбүлүкэбит саргылаах сайдыыта тутулуктаах. Арассыыйа регионнарынан, баай култууралаах, дириҥ итэҕэллээх норуоттарынан, кинилэр уопсай дьылҕаларынан күүстээх, бу барыта холбоһон улуу дойдубут үүнэрин-сайдарын, чэчириирин туругурдар.
Саха сирин киин куоратыгар саҥа социальнай эбийиэктэр уонна дьиэлэр, оскуолалар, оҕо уһуйааннара тутуллаллар, суоллар өрөмүөннэнэллэр, тупсарыы үлэтэ ыытыллар, пааркалар, сквердэр, чулуу дойдулаахтарбытыгар аналлаах пааматынньыктар оҥоһуллаллар.
Дьокуускай дьоһун-мааны олохтоохторо, эһиги сомоҕолоһуу уонна Ийэ дойдуга бэриниилээх буолуу үтүө үгэстэрин үйэтитэн, дойдубутунан киэн туттан, өссө үлэлиэххит, айыаххыт-тутуоххут, Арассыыйа сайдыытыгар кылааккытын киллэриэххит, уйгулаах олоҕу уһансыаххыт диэн эрэнэбин.
Бырааһынньыгынан, күндү доҕоттор! Эйэни, үтүөнү уонна саҥа саҕалааһыннаргытыгар ситиһиилэри баҕарабын.
Дьокуускай куорат баһылыга Сардана Авксентьева
Сонуннар
Ордук ааҕаллар
