04.10.2022 | 14:00

«Сахафильм» уус-уран салайааччыта Уһук Илиҥҥи федеральнай уокурукка киинэ хамыыһыйатын бэрэссэдээтэлинэн талылынна

Өрөспүүбүлүкэ Култуураҕа министиэристибэтин баһылыга Юрий Куприянов «Сахафильм» уус-уран салайааччыта Алексей Романов Уһук Илиҥҥи федеральнай уокурукка киинэ хамыыһыйатын салайар буолла диэн иһитиннэрдэ.
«Сахафильм» уус-уран салайааччыта Уһук Илиҥҥи федеральнай уокурукка киинэ хамыыһыйатын бэрэссэдээтэлинэн талылынна
Ааптар: Киин Куорат
Бөлөххө киир

Өрөспүүбүлүкэ Култуураҕа уонна духуобунай сайдыыга миниистирэ киинэ хамыыһыйатын бастакы мунньаҕар кытынна. Тэрээһиҥҥэ РФ Уһук Илини уонна Арктиканы сайыннарыы федерациятын миниистирин солбуйааччы Марат Шамьюнов, РФ Кинематографияҕа уонна цифровой сайдыыга департаменын дириэктэрэ Дмитрий Давиденко, Уһук Илиҥҥи федеральнай уокуруктар бэрэстэбиитэллэрэ кытыннылар.

«Уһук Илиҥҥи уонна Арассыыйа таһымнарыгар киинэ сайдыытыгар кылааппытын, уопуппутун учуоттаан киинэ хамыыһыйатын бэрэссэдээтэлинэн Алексей Семенович Романов талылынна. Үлэ барыллаан былаана чопчуланна, итини биһиги сэтинньи ыйга бигэргэтиэхтээхпит. «Сахафильм» киинэ хампаанньатыгар улахан эппиэтинэс сүктэрилиннэ. Кини регионнарга киинэ устар тэрилинэн хааччыйыыны сыаналыыр  биир кэлим операторынан буолуоҕа», - диэн бэлиэтээтэ Юрий Куприянов.

Алексей Семенович Романов – продюсер, киинэ режиссера, сценарист, «Сахафильм» киинэ хампаанньатын төрүттээччи,  уус-уран салайааччы.

«Биһиги Уһук Илиҥҥэ бүттүүнүгэр «Сахафильм» уопутун уонна кыаҕын туһаныы туһунан дьүүллэстибит. Саха сирин үлэни сүрүннүүр киин оҥорор былаан баар, ол туһугар техническэй базабытын саҥардыахпытын наада», — диэтэ Алексей Романов.

«Сахафильм» уус-уран салайааччыта эппитинэн, РФ Уһук Илини уонна Арктиканы сайыннарыы федерациятын министиэристибэтэ, өрөспүүбүлүкэ өйөбүлүнэн, көмөлөһөргө бэлэм.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.