27.09.2022 | 12:00

Саха сирин Судаарыстыбаннаһын күнэ киэҥ далааһыннаахтык бэлиэтэнэр

Бүгүн, балаҕан ыйын 27 күнүгэр, Саха сирин Судаарыстыбаннаһын күнүн бэлиэтиибит.
Саха сирин Судаарыстыбаннаһын күнэ киэҥ далааһыннаахтык бэлиэтэнэр
Ааптар: Киин Куорат

Бу күн 1990 сыллаахха өрөспүүбүкэ Судаарыстыбаннай суверенитетын туһунан декларацияны биллэриэхтэриттэн балаҕан ыйын 27 күнүгэр Саха сирин Судаарыстыбаннаһын күнэ бэлиэтэнэр. Дьоһун суолталаах күнүнэн киин куорат олохтоохторун уонна ыалдьыттарын киэҥ далааһыннаах култуурунай бырагыраама күүтэр.

 

Саха сирин Судаарыстыбаннаһын күнүгэр анаммыт култуура тэрилтэлэрин бырагыраамата:

 

Балаҕан ыйын 22 күнүттэн алтынньы 10 күнүгэр диэри

«Симэх» Норуот прикладной искусствотын уонна уус-уран оҥоһуктарын киинэ «Саха сирин геральдиката» ураты суолталаах гражданскай-патриотическай быыстапкаҕа ыҥырар. Быыстапка аһыллыыта балаҕан ыйын 27 күнүгэр күнүс 14.00 чааска А.Е. Кулаковскай аатынан Норуоттар доҕордоһууларын дьиэтигэр буолар.

Балаҕан ыйын 27 күнэ

Марфа уонна Сергей Расторгуевтар ааттарынан СӨ Судаарыстыбаннай циркатын кэлэктиибэ күнүс 14.00 чаастан цирка скверигэр «Парад Алле» бырааһынньыктааҕы бырагыраамаҕа ыҥырар.

Эмиэ бу күн «Северное Сияние» Норуоттар икки ардыларынааҕы XII-с мусукаалынай бэстибээл чэрчитинэн, Саха сиринээҕи Опера уонна балет театрыгар биллиилээх джазмен, Арассыыйа норуодунай артыыһа, саксофонист Игорь Бутман Квинтетын кэнсиэрэ ыытыллар.

Балаҕан ыйын 28  күнэ

«Арассыыйа – мин историям» Историческай пааркаҕа ХVI-с үйэттэн саҕалаан Саха сирин уопсастыбаннай-политическай олоҕун туһунан билиини хаҥатар «Биһиги Сахабыт сирэ» квиз-оонньуу ыытыллар. Оонньууга Дьокуускай куораттааҕы үөрэх кыһаларын устудьуоннара кыттыахтара.

Итини сэргэ бу күннэргэ «Саха» НКИХ ханаалларыгар өрөспүүбүлүкэ биллиилээх политическай деятеллэрин дьылҕаларын туһунан кэпсиир документальнай киинэлэр көстүөхтэрэ.

Сонуннар

Ордук ааҕаллар

Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Ийэ айманар сүрэҕин туох уоскутуой...
Сытыы муннук | 01.12.2022 | 12:03
Ийэ айманар сүрэҕин туох уоскутуой...
Билиҥҥи балаһыанньаҕа, билиҥҥи судургута суох кэмҥэ оҕотун байыаннай дьайыыга атаарбыт ийэлэрдиин кэпсэтэртэн ордук ыарахан суох. Кинилэр куоластара титириирэ, харахтарын уутун кистээн туора соттоллоро, оҕолорун тустарыгар күүстээх, тулуурдаах буола сатыыллара киһини өссө уйадытар, уоскутар тылы булбакка мух-мах бараҕын. Бу сырыыга оҕолорун атаарбыт, кэтэһэр, эрэнэр икки ийэни кытта харах уулаах кэпсэтиибин ааҕааччыларбар...
Юрий Попов: «Барыта улахан үлэттэн тахсар»
Дьон | 25.11.2022 | 16:00
Юрий Попов: «Барыта улахан үлэттэн тахсар»
Дьокуускайга Тупсарыы үс сыла биллэриллэн, бу диэн эттэххэ, киин куоракка, чахчы, үтүмэн үлэ ыытылынна, ону олохтоохтор даҕаны бэйэҕит көрө-истэ сылдьаҕыт.  Быйыл сайын «Уһук Илиҥҥэ 1000 тиэргэн» федеральнай бырайыагынан Дьокуускай куоракка 75 тиэргэн тупсаран оҥоһулунна. Саамай элбэх эбийиэккэ бэдэрээтчитинэн «Основа» ХЭТ үлэлээтэ. Онон бүгүҥҥү нүөмэрбитигэр бу тэрилтэ эдэр салайааччыта Юрий Поповы...