22.02.2024 | 12:00

Саха сирин табаарын атыылыыр маркетплейс үлэлээтэ

«Сделано в Якутии» Өрөспүүбүлүкэ бырабыыталыстыбата үлэлэтэр бырайыагын чэрчитинэн олохтоох бородууксуйаны киэҥник тарҕатыыга Урбаан министиэристибэтин уонна “Мин бизнеһим” киин көҕүлээһиннэринэн СДЕЛАНОВЯКУТИИ.РФ интэриниэт-платформа үлэлээтэ.
Саха сирин табаарын атыылыыр маркетплейс үлэлээтэ
Ааптар: Розалия Томская
Бөлөххө киир

Бу маркетплейс ньыматынан үлэлиир балаһааккаттан аан дойду хайа баҕар муннугуттан Саха сирин бренд буолбут табаарын, таҥаһы-сабы, саха быһаҕын, симэхтэри, араас аһы-үөлү кытта сакаастаан ылыахха сөп. Платформаны айааччылар кэпсииллэринэн, p2p (peer-to-peer) диэн аныгы эргиэн бириинсибигэр олоҕуран, атыылаһааччы табаары атыыһыттан быһалыы ылар кыахтаах.

Бырайыак олохтоох оҥорон таһаарааччылар, урбаанньыттар бородууксуйаларын батарарын таһынан, бренд быһыытынан сайдалларыгар төһүү буоларга анаммыт – билигин уратыны, эриэккэһи, экзотиканы ордук сэҥээрэр кэмҥэ сахалыы табаар атыыга хамаҕатык барара саарбаҕа суох диэн тэрийээччилэр санаалара күүстээх.

Оҥорон таһаарааччы бу балаһааккаҕа, бренд рекламатыгар элбэх үбү бараабакка, атыытын таһаарар. Тус кабинетыгар сакаас киирэр, иһитиннэрии тута атыыһыкка тиийэр. Маны сэргэ тус кабинетыгар атыыһыт хаһан баҕарар эбии табаары угуон сөп, информациятын эбэр, көннөрөр кыахтаах, чэпчэтиилэри биллэрэр промокодтары таһаарыан сөп.

Маркетплейска билигин 60-ча араас бренд атыыланар, атыылааччы ахсаана эбиллэ турар. Оттон атыылаһааччы табаарын таларыгар чахчы Саха сирин урбаанньытыттан атыылаһарын билэр, дьиҥнээх сахалыы тыыннаах бородууксуйаны илиитигэр тутар. Табыгастаах буоллун диэн атыы-кутуу араас салааларга арахсар: “таҥас-сап”, “саха быһаҕа”, “атах таҥаһа”, “дьиэҕэ-уокка туттулар мал” о.д.а.

Маны таһынан, “Туризм” диэн салаа баар. Саха сиригэр тас дойдулартан кэлэр туристар интэриэстэрэ өрүү баарыгар олоҕуран, бу салаа олохтоох туристическай фирмалар, гостиницалар, музейдар о.д.а. тэрилтэлэр өҥөлөрүн угуйуктуурга, тарҕатарга төһүү буолуохтаах.

Маркетплейс саайтыгар Саха сиригэр официальнайдык регистрацияламмыт уонна өрөспүүбүлүкэбит иһигэр үлэлии олорор урбаанньыттар эрэ табаардарын угуохтарын сөп. Маныаха бу сигэнэн киирэҕит: https://сделановякутии.рф/help/seller/start/. Сайаапка хааллардаххытына, администратор көрө охсон, саайтка киирэр быраабы биэрэр.

“Мин бизнеһим” киин иһитиннэрбитинэн, Саха сиригэр оҥоһуллан тахсар табаардартан ордук аан дойдуга саха быһаҕа аатырар, сахалыы киэргэл-симэх атыыга үчүгэйдик барар, сэлии муоһуттан оҥоһугу хото ылаллар.

 

Бэлиэтээн эттэххэ, СДЕЛАНОВЯКУТИИ.РФ куйаар ситимигэр үлэлиир саайт “Дьоҕус уонна орто урбааны сайыннарыы” национальнай бырайыак өйөбүлүнэн тэрилиннэ.

Сонуннар

Ордук ааҕаллар

Саха сирин саамай эдэр хапытаана - Дүпсүнтэн сыдьааннаах!
Дьон | 04.04.2024 | 09:00
Саха сирин саамай эдэр хапытаана - Дүпсүнтэн сыдьааннаах!
Өрүскэ, муораҕа, акыйааҥҥа да буоллун, араас идэ барыта баар, ол эрээри саамай биллэр уонна ааттаах-суоллаах – биллэн турар, хапытаан. Кинилэр хорсун сырыыларын, бэйэлэригэр эрэллээхтэрин, ыраах айаннарын туһунан төһөлөөх элбэхтэ аахпыппыт, киинэҕэ көрбүппүт буолуой.
Тустууга уларыйыылары күүтэллэр
Дьон | 30.03.2024 | 12:00
Тустууга уларыйыылары күүтэллэр
Хаһыаппыт бүгүҥҥү ыалдьыта – ССРС көҥүл тустууга аан дойду кылаастаах бүтэһик спорт маастара, Улуу Коркин сүмэлээх сүбэтин истибит, Таилиҥҥа тиийэ тренердээбит Михаил Протопопов. Михаил  Егорович «Киин куорат» хаһыат ааҕааччыларын кытта уһуйуллубут тренердэрин, көбүөргэ умнуллубат киирсиилэрин туһунан, тустууну сайыннарыыга тус көрүүлэрин үллэстэр.   – Михаил Егорович, үтүө күнүнэн! ССРС саҕана тыа сирин...
«Эн эмиҥ аттыгар үүнэр...»
Дьон | 30.03.2024 | 10:00
«Эн эмиҥ аттыгар үүнэр...»
Светлана Ивановна Попова – Нам улууһун Хатырык нэһилиэгин олохтооҕо, түөрт оҕо иһирэх ийэтэ, элбэх сиэн эйэҕэс эбэтэ. Кини Максим Аммосов төрөппүт кыыһа Лена Аммосованы, эдьиийэ Наталья Кировна кыыһа Мария Охлопкованы кытта өр сыллаах истиҥ сыһыаннарын сэһэргээтэ. 80-гар чугаһаабыт ытык кырдьаҕастан Саха сирин эмтээх үүнээйилэрин хомуйар ураты дьарыгын эмиэ туоһуластыбыт, ааҕааччыларбытыгар...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...