01.09.2020 | 04:26

Сардана Авксентьева Билии күнүнэн эҕэрдэлиир

Сардана Авксентьева Билии күнүнэн эҕэрдэлиир
Ааптар: Киин Куорат

Күндү учууталлар, төрөппүттэр, үөрэнээччилэр!

Дьокуускай куорат олохтоох дьаһалтатын уонна тус бэйэм ааппыттан эһигини Билии күнүнэн, саҥа үөрэх дьыла саҕаланаары турарынан эҕэрдэлиибин!

Балаҕан ыйын 1 күнэ – ордук маҥнайгы кылааска киирээччилэргэ ураты бырааһынньык. Быйыл киин куорат оскуолаларын боруогун 5 тыһыынчаттан тахса оҕо атыллыаҕа. Оҕолор учууталларын кытта билсиэхтэрэ, элбэх доҕордонуохтара, билиилэрин кэҥэтиэхтэрэ, үөрэхтэригэр ситиһиилэниэхтэрэ.

Саҥа үөрэх дьылыгар дьоһун хардыыны оскуоланы бүтэрээччилэр эмиэ оҥоруохтара. Ол курдук, сөбүлүүр идэлэрин талар бүтэһиктээх быһаарыныыны ылыныахтара, эксээмэннэригэр бэлэмнэниэхтэрэ уонна олох киэҥ аартыгар үктэниэхтэрэ.

Кэнники сылларга Дьокуускайга элбэх саҥа оскуола, оҕо уһуйаана тутуллар. Биһиги үөрэнээччилэрбит аныгы технологиялары баһылыыллар, уустук предметтэри үрдүк таһымҥа билэргэ дьулуһаллар, эбии үөрэхтээһин, култуура, спорт тэрилтэлэригэр дьоҕурдарын, талааннарын сайыннараллар. Ол дьоҕурдара инники олохторугар үрдүк көрдөрүүлэри ситиһэр акылаат буолуоҕа.

Киин куоракка 2019-2020 үөрэх дьылыгар 230 оҕо оскуоланы кыһыл көмүс мэтээлинэн бүтэрдэ, 14 үөрэнээччи БКЭ-ни 100 баалга туттарда, онтон иккитэ үрдүк көрдөрүүнү иккитэ ылары ситистэ. Биһиги кинилэр ситиһиилэринэн киэн туттабыт!

Күндү доҕоттор! Коронавирус дьаҥа билигин да намырыы илик. Онон үүнэр үөрэх дьыла уустук усулуобуйаҕа уонна саҥа быраабылалардаах саҕаланаары турар. Учууталлар, төрөппүттэр дьүккүөрдэринэн, үөрэнээччилэр дьаныардарынан, кыһамньыларынан ыарахаттары туоруохпут диэн эрэнэбин.

Ытыктабыллаах куорат олохтоохторо, оскуола оҕолоро!

Балаҕан ыйын 1 күнэ – хас биирдии киһиэхэ чугас бырааһынньык. Бу күнтэн билии алыптаах дойдутугар умсулҕаннаах айан саҕаланар.

Дьиэ кэргэҥҥитигэр кытаанах доруобуйаны, этэҥҥэ буолууну баҕарабын. Үүммүт үөрэх дьыла барыгытыгар кэрэхсэбиллээх, үтүө түмүктээх буоллун,  хас биирдии саҕалааһыҥҥа үөрүүнү уонна ситиһиилэри эрэ аҕаллын! 

Бырааһынньыгынан! Билии күнүнэн!

Куорат баһылыга Сардана Авксентьева

Сонуннар

Ордук ааҕаллар

«Sakhalifting» тардынааччылара сөхтөрөллөр
Спорт | 14.01.2022 | 20:42
«Sakhalifting» тардынааччылара сөхтөрөллөр
Ханна да тиийдэххэ, физкультуранан уонна спордунан утумнаахтык дьарыктанааччылар бааллар.  Хамсык ыарыы өрө турбут кэмигэр дьарыктанааччылар ахсааннара эбиллэ турара үөрдэр. Онлайн ситимин нөҥүө көхтөөхтүк дьарыктыыллар. Балтараа сыллааҕыта тэриллибит “Финанс” РИК гендириэктэрэ Дмитрий Захаров салайааччылаах “Sakhalifting”-турникка тардыныы бассаап-бөлөх ааспыт сылы дьоһуннук түмүктээтэ. Кэккэлэрэ да хаҥаан иһэр, көрдөрүүлэр да тупсаллар. 13 саастаах оҕотуттан...
«Инникигэ хардыы» конференцияҕа Дьокуускайтан 263 үөрэнээччи кыттар
Сонуннар | 11.01.2022 | 12:00
«Инникигэ хардыы» конференцияҕа Дьокуускайтан 263 үөрэнээччи кыттар
Тохсунньу 8 күнүгэр «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция үөрүүлээхтик арылынна. Манна 34 оройуонтан 1 700 тахса үөрэнээччи бэйэлэрин научнай-чинчийэр  үлэлэрин түмүгүн билиһиннэрэллэр.  «Шаг в будущее» – «Инникигэ хардыы» XXVI өрөспүүбүлүкэтээҕи научнай конференция куораттааҕы түһүмэҕэр 2021 сыл сэтинньи 10 күнүттэн ахсынньы 16 күнүгэр диэри дистанционнай форматынан...
Дьокуускай салалтата крематорий тутуутун көҥүллээтэ
Сонуннар | 11.01.2022 | 16:00
Дьокуускай салалтата крематорий тутуутун көҥүллээтэ
Олохтоох дьаһалта «Быдан Эргиир» ХЭТ киин куоракка колумбарийдаах крематорий тутарыгар көҥүлү биэрдэ. Ити туһунан куорат баһылыгын нэдиэлэтээҕи планеркатыгар этиллиннэ диэн иһитиннэрдэ  Олохтоох дьаһалта пресс-сулууспата.  Куораты тутууга уонна тырааныспар инфраструктуратыгар Департамент информациятынан, 2021 сыл кулун тутар ыйыгар «Национальная мемориальная компания» ХЭТ диэн Арассыыйа территориятыгар кремациялыыр комплекстары тутуу операторыттан коммерческай этии киирбит....
Люба Готовцева:  «Киһи биир сиргэ тэпсэҥнии туруо суохтаах»
Дьон | 14.01.2022 | 20:54
Люба Готовцева: «Киһи биир сиргэ тэпсэҥнии туруо суохтаах»
Киһи олорорун тухары төһөлөөх элбэх киһини кытта билсэрэ, алтыһан ааһара буолуой?! Оттон суруналыыс буоллаххына, өссө элбэх киһини кытта көрсөҕүн, кэпсэтэҕин. Олоххор алтыспыт дьоҥҥун аны туран барыларын кытта сибээс туппаккын, ол эрэн искэр киллэрэн, олус үчүгэйдик саныы сылдьаҕын. Мин Любалыын, таптаан ааттыырбынан Любушкалыын, 2000 сыллар саҥаларыгар билсибитим. Онтон ыла хайдах эрэ...