01.10.2021 | 19:32

Сахастат биэрэписчиктэргэ наадыйар

Сахастат биэрэписчиктэргэ наадыйар
Ааптар: Киин Куорат

Сахастат алтынньы 15 күнүттэн сэтинньи 14 күнүгэр диэри ыытыллыахтаах Бүтүн Арассыыйатааҕы нэһилиэнньэ биэриэпиһин сүрүн түһүмэҕэр быстах кэмҥэ биэрэпис персоналын үлэҕэ ылар. 
Кандидаттарга ирдэбиллэр: Арассыыйа гражданствота, саастара – 18 саастан үөһээ,  сууттамматах дьон, үөрэҕи ситиһиилээхтик ааһыы. 
Биэрэпис персоналыгар ирдэбиллэр: толоругас, дьиссипилиинэлээх, эппиэтинэстээх буолуу; инструкция ирдэбиллэрин булгуччу толоруу; планшеттарынан сатаан туттуу; үлэ күнүн сатаан аттаран тэрийии, кылгас болдьоххо элбэх хабааннаах үлэни толоруу;  дьону кытта сатаан алтыһыы, сайаҕас-эйэҕэс буолуу.
Биэрэпиһи ыытарга Саха сиригэр барыта 1,6 тыһ. биэрэписчик ирдэнэр. Билиҥҥи кэмҥэ биэрэписчиктэр «Дьокуускай куорат» куорат уокуругар уонна Алдан, Ленскэй, Мирнэй, Нам, Нерюнгри, Өлүөхүмэ, Сунтаар, Уус-Алдан, Хаҥалас, Чурапчы муниципальнай оройуоннарыгар наадалар.
Биэрэписчик – буолаары турар биэрэпис сүрүн үлэһитэ. Кинилэри үөрэтии кууруһа биэрэпис сүрүн түһүмэҕэ буолаары турдаҕына саҕаланар. Биэрэписчиктэри дьону кытта хайдах алтыһарга, ыйытыктары биэрэргэ, араас быһыыга-майгыга хайдах буоларга, ыйытыктарга хайдах сөпкө хоруйдуурга үөрэтэллэр. 
Хас биирдии биэрэписчиккэ биэрэпиһи ыытарга 550-ча киһи олорор учаастагын биэрэллэр. 
Итини сэргэ кинилэргэ дастабырыанньа, ыраахтан көстөр фирменнэй бэлиэлээх таҥас бэриллэр. Ирдэнэр буоллаҕына сүүскэ иилинэр банаары туттуохтарын сөп. Докумуоннары уонна планшеты итиннэ анаммыт бартыбыал-суумкаҕа уган илдьэ сылдьаллар. 
Тоҕо биэрэписчигинэн үлэлиир наадалааҕый? Ити сүдү уопут, дойдубут устуоруйатын сорҕото буолааһын. Хас биирдии биэрэпис – өйдөбүнньүк түгэн, хас биирдии биэрэпис ураты интириэһинэй, бу нэһилиэнньэ ахсаанын учуоттааһын эрэ буолбакка, араас дьону кытта алтыһыы, кэпсэтии. 
Бу ыйга саҕаланыахтаах Бүтүн Арассыыйатааҕы биэрэпис бастакы цифровой уонна бүтэһик үгэс быһыытынан ыытыллар тэрээһининэн ааттанна. Биэрэписчитттэр инники кэскили түстүүллэр, дойду устуоруйатын оҥороллор. 
Эһиги 18 сааскытын туолбут, планшеттары сатаан туттар, ноҕуруусканы тулуйар – биир ый иһигэр 550 киһиэхэ сылдьан суруйар кыахтаах уонна 18 тыһыынча хамнаска сөбүлэһэр буоллаххытына, биэрэписчик быһыытынан үлэлииргэ электроннай аадырыһынан sakha@gks.ru,   төлөпүөннэринэн 8(4112)42-45-17, 8(4112)34-16-23 эбэтэр хас биирдии муниципальнай оройуоҥҥа баар статистика салааларыгар сылдьан билсиҥ. 

САХАСТАТ
+7 (4112)42-4518
+7(4112)42-45-17
https://www.strana2020.ru/
https://vk.com/strana2020
https://ok.ru/strana2020/
https://www.facebook.com/strana2020
https://www.instagram.com/strana2020/
Youtube
Бүтүн Арассыыйатааҕы нэһилиэнньэ биэриэпиһин библиотеката:
https://disk.yandex.ru/d/79EKVqgukw9_DQ
Сахастат сообществолара:
https://sakha.gks.ru
https://sakha.gks.ru/folder/53472
http://stat.sakha.gks.ru/files/perep2020/index.html
https://www.instagram.com/sakhastat

Сонуннар

Ордук ааҕаллар

Ырыанан аата тилиннэ
Дьон | 05.05.2022 | 11:00
Ырыанан аата тилиннэ
Ааспыт үйэ 60-70 сыллара... Эдэркээн киһи бэйэтин хоһооҥҥо холонор... Тыа сирин муҥкук, сэмэй уола оччотооҕуга хантан билиэ, сэрэйиэ баарай, инники олоҕун оҥкулун...   Олох диэн дьикти. Өлбүт да кэннэ иккистээн тиллэр, олох олорор диэн баар буолар эбит. Кини орто дойду олоҕуттан арахсыбыта быданнаабытын кэннэ... ол хоһооннорун нөҥүө тилиннэ, бэйэтэ суруйан хаалларбытыныы,...
«Күөх Ньурба»: айылҕа эмтиир күүһүн туһанан
Дьон | 06.05.2022 | 15:00
«Күөх Ньурба»: айылҕа эмтиир күүһүн туһанан
Дьоҥҥо-сэргэҕэ үтүөнү оҥорор баҕа санааны олоххо киллэрэн, Ийэ айылҕабыт биэрэр сүдү күүһүн таба туһаныахха, онно эбии билиини-көрүүнү, сатабылы дьүөрэлээн, бизнес эйгэтигэр бэйэ суолун-ииһин булуохха сөп. Бүгүҥҥү дьоруойдарбыт тустарынан аҕыйах тылынан билиһиннэрдэххэ, итинник.      Дмитрий, Дайаана Саввиновтар 2013 сылтан дьиэ кэргэнинэн ыҥырыа иитиитинэн дьарыктаналлар. Бастаан ыал ийэтин дойдутугар – Сунтаарга үлэлээн саҕалаабыттар....
Бэртээхэй да идэ — бэтэринээр
Сонуннар | 04.05.2022 | 16:24
Бэртээхэй да идэ — бэтэринээр
Муус устар 30 күнүгэр Бэтэринээр күнэ буолан ааста.  Бу идэ биһиэхэ, сүөһүлээх-сылгылаах сахаларга, олус чугас. Биһиги Хатаспатыгар былыр-былыргыттан бэтэринээрдэр баар буоланнар, устуоруйаҕа киирбит аймалҕаннаах, элбэх сүтүктээх бруцеллез, сэллик курдук сыстыганнаах ыарыылар суох буолбуттара. Ама да ааспытын иһин, улахан хоромньуну таһаарбыт ыарыыны суох гынаары, саҥа атахха туран кэҥээн-тэнийэн эрэр хаһаайыстыбалары эһэн,...